खोज

बुटवल, ७ भदौ । बुटवलमा दोस्रो बुटवल जुत्ता÷चप्पल व्यापार मेला २०८१ हुने भएको छ । स्वदेशी उत्पादनलाई प्रोत्साहन गर्ने उदेश्यका साथ नेपाली लुगा घरले डेल्टा कम्प्लेक्स परिसरमा टेन्ट लगाएर जुत्ता मेला गर्न लागेको हो ।

भदौ ९ गतेदेखि हुने मेलाको तयारी पुरा भएको शुक्रबार बुटवलमा पत्रकार सम्मेलन गरि मेलाका संयोजक प्रकाश भुसालले जानकारी दिए । ‘असार ६ गते आगलागीको क्षतिपछि दुई महिनाको अन्तरालमा मेलामार्फत ग्राहकलाई पुनः सेवा दिन लागेका छौ ।’—उनले भने । परिसरमा नै ४० वटा स्टलहरुमार्फत मेला लगाउन लागेको उनले बताए । मेलामा नेपालका ८ उद्योगका ३० भन्दा धेरै ब्रान्ड र ३ हजारभन्दा धेरै डिजाईन उपलब्ध हुने उनले बताए । मेलाको आकर्षणको रुपमा पहिलो एक हजार ग्राहकलाई १ रुपैयामा एक जोर मोजा उपलब्ध गराईने उनले बताए । सधै नया गर्दै आएकोमा यसपटक स्थानिय उद्योगबाट उत्पादन गरिएको मोजालाई प्रोत्साहन गर्न लागेको उनले बताए । तिज, दसै जस्ता महान चाडपर्व केन्द्रीत गरि मेला लगाईएको उनले बताए ।

कार्यक्रममा फुटवेयर मेनुफेक्चर एशोसियसन अफ नेपालका केन्द्रिय उपाध्यक्ष सुरज बन्जाडेले नेपालको औधोगिक उत्पादनमा फुटवेयर क्षेत्रको योगदान उल्लेखनीय रहेको दाबी गर्दै त्यसमा पनि नेपाली फुटवयर जन्य सामान नेपाली उपभोक्ताहरुको मागको ६५ प्रतिशत योगदान नेपाली उत्पादनवाट भइरहेको बताए। उत्पादन क्षमता बार्षिक १६ करोड जोर रहेको नेपाली बजारको माग भने १० करोड जोर रहेको उनले बताए । नेपालमा जम्मा ६ करोड जोर बिक्रि रहेको छ । नेपाली उत्पादनलाइ बजारीकरण गर्ने विभिन्न माध्यम मध्य मेला प्रदसनी पनि हो । नेपाली उद्योगीहरुको पहलमा देशका विभिन्न क्षत्रमा मेला प्रर्दसनीबाट नेपाली उत्पादनहरु ग्राहकसम्म परिचित गराउने क्रममा आज दोस्रो नेपाली जुत्ता चप्पल व्यापार मेला २०८१ गर्न लागिएको हो ।

यो जुत्ता चप्पल व्यापार मेलाबाट रुपन्देही सहित छिमेकी जिल्लाका उपभोक्ताहरु अत्यन्तै लाभान्वित हुने आयोजकको दाबी छ । मेलामा दसै सम्ममा करिब पाँच करोड रुपैया बराबरको ३० देखि ३५ हजार जोडी जुत्ता चप्पल कारोबार गरिने अपेक्षा रहेको छ । बेस ग्लोबल प्रालि, लालिगुरास फुटवेयर ईण्डष्ट्रिज प्रालि, शुभकामना फुटवेयर, स्मार्ट शु, एक्सन शु, शिखर शु, पवित्रा शु, रन शु ईण्डष्ट्रिज प्रालि लगायत ८ कम्पनिका जुत्तामा १५ प्रतिशत देखि ५० प्रतिशतसम्म छुटमा कारखानाकै मुल्यमा उपभोक्तासम्म पुर्याउने उनले बताए ।