खोज

बुटवल, २६ साउन ।
लायन्स क्लब अफ बुटवल सयपत्रीले बुटवलमा विभिन्न कार्यक्रमहरू सहित आफ्नो पदस्थापना सम्पन्न गरेको छ । बर्ष २४—२५ का अध्यक्ष कमला बस्नेत कुँवरको अध्यक्षता र लायन्स ३२५ पि का डिष्ट्रिक गर्भनर पुरुषोत्तमभक्त प्राधानां·को प्रमूख आतिथ्यतामा आयोजित कार्यक्रमलाई विविधता सहित सम्पन्न गरेको अध्यक्ष कुँवरले बताईन् ।
कार्यक्रममा लायन्स क्लब अफ बुटवल सयपत्रीको स्पोन्सरमा आफ्नो युवा संगठनको रूपमा लियो क्लव अफ बुटवल सयपत्री गठन गरी पदास्थापन समेत गरिएको उनले जानकारी दिईन ।

त्यसैगरी युवाहरू व्यक्तिगत रूपमा र सामूहिक रूपमा उनीहरूको नेतृत्व विकास, क्षमता विकास र समुदाय प्रति जिम्मेवार बन्न सकुन भन्ने उद्देश्यका साथ महिलाहरू मात्र सदस्य रहने गरी नयना कुँवरको अध्यक्षतामा २४ सदस्यीय लियो क्लब अफ बुटवल सयपत्री गठन गरीएको छ । कार्यक्रममा क्लबमा नयाँ विचार र ऊर्जा ल्याउन १८ जना महिलाहरूलाई लायन्स क्लब अफ बुटवल सयपत्रीको नयाँ सदस्यता प्रदान गरीएको समेत उनले बताईन । अध्यक्ष कुँवरले क्लवको तर्फबाट आफूले मानवीय प्रयासलाई समर्थन गर्दै मेलभिन जोन्स फेलोशिप (एमजेएफ) सदस्यता लिएको तथा लायन्स समुदाय भित्र नेतृत्व विकासलाई प्रवर्द्धन गर्न क्लबका पूर्व अध्यक्ष सवनम श्रेष्ठ सहित १० जनाले लायन्स क्लब नेपाल लिडरसिप फाउन्डेसन (एन एल एफ) सदस्यता लिएको उल्लेख गरीन । यस्तै कार्यक्रममा अध्यक्ष कुँवरले डिष्ट्रिकको थिम “सीप सिकौंं आत्मनिर्भर बनौं” भन्ने सोंचलाई आत्मसाथ गरी सयपत्री क्लबले इच्छुक, क्षमतावान तर स्थान नपाएका व्यक्तिहरूलाई आत्मनिर्भर गराउने हेतुले रु. २ लाख ५० हजार बराबरको १७ जना युवतीहरूलाई निःशुल्क कम्प्युटर तालिम दिने घोषणा गरीन् ।

लायन्स क्लब डिष्ट्रिक ३२५ पि को थिम “सँगसंगै सफलता हासिल गरौ” भन्ने नारालाई मुर्तरूप दिन महिलाहरू माझ स्वरोजगार, व्यवसायी र उद्यमशिलतालाई प्रोत्साहन गर्दै महिला शसक्तिकरणको लागि रूपन्देही जिल्लाको विभिन्न १० स्थानमा करीब ३ सय महिलाहरूलाई बाटेको धुप बनाउने तालिमको आयोजना गरीएको र लायन्स ग्लोबल कज अन डायबिटिज अन्तर्गत टाइप १ मधुमेह भएका बालबालिकाका लागि एक दिने शिविरको आयोजना गरी मधुमेह भएका बालबालिकाको परिवारलाई मधुमेह व्यवस्थापन र स्वस्थ्य जिवन शैलीको अभ्यास, नियमित चेकजाँच र मधुमेहबारे सचेतना जगाउने उद्देश्यले चिकित्सा सहयोग, शिक्षा र स्रोतहरू उपलब्ध गराइ प्रभावित बालबालिका र उनीहरूका परिवारहरूको जीवनस्तरमा सुधार ल्याउने लक्ष्य रहेको अध्यक्ष कुँवरले बताईन ।

कार्यक्रममा बुटवल उपमहानगरपालिका वडा नं.९ बस्ने ४ बर्षको अंसित न्यौपाने बल्ड क्यान्सर (थेलेसिमिया) बाट बिरामी भई इन्डियाको पंजाब चन्ढीगढको पिजिआई अस्पतालमा उपचार गराईरहेको हँुदा क्लबको नेतृत्वमा रु. २५ हजार सहयोग, थेलेसेमिया तथा बल्ड क्यान्सरका बच्चाहरूलाई उपचारका लागि ५ हजार १ सयबाट अक्षयकोषको स्थापना, जनजागृति स्कूलमा अध्ययनरत तीन जना विद्यार्थीहरूका लागि कक्षा १० सम्म निःशुल्क अध्ययनका लागि आफूहरूद्वारा रु. ५ हजारको छात्रवृत्ति अक्षयकोषको शुरुवात घोषणा गरेको अध्यक्ष कुँवरले जानकारी दिईन ।

क्लबले आयोजना गरेको कार्यक्रममा प्रमुख अतिथि डिष्ट्रिक गर्भनर पुरुषोत्तमभक्त प्राधानां·ले समाजमा बाँच्न पाउने अधिकार हरेक नागरिकको भएको हुँदा सक्नेले नसक्नेलाई सहयोग गर्नु क्लवको उद्देश्य मात्र नभई मानवीय कर्तव्य र धर्म भित्र पर्ने हुँदा लायन्स क्लव अफ बुटवल सयपत्री हरेक समय हरेक क्षेत्रमा यस्ता उदाहरणीय कार्य गर्दै समाजमा आफूलाई अब्वल सावित गर्दै आएकोे बताए ।

कार्यक्रममा मल्टिपल मार्केटिड कोर्डिनेटर अरूण प्रताप राणा र निवर्तमान डिष्ट्रिक गर्भनर अर्जुनमान सैंजु, प्रथम भिडिजी बालाराम भट्टराई, दोश्रो भिडिजी संन्दिप कसौधन, पूर्व गर्भनरहरू सुनिल वझा, नवराज न्यौपाने, महेन्द्रनारायण श्रेष्ठ, डिष्ट्रिक सचिव माधव खनाल, डिष्ट्रिक कोषाध्यक्ष प्रकाश श्रेष्ठ र डिष्ट्रिक प्रमुख सल्लाहकार खेम हमाल, एक्टेनसन चियरपर्सन द्वारिका प्र. श्रेष्ठ, लियो डिष्ट्रिक गर्भनर श्रद्धा कुँंवर, नयाँ लियो क्लब अध्यक्ष नयना कुंँवर, एरिया चिफ दिपक श्रेष्ठ, रिजन चियर पर्सन विष्णु उपाध्याय, जोन चियरपर्सन महेश श्रेष्ठ लगायतले बोलेका थिए । कार्यक्रम क्लबका पूर्व अध्यक्ष तथा कार्यक्रम संयोजक सविना श्रेष्ठको धन्यवाद र सचिव शान्ती लक्ष्मी अर्यालको सञ्चालनमा सम्पन्न भएको हो ।