खोज

बुटवल, १३ साउन ।
रूपन्देहीमा वर्षदिनमा करिब ३७ हजार यूनिट रगत संकलन भएको छ । बुटवल रक्तसञ्चार सेवा केन्द्र र सिद्धार्थनगर रक्तसञ्चार सेवा केन्द्रबाट एक बर्षमा उक्त परिमाणको रगत संकलन भएको जनाकारी गराइएको हो । रक्तसञ्चार सेवा केन्द्र बुटवलका ईन्चार्ज राधा ज्ञवालीले कार्यपत्र प्रस्तुत गर्दै आर्थिक बर्ष २०८०/०८१ मा ३६ हजार ९ सय ५७ युनिट रगत संकलन भएको जानकारी गराएकी थिईन । उनका अनुसार बुटवल युनिट बाट २९ हजार २ सय ४८ र सिद्धार्थनगर नगरपालिका युनिटबाट ७ हजार ७ सय ९ युनिट रगत संकलन भएको जानकारी गराएकी हुन ।

५९ औ रक्तसञ्चार सेवा दिवसको अवसरमा बुटवलमा आयोजित कार्यक्रममा धेरै रक्तदान गर्ने संघ संस्था तथा व्याक्तिलाई सम्मान गरिएको छ । नेपाल रेडक्रस सोसाईटी जिल्ला शाखा रूपन्देहीको आयोजनामा बुटवलमा आयोजना गरिएको कार्यक्रममा रक्तदान गर्ने संघ संस्था र धेरै पटक रक्तदान गर्ने व्याक्ति र दुर्लभ रक्तदाता समुहलाइ सम्मान गरिएको हो ।
बुटवलमा आयोजना गरिएको कार्यक्रममा बोल्दै बुटवल उपमहानरपालिका उप प्रमुख सावित्रादेवी अर्यालले आर्थिक अभावको कारण समयमा नै रगत नपाएर कोही पनि व्यक्तिले ज्यान गुमाउन नपरोस भन्ने हेतुले बुटवलमा उपचारको लागि आउने जुन सुकै क्षेत्रका व्याक्तिहरूको उपचारको रगत निःशुल्क उपलब्ध गराउने गरी बुटवल उपमहानरपालिका अगाडी बढेको बताएकी छिन् ।

उनले अहिले बुटवल उपमहानरापलिकाका सबै वडामा बसोबास गर्ने स्थानीयहरूलाई रक्तसञ्चार सेवा केन्द्रमार्फत कुनै नि अस्पतालमा उपचार गर्दा निःशुल्क रगत उपलब्ध गराउँदै आएको जानकारी दिँदै यसलाई थप विस्तार गरी लुम्बिनी प्रदेशका १ सय ९ वटा पालिकाको अभिभावकत्व बुटवल उपमहानगरपालिकाले लिने गरी तयारी गरिएको उनले जनाकारी दिईन ।
उनिले भनिन्–‘आर्थिक अभावको कारण कसैले पनि रगत नपाएर ज्यान गुमाउन नपरोस भन्ने कुरामा हामीसचेत छौ, हामी प्रदेशका सबै पालिकाको अभिभावकत्व लिने गरी योजना बनाएर लागिपरेका छौ, अव कुनै पनि व्याक्ति आर्थिक अभावको कारण रगत नपाएर अकालमा मृत्यु हुने अवस्था बुटवलमा उपचार गर्दा आउने छैन । ’

कार्यक्रममा बोल्दै नेपाल रेडक्रस सोसाईटी लुम्बिनी प्रदेश अध्यक्ष लालप्रसाद पंगेनीले रेडक्रसले देशभर मात्रै नभएर विश्वभर मानिविय सेवाले काम गर्दै आएको जानकारी दिदै अहिले दिदै आएको ९ सय ५० व्यवस्थापन र सामग्रीको शुल्क भएको जानकारी दिए । उनले कुनै पनि रक्तदाताले निःशुल्क रूपमा उपलब्ध गराएको रगतको शुल्क रेडक्रसले लिने नगरेको बताउँदै यसको व्यवस्थापन, सामग्रीको लागि मात्रै खर्च लिदै आएको बताए । स्थानीय निकाय, प्रदेश र संघीय सरकार बाट रेडक्रसलाई व्यवस्थापनको लागि खर्च उपलब्ध गराएमा पूर्णरूपमानिःशुल्क गरिने समेत बताए ।

बुटवलमा प्रदेशस्तरको ख बर्गको रक्त सञ्चारसेवा केन्द्र निर्माणको पहल सुरुवात गरिएको जानकारी दिदै अध्यक्ष पंगेनीले यसको लागि स्थानीय तह संग जग्गा माग गरिएको जानकारी दिए । बुटवमा रेहको लुम्बिनी प्रादेशिक अस्पताल संगको सहकार्यमा रक्तसञ्चार सेवा केन्द्रको भवन निर्माण गर्ने गरी पहल भएको जानकारी दिदै उनले हाल भवन रहेको स्थान रक्तसञ्चार सेवा केन्द्रले उपभोग गर्दैै आएको केही प्रमाणबाट समेत दिएको भन्दै सोही स्थानलाई लिने गरी पहल भैरहेको बताएका थिए ।
कार्यक्रममा बोल्दै चन्द्रकोट गाउँपालिकाका प्रमुख युवराज खत्री क्षेत्रीले निःशुल्क रक्त अभियानमा आफु जनप्रतिनिधि हुँदा सम्म रूपन्देहीका दुइ वटा रक्तसञ्चार सेवा केन्द्र बुटवल र भैरहवा संग सम्झौता गरिएकोले गुल्मीको चन्द्रकोट बाट उपचारको लागि आउने जुन सुकै विरामीले बुटवलमा रगत बापतको रकम तिर्नुपर्ने गरी व्यवस्था गरिएको बताएका थिए ।

यस्तै रेडक्रस सोसाईटी जिल्ला शाखा अर्घाखाँचीका अध्यक्ष कुशल भुषालले रक्तदान जस्तो महान् कार्यमा सबैले सहयोग गरी अगाडी बढ्नुपर्ने बताएका थिए । कार्यक्रममा नेपाल नियमित रक्तदाता समाज का केन्द्रीय अध्यक्ष दया बहादुर शिलवालसले निःशुल्क रूपमा उपलब्ध भएको रगतमा व्यापार गर्न नहुने बताएका थिए । यस्तै नेपाल स्वयम सेवी रक्तदाता समाजका केन्द्रीय महासचिव तथा रूपन्देही जिल्ला अध्यक्ष कृष्ण चौहान क्षेत्रीले रगत निःशुल्क पाउनेमा पनि विभेद भएको भन्दै यो विभेद हटाउनको लागि प्रदेश सरकार वा संघीय सरकारले बेलैमा कदम चाल्नुपर्नेमा जोड दिएका थिए । रगत निःशुल्क हुनुपर्ने अभियान आफ्नो रहेको भन्दै उनले यदि आफ्नो संस्थालाई यो अभियानको जिम्मा दिएमा सोही दिन बाट निःशुल्क रगत उपलब्ध गराउने समेत जानकारी गराए ।

कार्यक्रममा नेपाल रेडक्रस सोसाईटी बेलहिया उप शाखाका अध्यक्ष राजेश गुरुङ्ग, बुटवल उद्योग बाणिज्य संघका बरिष्ठ उपाध्यक्ष टंक प्रसाद गैरे, नेपाल रेडक्र सोसाईटी रूपन्देहीका अध्यक्ष दिपक क्षेत्री न्यौपाने, जिल्ला मन्त्री राम चन्द्र उपाध्याय लगायतले आ आफ्नो भनाई राखेका थिए ।