खोज

बुटवल, १४ साउन । विश्वकै एक मात्र पृथक रोटरीको रुपमा स्थापित रोटरी क्लब अफ सेन्ट्रल, बुटवलको नवौं पदस्थापन सम्पन्न भएको छ । रोटरी वर्ष २०२४/२५ का अध्यक्ष दिनेशराज रेग्मीको टिमले एक समारोहका वीच पदस्थापन गरेको छ ।

कार्यक्रमका प्रमुख अतिथि रोटरी ईन्टरनेसनल डिस्ट्रिक्ट ३२९२ नेपाल–भुटानका डिष्ट्रिक गर्भनर रो. राजेन्द्रमान शेरचनको उपश्थितीमा क्लकका आईपीपी गणेशप्रसाद अधिकारीले रेग्मीलाई बेल र गोङ हस्तान्तरण गर्नु भएको थियो भने क्लबको चाटर्ड सर्टिफिकेट चाटर्ड प्रेसिडेन्ट एजाज आलमले प्रदान गरे ।

पदस्थापनमा बोल्दै डिष्ट्रिक गर्भनर रो.राजेन्द्रमान शेरचनले वातावरण, शिक्षा, खानेपानी, स्वास्थ्य लगायत क्षेत्रमा रोटरीबाट काम गर्दै आएको उल्लेख गर्दै छुटै पहिचानसहित सेन्ट्रल क्लब स्थापनादेखि नै विभिन्न सर्भिस प्रोजेक्टमा नजिक रहदै उल्लेख काम गरेको बताए । गर्भनर शेरचनले रेटरीले सञ्चालन गर्दै आएका परियोजनाका बारेमा बढिभन्दा बढि समाजमा प्रचारप्रसार गर्न सुझाव दिदै रोटरीले मिस नेपाललाई ब्राण्ड एम्बेसडर, मिस अर्थ, मिस नेपाल वर्डलाई समेटेर देश व्यापी प्रचार अभियानमा लाग्ने बताए ।

कार्यक्रमका विशिष्ट अतिथि प्रतिनिधिसभा सदस्य बासुदेव घिमिरेले सामाजिक सेवा भावका साथ रोटरीका कार्यक्रमहरु अघि बढेको भन्दै यसमा राज्यबाट सहजिकरण गर्ने काम आवश्यक रहेको बताए । बुटवलमा सञ्चालनमा रहेको मुटु अस्पताललाई व्यवस्थित रुपमा चलाउने क्रममा देखिएका समस्याहरुको समाधान छिटै हुने विश्वास व्यक्त गरे ।

क्लबका संस्थापक अध्यक्ष एजाज आलमले नयाँ ढंग र सोंचमा क्लब अगाडी बढ्ने गरि स्थापना गरिएको बताए । रोटरीको नेतृत्वमा रिजन ५ ले दावी प्रस्तुत गर्ने सहि समय आएको हुदा सबै क्लबलाई एक भएर अगाडी बढ्न उनले आग्रह गरे ।

कार्यक्रममा वर्ष २०२४/२५ का अध्यक्ष रेग्मीले आफ्नो कार्यकालका लागि क्लब अफ एक्सनबारे धारणा राख्दै विगतको कामलाई थप व्यवस्थित र नयाँ ढंगले अगाडी बढ्ने प्रतिवद्धता बताए । क्लबका आइपिपि अधिकारीले एकवर्षे कार्यकालमा भएका गतिविधि प्रस्तुत गर्दै सहयोगी सबैलाई धन्यवाद दिए । कार्यक्रममा ईलेक्ट अध्यक्ष पुरन बहादुर ज्ञवाली, मिनराज भारद्वाज, रोटरी क्लब अफ बुटवल डाउनटाउनका अध्यक्ष शिव ज्ञवाली, डिष्ट्रिक अफिसरहरुकोतर्फबाट पोलियो प्लस सव कमिटिका चियर ध्रुव धितालले शुभकामना दिए ।