खोज

बुटवल, २४ असार । बुटवल उपमहानगरपालिका बुटवल नगर खेलकुद विकास समितिले खेलकुद दर्पण बिमोचन गरिएको छ । बुटवल नगरको खेलकुद ईतिहास, वर्तमान अवस्था र यस क्षेत्रका खेल गतिविधिहरुलाई समेटेर खेलकुद दर्पण बिमोचन गरिएको हो ।
एक कार्यक्रमका बिच बुटवल उपमहानगरपालिकाका नगरप्रमुख खेलराज पाण्डे, बुटवल उपमहानगरपालिकाका उपप्रमुख सावित्रादेवी अर्याल, बुटवल नगर खेलकुद विकास समितिका संयोजक बोनिन पिया, नगर प्रबक्ता शिव राना, वडा नं ४ का वडा अध्यक्ष नरिश्वर शर्मा पौडेल, वडा नं ५ का वडाअध्यक्ष हरिप्रसाद श्रेष्ठ, वडा नं ९ का वडाअध्यक्ष प्रदिप श्रेष्ठले पुस्तक बिमोचन गरेका छन ।

कार्यक्रममा बुटवल उपमहानगरपालिकाका नगरप्रमुख खेलराज पाण्डेले बुटवलको खेल र विकासको ईतिहासलाई पुस्तकमा समेट्न सफल भएको बताए । यो वर्ष राष्ट्रपति रनिङशिल्ड, नगरस्तरीय फुटबलसहित धेरै खेल गतिविधि गर्न सफल भएको उनले बताए । नगरमा रहेका हरेक विद्यालयका खेलाडीहरुलाई खेलमा आवद्घ गराउने गरि आवश्यक सहयोगको पहल गर्ने उनले बताए । नगरस्तरीय बास्केटबल, बक्सिङ, बुद्धिचाल लगायतका खेल आयोजनाका कार्यक्रम हुने उनले बताए । बुटवल–१६ स्थित डहरगाउमा क्रिकेट मैदान निर्माण गर्न १ करोड रुपैया बजेट बिनियोजन तथा जबई खेलमैदानलाई प्रदेश सरकारको सहकार्यमा सुविधासम्पन्न फुटबल मैदान निर्माण गर्ने ३७ करोड रुपैया बजेटमा ल्याउने तयारीमा रहेको उनले बताए । जातिय पहिचान, परम्परागत खेलहरुको संरक्षण र विकासमा समेत अघि बढ्ने उनले बताए । यसैगरि क्रिकेट, फुटबल खेलाडी उत्पादन गर्ने गरि प्रोत्साहनका कार्यक्रम गरिने उनले बताए ।

कार्यक्रममा बुटवल उपमहानगरपालिकाका उपप्रमुख सावित्रादेवि अर्यालले खेल मानव स्वस्थ्यसंग जोडिएको हुदा पनि यसको महत्व धेरै रहेको बताईन । हरेक उमेर समुहलाई खेलमा समेट्ने गरि पालिकाबाट कार्यक्रमहरु तयार गरिएको उनले बताईन ।

कार्यक्रममा स्मारिका प्रकाशन प्रमुख हेमराज आचार्यले बुटवल नगर क्षेत्रको खेलकुद ईतिहास चिनाउने कोसेढुगाका रुपमा पुस्तक तयार भएको बताए । लेख, रचना संकलनको क्रममा केही ढिलाई भएपनि निक्कै उत्कृष्ट तयार भएको उनले बताए ।

कार्यक्रममा प्रबक्ता शिव राना, वडा नं ४ का नरिश्वर शर्मा, वडा नं ५ का हरिप्रसाद श्रेष्ठ, वडा नं ९ का वडाअध्यक्ष प्रदिप श्रेष्ठ, रुपन्देही लनटेनिस संघका अध्यक्ष गोपाल ज्ञवाली, खेलकुद शाखाका कोपिला ज्ञवालीले नगरको ईतिहास बताउने दस्ताबेज तयार भएको बताए ।
कार्यक्रममा नगर खेलकुद विकास समितिका संयोजक बोनिन पियाले धेरै मेहनत गरि पुस्तक प्रकाशन गरिएको बताए । यो वर्ष नगरबाट ५४ वटा खेल शीर्षक छुटाए खेल कार्यक्रम गर्न सफल भएको भन्दै आगामी वर्ष समेत योजनाबद्ध रुपमा कार्यक्रमहरु गरिने उनले बताए ।