खोज

कपिलवस्तु, १९ साउन ।

“अवधि भाषा, संस्कृती, कला, साहित्यकै विकास हम्मन सब कै साझा प्रयास” भन्ने नाराका साथ कपिलवस्तुको तौलिहवामा कपिलवस्तु महाधाम संङ्गित परिचर्चा तथा साङ्गितिक गोष्ठी सम्पन्न गरिएको छ ।

नव कपिलवस्तु साहित्यिक समाजको सहयोगमा अवधि साँस्कृतिक समाज कपिलवस्तुको आयोजनामा कपिलवस्तु नगरपालिका वडा नम्बर ३ को शारदा कुटिरमा गोष्ठी सम्पन्न गरिएको हो । सो अवसरमा वरिष्ठ साहित्यकार हरिराज शर्मा (हराश) ले साहित्यकार श्याम प्रकाश लाल श्रीवास्तवले लेखेको कपिलवस्तु महाधाम पुस्तकको अंशको रुपमा रहेको कपिलवस्तु महाधाम गिति संङ्गितको लोकापर्ण गरे ।

पुस्तकको अंशमा श्रीवास्तवको रचना र स्वर रहेको गिति संङ्गितले कपिलवस्तुको तिलौराकोट, रामघाट, तौलेश्वरनाथ मन्दिर, बुद्धको जिवनी समेटेको छ । अरु जिल्लामा एउटा धाम भए पनि सो धामलाई धेरै प्रचारमा ल्याईएको भए पनि कपिलवस्तुमा धेरै धाम भए पनि प्रचार हुन नसकेकाले कपिलवस्तु जिल्लालाई महाधामको रुपमा प्रचार प्रसार गराउने उद्देश्यले आफुले कपिलवस्तु महाधाम पुस्तकको लेखन तथा गिति संङ्गित तयार पारेको साहित्कार श्याम प्रकाश लाल श्रीवास्तवले बताए ।

कपिलवस्तु महाधामको प्रचारमा सहयोग गर्न उनले सञ्चार क्षेत्र र साहित्यिक क्षेत्रका अग्रज सँग आग्रह गरे । अवधि संस्कृतिको माध्यमबाट कपिलवस्तु जिल्लालाई महाधामको रुपमा प्रचार प्रसार गराउन पुस्तक र गिति संङ्गितले सहयोग पुर्याउने बरिष्ठ साहित्यकार हरिराज शर्मा (हराश) ले बताए । अवधि संस्कृती प्राचिन संस्कृती रहेकाले साहित्यका माध्यमबाट कपिलवस्तुलाई अब महाधामको रुपमा प्रचार गर्न सहयोग मिल्ने साहित्यकार पशुपतिमणी त्रिपाठीले बताए ।

जिल्लाको पहिचान र ऐतिहासिकताको प्रचार गर्न गिति संङ्गितले भुमिका खेल्ने अवधि साँस्कृतिक समाज कपिलवस्तुका अध्यक्ष युवराज गुप्ताको भनाई थियो । अवधि सङ्गितमा प्रस्तुत गिति संङ्गित जिवन्त रहने र कपिलवस्तुको संस्कृती परिचित गराउन भूमिका खेल्नेमा अर्का साहित्यकार राधबेन्द्र कुमार श्रीवास्तवले बिश्वास व्यक्त गरे ।

साहित्यकार पार्वती शर्मा, अमित पाण्डेय, वासुदेव चौधरी लगायतले गिति संङ्गितले कपिलवस्तुलाई महाधामको रुपमा परिचित गराउनेमा जोड दिए । साहित्यमा कलम चलाउँदै आएका भानु चुतुर्वेदी, देबेन्द्र किरण श्रीवास्तव, काशीराम यादव, कृष्णचन्द्र मिश्रा, कृष्ण अग्रहरी लगायतले कार्यक्रममा आफ्नो रचना वाचन गरेका थिए । त्यसैगरी कलाकार तथा गायक उजाला साहनी, रोहित भोजपुरिया, सन्दिप दुवे, रामशंकर राय, हरिशंकर उपाध्याय, राजेन्द्र बढई, दिपक प्रजापतिले साङ्गितिक प्रस्तुती दिएका थिए ।