खोज

नवलपरासी, ३१ असार । जिल्ला भित्र रहेको औद्योगिक क्षेत्रका विभिन्न उद्योगहरूले विद्युत महशुल नतिरेको नेपाल विद्युत प्राविधिकरण परासी वितरण केन्द्रले जनाएको छ । विद्युतको बहुविकल्प दिँदै आएको यो जिल्लाका केही उद्योगले ५० करोड भन्दा बढि विद्युत महशुल नतिरेको केन्द्रले जानकारी गराएको हो ।

केही स्थानमा उद्योगका विद्युतहरू समेत काटिन थालिएका छन् । यसरी विद्युत महशुल बुझाउन ढिलाई गर्दै गएमा यहाँका उद्योगहरूको विद्युत लाईन काटिन सकिने अवस्था आउने केन्द्र प्रमुख सुरज रेग्मीले जानकारी गराए । अहिले पटक–पटक पत्राचार गरेर किस्ताबन्दीमा भए पनि महशुल बुझाउदै गर्नुस भनेर जानकारी गराइएको छ, उनले भने, तर उद्योगहरूले माथिल्लो तहमा लबिड्ड गर्दै छुट गराउने भन्दै दौडधुपमा लागेको सुनिएको छ । यता विद्युत महशुल झन झन थपिँदै गएको छ ।

सर्वसाधारणले थोरै ढिलाई गर्दा विद्युत मिटर काटेर ल्याई हाल्ने विद्युत कर्मचारी उद्योगको मिटर काट्न अहिलेसम्म पर्खाईमै बसेका छन् । विद्युत महशुल त बुझाउनु नै पर्छ, केन्द्र प्रमुखले भने, यसका लागि हामी समय सहुलियत, किस्ताबन्दीमा तिर्ने सम्म राहत मिल्न सक्ला तर महशुल नै छुट हुने अवस्था हुदैन । यसबारे उद्योगहरूले अनावश्यक चाँसो राख्नु हुँदैन । जिल्लामा अहिले मल्टिनेसनल कम्पनीदेखि ठूला र मझौला उद्योगहरू थपिँदै गएका छन् । उद्योगलाई नै लक्षित गरि जिल्ला भित्र औद्योगिक लाईन समेत बिस्तार गरिएको छ । उद्योगलाई आवश्यक पावर विद्युतले सप्लाई दिँदै आएको छ । तर विद्यु्त महशुल नबुझाउनु समस्या भई रहेको केन्द्र प्रमुखको धारणा रहेको थियो ।
वितरण केन्द्रले आफ्ना ग्राहकहरूलाई विद्युत आपुर्ति ब्यवस्था चुष्तदुरुष्त बनाउँदै बैकल्पिक विद्युत आपूर्तिको ब्यवस्थानमा लागि परेको छ । विभिन्न प्रसारणलाईन अन्तर्गतका पाँच वटा सब स्टेसनबाट वितरण केन्द्रले बिस्तार गरेको विद्युत आपूर्ति सञ्जाल मार्फत बहुविकल्पको ब्यवस्थानमा लागेकोे हो । परासी क्षेत्रमा विभिन्न विकल्प भएको विद्युत सञ्जाल बन्दै जाँदा उद्योग खुल्ने क्रम पनि बढ्दै गएको छ ।

परासी विद्युत वितरण केन्द्रले ग्राहकलाई सधै भरि पूर्ण भोल्टेज क्षमताको विद्युत आपूर्ति गर्न सकियोस भनेर विभिन्न पाँच वटा विद्युत सब स्टेसनबाट विद्युत आपूर्तिको ब्यवस्थाका लागि प्रसारणलाईन सञ्जाल विस्तार भई रहेको केन्द्र प्रमुख रेग्मीले जनाकारी गराएका थिए । यो परासी क्षेत्रको लागि स्वर्णिम अवसर बन्दै गएको छ, उनले भने, ग्राहकलाई विद्युत आपूर्तिमा समस्या नहोस भनेर एउटा मात्रै नभई पाँच पाँच वटा विकल्प बन्दै छ ।
एउटा विद्युत स्टेसनमा समस्या भए पनि परासी क्षेत्रको विद्युत आपुर्तिमा समस्या आउने छैन्, उनले थपे, किनकि यस क्षेत्रमा विद्युत आपूर्ति गर्नका लागि विभिन्न पाँच वटा सव स्टेसनसँग सञ्जाल जोडिँदै छ । तीन वटा स्टेसनसँग विद्युत सञ्जाल जोडि सकिएको छ । दुई वटा स्टेसन मध्ये हुकई सब स्टेसन निर्माणाधिन छ । उनका अनुसार अहिले पनि घरेलु ग्राहकलाई मात्रै दैनिक १० देखि १२ मेगावाट विद्युत वितरण भइरहेका छन् । उद्योगमा पनि दैनिक ६० देखि ७० मेगावाट विद्युत सप्लाई भई रहेको केन्द्र प्रमुख शाहले बताए । यसरी परासी विद्युत केन्द्रले दैनिक ८० देखी ९० मेगावाट विद्युत वितरण गरि रहेको छ ।

बुटवल ३३ केभिए प्रसारण लाईन, न्यु बुटवल ३३ केभिए प्रसारण लाईनसँग पनि विद्युत जोडिदै छ । ज्यामिरेको ३३ केभिए प्रसारण र गण्डक प्रसारणलाईनसँग पनि विद्युत सञ्जाल जोडिएको छ । नेपालको पुर्वि क्षेत्रबाट पनि केही महिनामै जिल्ला जोडिने समेत उनले बताए । नेपालकै विद्युत आपुर्तिमा स्वर्णिम जिल्लाको रूपमा नवलपरासी पश्चिम बन्ने देखिएको छ । यसले गर्दा यस क्षेत्रमा उद्योग थपिने क्रम दिन प्रति दिन बढेको छ । यहाँका बासिन्दाले किन उद्योगहरूको रोजाई नवलपरासी पश्चिम बन्दै गएको कुरा आश्चर्य लाग्न सक्छ,उनले भने,तर उद्योग सञ्चालकहरूले उद्योगमा विद्युत आपुर्तिको सहज वातावरण देखेर नै आकर्षित बन्दै छन् । तर अहिले तिनै उद्योग विद्युत महशुल तिर्न आनाकानी गर्दै आएको उनको गुनासो थियो ।

नेपाल सरकारको उद्योग मन्त्रालयले पनि यस क्षेत्रमा औद्योगिक क्षेत्रमा विद्युत आपुर्तिका लागि विद्युत परियोजनामा लगानी गरेको मध्ये नवलपरासी पनि एक जिल्ला परेको छ । परियोजना कार्यालयले विद्युत प्रसारणलाईनहरू विस्तार गर्दै स्टेसन निर्माण गर्दै आएका छन् । त्यसै अनुसार यस क्षेत्रमा बहुराष्ट्रिय कम्पनी सहित नेपाल भारतको संयुतm लगानी तथा नेपालीहरूको लागनीमा जिल्ला भरि उद्योग लगाउने स्थानको खोजी गर्नमा लागेका छन् । जिल्ला भित्र सय भन्दा बढि उद्योग खुलि सकेका छन् । केही खुल्ने क्रममा रहेका छन् । ति उद्योगले यहाँको कच्चा पदार्थ र वातावरणीय शुरक्षा भन्दा विद्युत आपुर्ति सहजतालाई देखेर प्राथमिकतामा राखेर उद्योग खोल्दै आएका छन् । मिलियनियम च्यालेन्ज कर्पोरेसन (एमसिसी) को समेत विद्युत प्रशासरणलाईन यसै जिल्ला हुदै भारत जाने र त्यसको स्टेसन समेत बन्ने क्रम यहिँ रहेको छ । अन्तराष्ट्रि«य स्तरको विद्युत प्रसारणलाईनले पनि सधै विद्युत आपुर्तिको सम्भावनाले पनि उद्योगहरू आकर्षित छन् ।

उद्योगहरू थपिदै जादा विद्युतको पुर्तिका लागि विद्युत केन्द्रले पनि सबै प्रकारका प्रसारणलाईनसाँग सञ्जालन जोड्ने र स्टेसनको ब्यवस्थापनका कार्य गर्नु परेको केन्द्रले जनाएको छ । भविष्यमा यो क्रम बढने उनको भनाई थियो । अहिले विद्युतका सबै ग्राहकको रेकर्ड विद्युयि माध्यमद्धारा केन्द्रले नै रिडिगँ गरिरहेको छ । कस्को के कति बक्यौता समेत केन्द्रले नै त्यहीबाट सिस्टमले हेर्ने गरेको उनले सुनाए । विद्युत वितरण केन्द्रले प्राधिकरणको निर्देशनको फ्लो गर्ने काम मात्रै रहेको छ ।