खोज

बुटवल, ३० असार । बुटवल रामनगरकी टिका गुरुङ्गलाई सिलाइ कटाईको सीप सिकेर आत्मनिर्भर बन्ने धोका छ । उनले गत वर्ष सिलाइ कटाईको बेसिक र यो वर्ष एड्भान्स तालिम लिएकी छन् । तालिमले आफूलाई अब धेरै प्रकारका कपडाहरू सिलाउन सक्छु भन्ने आत्मविश्वास बढेको बताईन । गुरुङ्गले अब छिट्टै आफूले सिकेको कुरालाई व्यवहारमा लागू गर्नका लागि व्यवसायका टेर्लर सञ्चालन गर्न सोच बनाएको बताईन । उनी भन्छिन्–‘सिलाई कटाई समय अनुसार परिर्वतन त भई रहन्छ डिनाईनमा तर मुख्य कुरामा आफु बलियो बनियो भने जस्तो डिजाईनलाई पनि पछ्याउन सकिने बताईन । त्यहि आत्मविश्वासले नै मैले यो पेशालाई मेरो आर्थिक पाटोसँग जोडेर हेरेकी छु । यो सिकाईले मलाई आर्थिक रूपमा सबल बन्न पक्कै सहयोग गर्ने छ ।’

नवलपरासीकी राधाकुमारी गाहाले भर्खरै मात्र केयरगिभरको तालिम लिएकी छन् । बजारको मागलाई हेरेर आफुले तालिम दिएको बताईन । गाहाले बजार माग विनाका अध्यन्न जे जस्तो भए पनि स्वरोजगार बन्न गाह्रो अवस्था भएको बताईन । केही काम गरौं भने पनि अत्यन्त न्यून तलब जसले खान पनि नपुने यस्तै यस्तै अवस्था भोगिरहेकै बेलामा मैले सीप विकासबाट यो तालिम लिन पाए । केयरगिभिङ्ग अहिलेको बजारमा माग भएको विषय हो । सामान्य रूपमा भन्ने हो भने अहिलेको विदेशी मोह भएकाहरूका लागि त यो अत्यन्त महŒवपूर्ण । विदेश त्यो पनि इजराइल र जापानमा जाँदा यो सीप सिकेर जाने कसैले पनि दुःख पाउँदैनन । त्यसैले यो मेरो रोजाईमा परेको हो । त्यहाँ गएर काम गर्न सजिलो पैसा पनि धेरै कमाउन सकिने । त्यसका साथै यहि पनि विभिन्न विद्यालयमा, अस्पतालमा र बृद्धआश्रमहरूका पनि रोजगारीको अवसर हुने भएकाले पनि मैले सीप विकासले प्रदान गरेको तालिम लिएर दक्ष बनेको छु । अब कामको खोजी गरेर रोजगार बन्ने बाटोमा छु ।
रूपन्देहीको योगीकुटीकी विविसा पाण्डेयले गएको तीन महिना देखि ब्यूटीपार्लरको एडभान्स तालिम लिएकी छन् । उनी भन्छ्नि मेरो सानै देखिको राम्रो व्यतित्व हुनु पर्छ भन्ने सोच हो । मानिसको गुणसँगै सुन्दरता पनि महत्वपुर्ण हुन्छ त्यसैले पनि यो पेशा मेरो प्राथमिकतामा परेको हो ।
यसबाट मैले जीवनलाई आर्थिक रूपमा सबल बनाउने प्रण गर्दछु । यो व्यवसाय जहाँ जस्तो ठाँउमा पनि गर्न सकिने पछिल्लो पुस्ता युवतीहरू इसको लक्षित समुह हुन् उनीहरू जहाँ पनि हुन्छ र सिगांरलाई प्राथमिकतामा राख्ने भएकाले पनि यो सीप अत्यन्त बजारमा बिकाउ हुन्छ । यो मेरो रोजाईमा सबै घर परिवारको साथ छ । अब म चाडै नै व्यवसायीक रूपमा स्थानिपत हुने सोचमा छु । यो व्यवसायमा जति काम र अभ्यास गरिदै गयो त्यति नै अभ्यास्त भईछ । तालिम सीप विकासबाट लिदा अत्यन्त राम्रो भएको छ । सबै सामान सहित सिक्न पाउदा खुशी छु । बाहिर कतै सिकन परेको भए ७० हजार देखि १ लाख रुपियाँ सम्म खर्च लाग्दथियो ।
बुटवलको पथ्थरगञ्जकी मिना महत्राले सिलाईकटाईको एड्भान्स लिएर आफूलाई आर्थिक रूपमा बलियो बनाउने सोचमा छिन् । उनले सीप विकासबाट लिएको तालिम अत्यन्त राम्रो र जीवन परिर्वतनमा सहज हुने विश्वास व्यतm गरिन । पहिले बेसिक निजिबाट तालिम लिएकी महत्राले यहाँ धेरै सुविधाका साथमा आफुले तालिम लिन पाएकोले पनि धेरै ज्ञान भएको बताईन । अबका दिनमा तालिमलाई व्यवहारिक जीवनमा लागु गर्दै आर्थिक जोहो गर्ने उनको धोका छ ।

आईतबार बुटवलमा व्यवसायिक प्रशिक्षण केन्द्र बुटवलको आयोजनामा भएको वार्षिक समिक्षा कार्यक्रममा भेटिएका सहभागीले यस्तो बताएका थिए । श्रम तथा रोजगार बुटवल शाखाका उपसचिव कृण्णप्रसाद खनालले सीप सिकेर मात्रे नहुने भन्दै त्यसलाई दैनिनक जीवनमा प्रयोग गर्न सके मात्र त्यसको उपल्बधी देखिने भएकाले सबै प्रशिक्षर्थीहरूलाई दैनिक जीवनमा प्रयोग गर्दे आर्थिक उपार्जनमा लाग्न सके मात्रै केन्द्रको उदेश्य पुरा हुने विश्वास व्यतm गरे । व्यवसायिक प्रशिक्षण केन्द्र बुटवलका प्रमुख उर्मिला गुभाजुुले केन्द्रले सीप सिकेका सबैले आर्थिक उपार्जनलाई महत्व दिएर व्यवसाय बन्नुपर्नेमा जोड दिए । उनले तालिम मात्रै लिने र व्यवहारमा लागु भएन भने त्यसको प्रतिफल राम्रो नहुनी भन्दै त्यसका लागि सबैले आफनो जीवनलाई सार्थक बनाउन पनि सिकेका कुरा व्यवहारमा लगाउन अनुरोध गरिन । व्यवसायिक प्रशिक्षण केन्द्र बुटवलका शाखा अधिकृत सुमन पन्थले सीपले जहिले पनि व्यतिmलाई सफल र आर्थिक रूपमा सबल बनाउने भन्दै सिकेको सीपलाई वास्तविक जीवनमा प्रयोग गर्न अनुरोध गरे ।

व्यवसायिक प्रशिक्षण केन्द्र बुटवलका सुचना अधिकारी धनिश्वर पन्थीले वर्षभरीमा गरेका कामका बारेमा जानकारी दिदै केन्द्रले सीपमुलक कार्यक्रमम मार्फत स्वरोजगार बनाउने लक्ष्य लिएको बताए । उनले जनशक्ति र प्राविधिक नीतिगत समस्या हुदा पनि आफुहरूले सके सम्म उपलब्धीमुलक तालिमहरू सञ्चालन गरेको र आगामी वर्षका लागि पनि विभिन्न शिर्षकमा विद्यार्थीहरूको माग र बजारलाई ध्यानमा राखेर तालिमहरू आयोजना गर्ने जानकारी दिए । उनले स्वदेशी तथा विदेशी बजारमा प्रतिस्पर्धा गर्ने श्रमशक्ति विकास गरी बेरोजगारी अन्तय गर्ने निःशुल्क तालिमको लक्ष्य र उद्देश्य भन्दै व्यहारमा उतार्न सबै प्रशिक्षर्थीहरूलाई अनुरोध गरे ।

उनले व्यवसायिक प्रशिक्षण केन्द्र बुटवलले लुम्बिनी प्रदेश, कर्णाली प्रदेश र सुदुरपश्चिमका नवलपरासी, रूपन्देही, कपिलबस्तु, पाल्पा, अर्घाखाँची, गुल्मी, रुकुम, पुर्वीभाग, रोल्पा, प्यूठान, दाङ्ग, बाके, बर्दिया, हुम्ला, मुगु, जुम्ला, कालिकोट, दैलेख, जाजरकोट, सल्यान डडेलधुरा अछाम, डोटी, बाजुरा लयागतका ३१ जिल्लामा तालिम सञ्चालन बताए । व्यवसायिक तथा सीपमूलक तालिमका लागि सामान्य तया ८ कक्षा उत्तिीर्ण गरेको र १८ वर्ष पुरा भई ४५ वर्ष ननाघेको हुनु पर्ने रहेको छ । त्यसैगरी आर्थिक वर्ष २०८१ ÷८२ मा विद्युत जडान आभारभुत, व्यूटिसियन आधारभुत, एडभान्स, सिलाइ आधारभुत र एड्भान्स, कम्यूटर आधारभुत, कुक आधारभुत, प्लम्बीङ्ग आधारभुत, सिकर्मी आधारभुत, डकर्मी आधारभुत, मन्टेश्वरी आधारभुत, केयर गिभर आधारभुत, इसी फ्रिज मर्मत आधारभुत फेशन डिजाइन आधारभुत, टायल्स एण्ड मार्वल नसरी एण्ड गार्डन व्यवस्थापन, एलेक्ट्रिक मोटर रिवाण्डीङ तालिम सञ्चालन हुने व्यवसाहिक प्रशिक्षण केन्द्रका अधिकृत पन्थीले जानकारी दिए ।

कोरिया नेपाल बहुप्राविधिक शिक्षालयका नविनकिशोर गेरैले अब नयाँ खालका तालिमलाई सहभागीहरूले आफनो रोजाईमा पार्नु पर्नेमा जोड दिए । उनले जहाँ केहि जोखिम हुन्छ त्यहाँ अवसर पनि धेरै हुने भएकाले देश भित्र मात्रै नभएर विदेशमा बढी माग हुने विषयमा तालिम लिन सके विदेशमा पनि श्रम सजिलै बेचेर आम्दानी गर्न सकिने विश्वास व्यतm गरे । वार्षिक समिक्षा कार्यक्रममा बुटवल उद्योग बाणिज्य संघका सहसचिव धनकुमारी खनाल, व्यवसाहिक प्रशिक्षण केन्द्र बुटवलका भोजराज न्यौपाने, विभिन्न विषयका प्रशिक्षक,तालिममा सहभागी प्रशिक्षर्थी लगायतले बोलेका थिए ।