खोज

लमही, १४ साउन ।
नेपाल सरकारले नेपाल सरकारका सेवा प्रदायक कार्यालयहरूले अनिवार्य नागरिक वडापत्र राख्न आफ्ना मातहतका कार्यक्रम निर्देशन गरेको हुन्छ । सबैजसो कार्यालयमा नागरिक वडापत्र राखेका हुन्छन् । तर जनताको सबै भन्दा बढी गुनासो आउने जनताको सबै भन्दा नजिकको सरकारमा नागरिक वडापत्र नहुँदा नागरिक आफ्ना गुनासा राख्न पाएका छैनन् ।

दाङको लमही नगरपालिकामा हालसम्म पनि नागरिक वडापत्र राखिएको छैन । जनप्रतिनिधि निर्वाचित भएको ढाइ बर्ष सम्म पनि लमही कार्यालय लगायत नगरपालिका ९ वटै वडामा वडापत्र नहुँदा जनताले आफ्ना गुनासा राख्न नपाएको गुनासो गरेका छन । लमही नगरपालिका वडा ५ निवासी डिलकुमार श्रेष्ठले लमही नगरपालिकाले जनभावना अनरूप काम गर्न नसकेको बताए । उनले सेवाग्राहीले सेवा लिँदा भएको असहजतालाई गुनासो गर्न समेत पाउने नागरिक वडापत्र नहुनु गैरजिम्मेवार भएको बताए । यता लमही नगरपालिकाका मेयर जोगराज चौधरीले नागरिक वडापत्र राख्न केही ढिलो भएको भन्दै सेवाग्राहीप्रति भएको असुविधालाई मध्यनजर गर्दै नागरिक वडापत्र बनाउने कार्य सप्पन्न भएको बताउँदै, राख्ने तयारी भएको बताए । लमही नगरपालिकामा ९९ प्रतिशत नेपाली कांग्रेसका जनप्रतिनिधि छन ।

यद्यपि जनताको सवालमा भने निक्कै गैरजिम्मेवार बनेको नागरिकको गुनासो रहेको छ । नेकपा एमालेका प्रदेश कमिटी सदस्य तथा पूर्व लमही नगरपालिका मेयर कुल बहादुर केसीले लमही नगरपालिका जनतालाई सहजरूपमा सेवा दिने भन्दा आन्तरिक विवाद फसेको आरोप लगाए । उनले ९९ प्रतिशत जनप्रतिनिधि एउटै पार्टीको भए पनि आ आफ्नो स्वार्थलाग्दा जनताले सहज रूपमा सेवा पाउन नसकेको बताए ।
समय सिमामा नगरसभा सम्पन्न गर्न नसक्नु जनप्रतिनिधिको असक्षेमता भएको बताए । नगरपालिकाओ आन्तरिक राजस्वको स्रोत हुँदा हुँदै पनि कसैको निजी स्वार्थका कारण राजस्व सकलन ध्यान नदिई पूर्ण रुमा फेल बनाउने कान भयो । जताततै चुवाट छ, अस्पतालमाऔषधिको टेण्डर हुँदैन, उपकरणका लागि केमिकल किनिदैन, राजस्व सकलनको मुख्य स्रोत नदीजन्य पदार्थ बारम्बार चुवाट हँदा समेत अनुगमन हुँदैन आन्तरिक रूपमा लेनदेन हुन्छ । जनता जिबिकासँग जोडिएको कुनै पनि कार्यमा ध्यान गएको देखिँदैन पूर्व मेयर केसीले भने ।
(नेकपा माओवादी केन्द्र) लमही नगर कमिटिले विभिन्न विषयबारे एथाशाक्य छिटो सम्बोधन गर्न ध्यानाकर्षण गराउँदै लमही नगरपालिका नगर उप–प्रमुखलाई ध्यानाकर्षण पत्र बुझाएको छ । (नेकपा माओवादी केन्द्र) लमही नगर कमिटिका अध्यक्ष डिलकुमार श्रेष्ठको नेतृत्वमा गएको टोलिले लमही नगरपालिका नगर उपप्रमुख लक्ष्मी योगिलाई ध्यानाकर्षण पत्र बुझाएको हो ।

लमही नगरपालिका बढदै गएको बेथितिलाई अन्त्य गर्दै नागरिकलाई सहजरूपमा सेवा दिन माग राख्दै १६ बुदे ज्ञापपत्र बुझाए हो । लमही नगरपालिकाको समग्र बिकासका लागि कार्यपालिका बैठकबाट भएका निर्णयहरू कार्यान्वयनसँगै परदर्शी र जवाफदेहि हुनुपर्ने, नगरपालिकाको कार्यालय सहित सबै वडाहरूमा नागरिक वडापत्र राख्नुपर्ने, राजस्व सकलनमा चुवाट भएको भन्ने जनगुनासो आएकोले सत्य तथ्य सार्वजनिक हुनुपर्ने माग राखेको छ । त्यसैगरि अस्पतालका सबै सेवा सहज रूपमा संचालन गरीनुपर्ने ,नदीजन्य पदार्थ केही क्रसरहरूले अनुमति भन्दा दोब्बर उठाएको जनप्रतिनिधिको मिलोमतोमा मिलाएको भन्ने सार्वजनिक गरीनु पर्ने, नगरपालिकाले बर्षमा २ पटक सार्वजनिक सुनुवाइ गर्नुपर्नेमा सार्वजनिक सुनुवाइ नभएको बिज्ञप्तीमा उल्लेख गरिएको छ । लमही नगरपालिका ९९ प्रतिसत एउटै दलको प्रतिनिधित्व हुदा समेत आन्तरिक बिबाद हुन्ने, समयमै बजेट पास नहुने, कृषि, पशुपालन र बजारीकरण ध्यान नदिएको, औचित्यहिन डिपिआर निर्माण गरि अनावश्यक रकम खर्च गरेको लगायतका माग सहित ज्ञापनपत्र बुझाए हो । ज्ञापन पत्र बुझ्दै उपमेयर लक्ष्मी योगीले जनताका जनजिबिकासग जोडीएका माग जायज भएको बताइन् ।उनले ज्ञापनपत्रमा भएका माग र आफ्नो निर्वाचन एजेन्डा मेल खाएको बताउदै कार्यान्वयनमा एकल अधिकार नहुने सामुहिक निर्णय गर्दा कार्यान्वयनमा जटिल भएको बताइन । उनले ज्ञापनपत्र आफना लागि आघामी कार्यदिशा हुने बताइन् ।