खोज

बुटवल, ५ साउन ।

राष्ट्रिय जनमोर्चाका अध्यक्ष चित्र बहादुर केसीले अहिलेको एमाले काँग्रेस गठबन्धनको सरकारबाट संसद नै विघटन हुने खतरा रहेको बताएका छन् । बुटवलमा पार्टी निकट प्रगतिशिल पत्रकार संघले आयोजना गरेको पत्रकार सम्मेलनमा बोल्दै नेता केसीले अहिलेको सरकारले विगतमा पनि संसद विघटन गरेको ईतिहास रहेको भन्दै अहिलेको नेपाली काग्रेस र एमालेको गठबन्धनबाट पनि संसद विघटन हुने सक्ने भन्दै त्यसतर्फ सबै जना सचेत हुनुपर्ने बताएका हुन् ।

पत्रकार सम्मेलनमा बोल्दै उनले दुई दलका विचमा भएको भनिएको ७ बुँदे सम्झौता अहिले सम्म बाहिर नआएको भन्दै त्यसलाई वाहिर ल्याउनको लागि समेत उनले माग गरे । यस्तै उनले राष्ट्रिय जनमोर्चाले प्रधानमन्त्री केपी शर्मा ओलीलाई विश्वासको मत नदिने समेत जानकारी दिए । उनले विगतको दिनमा पूर्ण समर्थन गरेपनि कम्युनिष्ट पार्टीको विचमा भाँजो हाल्ने काम भएको भन्दै अहिलेको अवस्थामा विश्वासको मत दिन नसकिने बताएका हुन् ।

यस्तै उनले प्रदेश सरकार खारेज गरी विकेन्द्रीकृत शासन नेपालमा आवश्यक भएको बताए । आफु संघीयताको विरोध नभई नेपालमा संघीयता थेग्न नसक्ने अवस्था ५, ७ बर्षमा नै प्रमाणित भैसकेको भन्दै पुर्व उप प्रधानमन्त्री समेत रहेका नेता केसीले अहिलेको व्यवस्था खारेज गरी पालिकालाई सुविधा सम्पन्न बनाएर विकेन्द्रीकृत संघीयताको मोडल लागु गर्नुपर्नेमा जोड दिएका थिए ।