खोज

बुटवल, ११ भदौ । होटल तथा रेष्टुरेन्ट ब्यवसायी संघ रुपन्देहीले तिज मिलन कार्यक्रम २०८१ मनाएको छ । ब्यवसायमा आवद्ध महिला तथा परिवारलाई समेटेर मंगलबार बुटवलमा संघले तिज मिलन तथा सास्कृतिक कार्यक्रम गरेको हो । याक ब्रुअरी प्रालिको मुख्य प्रायोजन गरिएको कार्यक्रमको उद्घाटन गर्दै बुटवल उपमहानगरपालिकाका उपप्रमुख सावित्रादेवि अर्यालले तिज अब केवल महिलामात्र नभई समावेशी चाडका रुपमा मनाउन थालिएको बताईन । संघर्षको कथा बताउने पर्व तिज भएको उनले दाबी गरिन । वर्त बस्दा श्रीमान दिर्घायु हुने भन्दा पनि आफनै आयु बढ्ने तर्क दिदै उनले बैज्ञानिक रुपमा पनि यो प्रमाणित भएको बताईन । ‘समयसंग तिज पर्वको महत्व अझ बढेको छ ।’–उनले बताईन । उनले आफ्नो १५ वर्षको उमेर विहे भएर तराइबाट पहाड जानुपर्दाको कथा सुनाईन । तिजलाई दुख बिसाउने विश्रामस्थलका रुपमा धेरै गित बनाएको भन्दै उनले गित समेत सुनाईन ।

कार्यक्रममा संघका अध्यक्ष लेखनाथ भण्डारीले संस्थागत रुपमा ब्यवसायीहरुको हकहितका विषयमा आवाज उठाउनेमात्र नभई ब्यवसायहरुको क्षमता विकास र तालिमलाई जोड दिएको बताए । स्थानिय सरकार ब्यवसायिहरुको हित हुने गरि कार्यक्रम ल्याउन उनले सुझाव दिए । बुटवललाई रात्रिकालिन बजारमार्फत चलायमान गराउदै आर्थिक रुपमा सबल बनाउने ब्यवसायिहरु लागेको उनले बताए ।

कार्यक्रममा होटल तथा रेष्टुरेन्ट ब्यवसायी महासंघ नेपालका संस्थापक अध्यक्ष तथा संघका प्रमुख सल्लाहकार माधव प्रसाद नेपालले तिज पर्वको आफ्नै महत्व रहेको बताए । पौराणिक कथा अनुसार शिव भगवानलाई स्वामी पाउनका लागि पार्वतीले लामो तपस्या गरेकी तर त्यो सफल नभएपछि भगवान विष्णुले पार्वतीलाई तालिका अनुसार ध्यान उपलब्ध गराएपछि शिवप्राप्ति भएको मानिन्छ । यता आधुनिक युगमा विवाहित छोरीहरु वर्षदिनमा माईत जाने र आफ्नो ब्यथा सुनाउने रुपमा यो पर्वलाई चिनिएको उनले बताए । तिज पर्वमा पछिल्लोसमय परिवारसंग बसेर हेर्न र सुन्न नसकिने खालका गित बजारमा आएको भन्दै त्यसलाई साथ दिन नहुने उनले बताए । होटल ब्यवसाय अप्नाउने ब्यवसायीहरु अतिथि देव भवको शब्दलाई ब्यवहारमा उतार्नुपर्ने जिम्मेवारीमा रहने हुदा पनि सब्य समाजको चित्रण गराउन महत्वपुर्व भुमिका रहने उनले बताए ।

कार्यक्रममा याक ब्रुअरी प्रालिका डिपटी म्यानेजर प्रितम गिरिले आफ्नो उत्पादनको प्रचार गर्नेमात्र नभई सामाजिक उत्तरदायित्व निर्वाह गर्दै आएको बताए । कम्पनीबाट प्रत्येक वर्ष महिला ब्यवसायीहरुलाई फैक्ट्रिमा लगेर भिजिट गराउने जस्ता कार्यक्रम समेत गर्दै आएको उनले बताए ।
कार्यक्रम ब्यवस्थापन समिति सदस्य एकादेव पाण्डेले हरितालिका तिजको मौलिकता जोगाउने गरि संस्थाबाट कार्यक्रम गर्दै आएको बताए ।
कार्यक्रममा पुर्व अध्यक्ष तथा सल्लाहकार महेन्द्र श्रेष्ठ, सल्लाहकार समुन्द्र जिसि, महासंघ लुम्बिनी प्रदेशका सदस्य मोहनलाल पाण्डे, रामप्रसाद गौतम, मोहनलाल पाण्डे, संघका वरिष्ठ उपाध्यक्ष माधव खनाल, संघका महासचिव अर्जुन थापा, कार्यक्रम संयोजक कमला पाण्डेले पर्वका रुपमा संस्थागत रुपमा कार्यक्रम गर्दा एकआपसमा भाईचारा बढाएको बताए । कार्यक्रममा कलाकारहरु उज्वल गिरि र बसन्ता खनालले तीजका गितहरु गाएका थिए ।