खोज

चन्द्रौटा (कपिलवस्तु), २८ साउन ।
चाँडपर्व नजिकिएसँगै सिमानाकामा चोरी तस्करी मौलाएको छ । तस्करी मौलाएसँगै नियन्त्रण गर्न पछिल्लो समय प्रहरीको गस्ती समेत कडा गरिएको छ । कपिलवस्तुमा लाखौँ रूपैयाँ बराबरको अवैध कपडा बरामद गरिएको छ । नेपाल प्रहरी र सशस्त्र प्रहरीको गस्तीको क्रममा भन्सार छली नेपाल भित्रिएको अवस्थामा कृष्णनगरबाट ९ लाख रूपैयाँ बराबर मूल्यको कपडा बरामद गरिएको प्रहरीले जनाएको छ । प्रहरीका अनुसार १९ बोरा कपडा नियन्त्रणमा लिएको हो ।

जसमा १ सय ७७ पिस लेडिज सुट, ८१ पिस साडी, ६३ थान काँचो कपडा र ८ थान टावेलहरू रहेका छन् । गोप्य सूचनाका आधारमा भारतबाट अवैध रूपमा भित्र्याइएका कपडाहरू नियन्त्रणमा लिन प्रहरी टोली खटाइएको इलाका प्रहरी कार्यालय कृष्णनगरका प्रहरी निरीक्षक सुरज खत्रीले जानकारी दिए । यस्तै सशस्त्र प्रहरी बल कृष्णनगरले कृष्णनगर सीमा क्षेत्र बगही नजिकै दुईवटा भारतीय नम्बरका मोटरसाइकलसहित ३ लाख एक हजार ४ सय रूपैया बराबरको कपडा लगायतको सामग्री बरामद गरेको सशस्त्र प्रहरी बल कृष्णनगरका डिएसपी शैलेन्द्र न्यौपानेले बताए ।

नियन्त्रणमा लिएकोमा साडी ३७ पिस, कुर्ता सुरूवाल ८१ पिस, र ७ पोका सुर्ति बरामद उनको भनाइ छ । यु.पी. ५६ इ ५९८३ र यु.पी ४७ एफ ५५१२ नम्बरका मोटरसाइकल नेपाल आउँदै गर्दा प्रहरीलाई देखेपछि तस्करहरू मोटरसाइकल छाडेर भारततर्फ भागेको डिएसपी न्यौपानेले जनाए ।
न्यौपानेका अनुसार अवैधरूपमा भारतबाट नेपाल भित्र्याइएका बरामद कपडा, मोटरसाइकल लगायत सामान कृष्णनगर भन्सार कार्यालयमा पठाइएको छ । प्रहरीका अनुसार बिहान करिब ८ बजेको समयमा रहेको गस्ती टोलीले सामग्री नियन्त्रणमा लिएको थियो । प्रहरी देख्न साथ तस्करहरू सामग्री छाडेर भारततर्फ भागेका थिए । नेपाल प्रहरी र सशस्त्र प्रहरीले बरामद गरिएका सामग्रीको ९ लाख रूपैयाँ बराबरको मूल्य रहेको प्रहरीको अनुमान छ । यसबारे थप अनुसन्धान भइरहेको जनाइएको छ ।
न्यौपानेका अनुसार अवैधरूपमा भारतबाट नेपाल भित्र्याइएका बरामद कपडा, मोटरसाइकल लगायत सामान कृष्णनगर भन्सार कार्यालयमा पठाइएको छ । प्रहरीका अनुसार बिहान करिब ८ बजेको समयमा रहेको गस्ती टोलीले सामग्री नियन्त्रणमा लिएको थियो । प्रहरी देख्न साथ तस्करहरू सामग्री छाडेर भारततर्फ भागेका थिए । नेपाल प्रहरी र सशस्त्र प्रहरीले बरामद गरिएका सामग्रीको ९ लाख रूपैयाँ बराबरको मूल्य रहेको प्रहरीको अनुमान छ । यसबारे थप अनुसन्धान भइरहेको जनाइएको छ ।