© 2026
२३ माघ २०८२, शुक्रबार
२३ माघ २०८२, शुक्रबार
सुर्खेत, ३ साउन ।
रुकुम पश्चिममा खोलाले बगाउँदा एक जनाको मृत्यु भएको छ । मृत्यु हुनेमा आठबिसकोट नगरपालिका– १२ निवासी ५५ वर्षीय चन्द्रे पुन रहेका छन् । खोला तर्ने क्रममा एक्कासी बाढी आएपछि पुनलाई खोलाले बगाएको हो ।
स्थानीय काफलचौर खोला तर्ने क्रममा आज बिहान बगेका उनको मृत्यु भएको जिल्ला प्रहरी कार्यालय रुकुम पश्चिमले जनाएको छ । प्रहरी नायव उपरिक्षक नवराज पोखरेलका अनुसार स्थानीयलाई खोलाले बगाएको सूचना प्रहरीमा दिएपछि प्रहरीको टोली उक्त घटनास्थलसम्म पुगेको थियो ।
‘खोलाले बगाएको सूचना पश्चात् इलाका प्रहरी कार्यालय आठबिसकोटबाट प्रहरी निरीक्षक नवीन मरासिनीको नेतृत्वमा प्रहरी टोली घटनास्थल पुगेको थियो’ पोखरेलले भने, ‘प्रहरीको टोलीले् खोजी गरेपश्चात शव फेला परेको थियो ।’
© 2026
All rights reserved.
Design & Developed By:
