खोज

बुटवल, ११ भदौ ।

नेपाली महिलाहरूको महान पर्व हरितालिका तीज नजिकिएसँगै बजारमा हरेक दिन नयाँनयाँ तीजका गीत सार्वजनिक भएका छन् । गायक गायिकालाई तीजका गीतहरु बिभिन्न च्यानलहरु मार्फत सार्वजनिक गर्न भ्याई नभ्याई छ । यसै क्रममा गायिका शोभा पाण्डेको ‘हरदिन पुजा गर्छु म’ बोलको म्युजिक भिडियो सार्वजनिक भएको छ ।

पाण्डेको तीजगीतमा तीजका दिन ब्रत बसेर श्रीमानको आयु लामो हुने भए एकदिन मात्र होईन हरेक दिन शिवजीको पुजा, आराधना गर्ने जस्ता भाव सुन्न सकिन्छ । तीज गीतले मौलिक कला संस्कृतिको संरक्षण गर्नुका साथै समाजमा सकरात्मक सन्देश दिने गायिका पाण्डेको दाबी छ । स्वीकृति बरालको शब्द रहेको गीतमा संगित दिपक शर्माको रहेको छ । गीतको रामकृष्ण थापाले सङ्गीत संयोजन गरेका छन् । गीतको भिडियोमा गायिका पाण्डे स्वयमको मुख्य भूमिका रहेको छ भने स्तुती बराल र सम्झना मायाले अभिनय गरेका छन् ।

२०७१ सालदेखि नेपाली सांगितिक क्षेत्रमा प्रवेश गरेकी उनले हालसम्म ६ दर्जन बढी गीतमा आवाज भरेकी छिन् भने आधा दर्जन बढी तीज गीतमा पनि स्वर भरेकी छिन् । संगित विषयमा दर्शनाचार्य गरेकी गायिका संगित विषयमा शोध प्रवन्ध लेख्दै छिन् । गायिका पाण्डेले अन्य गीत तथा भिडियोहरु पनि चाँडै बजारमा ल्याउने तयारीमा रहेको बताउँछिन् ।