खोज

बुटवल, २६ साउन ।

विद्युतीय सवारी साधनको प्रयोगले वातावरणीय स्वच्छता कायम हुनुका साथै आर्थिक रूपमा व्ययभार समेत कम हुन जाने भएकाले विद्युतीय सवारी नै प्रयोग फइद जनक हुने एक कार्यक्रमका बक्ताहरूले जोड दिएका छन् ।

पेट्रोलियम पदार्थ आयातमा वर्षेनि अरवौं रकम बाहिरिंदा ठुलो आर्थिक नोक्सानी व्यहोर्नुु परेको भन्दै विद्युतीय सवारी उपयुक्त विकल्प भएको उनीहरूको भनाइ छ । नेपाल विद्युत प्राधिकरणको ३९ औँ बार्षिक उत्सवको अवसरमा प्राधिकरण लुम्बनी प्रादेशिक कार्यालय बुटवलले आयोजना गरेको विद्युतीय सवारी साधनहरुको बृहत रÞ्याली समापन कार्यक्रममा बोल्ने वक्ताहरूले स्वदेशी विद्युतको खपतले विदेशी मुद्रा संचिती समेत बढ्ने बताए ।

यस क्षेत्रमा विद्युतीय गाडी विक्री वितरण गर्दै आएका कम्पनीहरू र विद्युतीय गाडी प्रयोगकर्ता, प्राधिकरणका कर्मचारीको सहभागिता रहेको उक्त ¥याली प्राधिकरण प्रादेशिक कार्यालय बुटवल कालिकानगरबाट सुरू भई, बुटवल मिलन चोक, गोलपार्क, योगीकुटी, तिलोत्तमा मणिग्राम हुँदै पुनः कार्यालय परिसरमा पुगी समापन गरिएको थियो । कार्यक्रममा बोल्दै नेपाल विद्युत प्राधिकरण लुम्बनी प्रादेशिक कार्यालयका प्रमुख हरि प्रसाद पाण्डेले पेट्रोलियम पदार्थ आयातका लागि ठूलो मात्रामा विदेशिने मुद्राको न्युनीकरण तथा स्वदेशी विद्युतको खपतका लागि ¥यालीको आयोजना गरिएको बताए ।

उनले विद्युतीय गाडीको प्रवद्र्धन गर्ने उद्धेश्य प्राधिकरणको रहेको बताए । उनले प्राधिकरणले विद्युतीय गाडीहरूलाई लक्षित गरी लुम्बिनी प्रदेशको बुटवल बसपार्क, बर्दघाट, कपिलबस्तुको चन्द्रौटा, बाँकेको कोहलपुर लगायतका क्षेत्रमा चार्जिङ स्टेशन निर्माण गरेको र थप अन्य ठाउँमा पनि चार्जिङ स्टेशन निर्माण गर्ने तयारी रहेको बताए । प्रमुख पाण्डेले बुटवल नारायणगढ, बुटवल–पोखरा, बुटवल–कोहलपुर लामो दुरीका सडक खण्डहरूको विभिन्न स्थानमा चार्जिङ स्टेशन राख्ने तयारी भैरहेको बताए ।

कार्यक्रममा बोल्दै प्राधिकरण बुटवलका ग्रीड महाशाखा प्रमुख सुरज गौतमले यस क्षेत्रमा विद्युतीय सावारी साधन प्रयोग गर्नेहरू दिनानुदिन बढ्दै गएको बताए । उनले नेपाल विद्युत प्राधिकरणले विद्युतीय गाडीको प्रयोग बढाउन चार्जिङ स्टेशन निर्माण गर्न चाहनेहरूका लागि पुर्वाधार निर्माण गरिदिने ,सहुलियतमा विद्युत प्रदान गर्नुका साथै ट्रान्सफर्मर निःशुल्क जडान लगायतका सुविधा दिने बताए ।

कार्यक्रममा विद्युतीय गाडी लिएका प्रयोगकर्ताले भने लाइन जाने आउने भोल्टेज नपुग्ने समस्या आफुहरुले भोग्नु परेकाले समस्या समाधानका लागि आग्रह गरेका थिए ।

कार्यक्रममा बुटवल वितरण केन्द्र प्रमुख कपिल पाण्डे, नयाँमिल वितरण केन्द्र प्रमुख रितेश गुप्ता, डिल्लिराज बेल्वासे, रामप्रसाद ज्ञवाली, ज्ञान प्रसाद भट्टराइ, भोजराज पोखरेल, कल्पना थापा, विद्युतीय सवारी धनी मुकुन्द भण्डारी लगायतले बोलेका थिए । कार्यक्रममा विद्युतीय गाडी लिएका प्रयोगकर्ताले भने लाइन जाने आउने, भोल्टेज नपुग्ने समस्या आफुहरुले भोग्नु परेकाले समस्या समाधानका लागि आग्रह गरेका थिए । ¥याली कार्यक्रममा महङ्गो छ तेल खाडीमा, चढौ विजुली गाडीमा, स्वदेशी विद्युतको खपत, विदेशी मुद्राको बचत, विद्युत खपत बढाऔ, इन्धनको आयात घटाऔं लगायतका नारा लेखिएका प्लेकार्ड, ब्यानरहरु गाडीमा टाँगिएको थियो ।