खोज

बुटवल, १ भदौ । मातृभाषा जागरण गर्ने उदेश्यका साथ बुटवलमा मातृभाषामा कविता बाचन गरिएको छ । राणा प्रधानमन्त्री श्री ३ चन्द्रसमशेर जंगबहादुर राणाले नेपालभित्र एउटामात्र भाषा बोल्नुपर्ने उर्दि जारी गरेको साउन ३२ गते शुक्रबार बुटवलमा मातृभाषा जागरण अभियान कार्यक्रम गरिएको हो ।

कार्यक्रमको उद्घाटन गर्दै नेपाल मगर संघका केन्द्रीय सहअध्यक्ष दलबहादुर बीरकट्टा मगरले नेपालका आदिवासी जनजातिले आदिमकालदेखि बोल्दै आएको मातृभाषालाई बन्देज लगाएको दिनलाई मातृभाषा जागरण अभियानका रुपमा मनाउन थालिएको बताए ।
अमर भवनमा भएको कार्यक्रममा ७ जना आदिवासी जनजातिहरूले आ–आफ्नो मातृभाषामा लेखिएका कविता बाचन गरेका थिए । थारु भाषाका आदिकवि बम बहादुर चौधरी, कवि बलवान थारु, नेवार भाषाका कवि लक्ष्मी श्रेष्ठ, तामाङ्ग भाषाका कबि दीलमाया थिङ्ग, मगरभाषाका कवि अकृति थापा मगर तथा चित्र सुनारी मगर, गुरुङ्ग भाषाका कवि भिम गुरुङ्ग लगायतले कविता प्रस्तुत गर्दै भाषा, लिपि सम्पति भएको हुदा यसको संरक्षणलाई जोड दिनुपर्ने बताए ।

कार्यक्रममा संघका अध्यक्ष निर्मला थापा मगरले रुपन्देहीमा आदीबासी जनजातीहरु फुट्ने भन्दा पनि एकजुट भएर आफनो भाषा, संस्कृति जर्गेना गर्दै नया पुस्तालाई पुस्तान्तरण गर्न जरुरी रहेको बताईन ।

कार्यक्रममा नेपाल मगर महिला संघका केन्द्रीय संगठन सचिव चन्दा थापा, नेपाल मगर महिला संघ, लुम्बिनी प्रदेशका अध्यक्ष केशरी त्रामू, नेपाल मगर महिला संघ लुम्बिनी प्रदेशका भाषिक उपाध्यक्ष अन बहादुर थापा, रूपन्देही उपाध्यक्ष थर्क बारघरे, युवा संघ, रूपन्देहीका अध्यक्ष हेमन्त थापा मगर लगायतले, नेवा पुचका सल्लाहकार तिलक प्रसाद श्रेष्ठ, थारु कल्याणकारिणीका अध्यक्ष कमल प्रसाद चौधरी, नेपाल मगर महिला संघ, रूपन्देहीका सचिव खिम थापा मगरले संगठित भएर काम गर्दा प्रतिफल प्राप्त हुने भन्दै यस्ता कार्यक्रमहरुलाई निरन्तरता दिनुपर्ने बताए ।

कार्यक्रम संयोजक नेपाल मगर महिला संघ, रूपन्देहीका उपाध्यक्ष सरिता थापा मगरले छोटो तयारीमा कार्यक्रम गर्दा अझै धेरै छुटेको भन्दै आगामी दिनमा समेटर लग्ने बताईन ।