खोज

चन्द्रौटा (कपिलवस्तु), ३ साउन ।
पछिल्लो समय महिलाको नाममा जग्गा लिनेको संख्यामा बृद्धि भएको छ । विगतभन्दा आर्थिक बर्ष २०८०/०८१ मा ४ सय ६७ जनाको संख्याले बृद्धि भएको मालपोत कार्यालय चन्द्रौटा कपिलवस्तुले जनाएको छ । आर्थिक बर्ष २०७९/०८० मा १ हजार ७ सय १८ जना महिलाले सेवा लिएका थिए ।

गत आर्थिक बर्षमा २ हजार १ सय ८५ जना महिलाले आफ्नो नाममा जग्गा लिइ सेवा लिँदा संख्यामा वृद्धि भएको हो । पुरुषसहित जम्मा गरी गत आर्थिक बर्ष ५ हजार १ सय ३२ जना सेवाग्राहीले उक्त कार्यालयबाट सेवा लिएको मालपोत अधिकृत लक्ष्मण प्रसाद चालिसेले जानकारी दिए । जग्गा छोराहरूको नाममा अंशबन्डा गर्न मालपोत कार्यालय आएकी सफिरुन निशाले पहिले पुरुषका नाममा मात्रै लालपूर्जा राख्ने गरको बताउँछिन् । उनले केही समय यता समाजमा परिवर्तन आएपनि नकारात्मक सोँचाइले अझै समुदायमा जरा गाडेको बताइन् । पुरुषको भन्दा महिलाको नाममा जग्गा भएपछि सरकारबाट छुट लगायतले प्रोत्साहन हुँदा महिलाको संख्यामा वृद्धि भएको निशाको भनाइ छ ।

महिलाको नाममा जग्गा लिनेसँगै गत आर्थिक बर्ष २०८०/०८१ म रजिस्टे«शन र लाभकर लगायतको र्शीषकमा १३ करोड ९० हजार ३ सय ७० रूपैया राजस्व संकलन भएको छ । जग्गा खरिद बिक्री, नामसारी, रोक्का लगायतका कारोबार गर्ने सेवाग्राही मार्फत राजस्व संकलन गरको मालपोत कार्यालयले जनाएको छ । जसमा भएका जम्मा पारित लिखित संख्या ७ हजार १२ रहेको छ । यस्तै पुरुष २ हजार ९ सय ४७ र महिला २ हजार १ सय ८५ रहेका छन् । उनीहरूबाट रजिस्टे«शन, मोठ, मुद्दा, श्रेष्ठ र लाभकर लगायतको शीर्षकमा राजस्व संकलन भएको हो ।

जुन आर्थिक बर्ष २०७९/०८० को राजस्व भन्दा २ करोड ३३ लाख ३४ हजार ५ सय ६४ रूपैयाँले बढी संकलन भएको मालपोत कार्यालयको बार्षिक प्रतिबेदनमा उल्लेख छ । कोभिड पछि देशभर आर्थिक मन्दीले नागरिक थलिएको जग्गाको कारोबार गति केहि बढेको अधिकृत चालिसेले बताए ।

पछिल्लो समय कार्यालयको बदनाम गर्ने नियतले किर्ते कागजात बनाई जालसाजी गर्ने, सोझासाझा नागरिकलाई फसाउने सक्रिय गिरोहबाट सेवाग्राही सजग रहन उनले आग्रह समेत गर । प्रमुख चालिसेले भनेः “आर्थिक अवस्थाले थलिएका कारण जग्गाको कारोबारमा मन्दी आएको थियो तर अहिले, केही समय यता जग्गा किनबेच गर्नेहरू संख्यमा बृद्धि भएको छ ।” चालिसेले थपेः गैरकानुनी, गतिविधिमा संग्लन, अपराधिक गतिविधिलाई निरुत्साहित गर्न स्थानीय प्रहरी, प्रशासन लगायत सम्बन्धित निकायसँग समन्वय गरी सेवाग्राहीलाई प्रभावकारी सेवा प्रवाह गर्न निर्देशन दिइएको छ ।

यस्तै नामसारी गर्न मालपोत आएका सेवाग्राही गोविन्द थारुले विगतमा आउँदा बिचौलिया लगायतको समस्याले हैरानी भइन्त्यो अब भने त्यो समस्या हटेको बताए । कार्यालयको प्रशंसा गर्दै गुठी कर न्यून गराउन सके आमनागरिकलाई प्रभावकारी सेवा प्रवाह बनाउन टेवा पुग्ने उनले जनाए ।