खोज

बुटवल, २२ असार । गत साता काठमाण्डौमा सम्पन्न रोटरी डिष्ट्रिक ३२९२ को डिष्ट्रिक अवार्ड कार्यक्रममा बेष्ट प्रेसिडेन्ट, सेक्रेटरी तथा पोलियो उन्मुलनसहित विभिन्न विधामा अवार्ड विजेतालाई रोटरी क्लब अफ बुटवल डाउनटाउनले शुक्रबार सम्मान गरेको छ । क्लबको ९८६ औ नियमित बैठकमा रोटरी वर्ष २०२४/२०२५ का अध्यक्ष शिव ज्ञवालीले डिष्ट्रिकमा वर्ष २०२३/२०२४ का उत्कृष्ट भएकी अध्यक्ष कमला हमाल, सचिव प्रकाश पौडेल, उत्कृष्ट एजी सुनिल श्रेष्ठ  र ५१ हजार नगदसहित पुरस्कृत क्लबका प्रेस सल्लाहकार स्वस्तिक श्रेष्ठलाई सम्मान गरेका हुन ।

कार्यक्रममा अध्यक्ष ज्ञवालीले वार्षिक कार्ययोजनाबारे प्रकाश पार्दै क्लबको बोर्ड मिटिङ, साउनको ४ गते पद स्थापना गर्ने, फन राईडिङ, क्लबको आर्थिक आयब्याय मासिक पेश गर्ने, क्लब डाईरेक्टरी प्रकाशनका विषयमा जानकारी दिए ।

कार्यक्रममा पुर्व अध्यक्ष राजेन्द्र ढकाल, पुर्व अध्यक्ष जिवन अधिकारी, पुर्वअध्यक्ष तथा क्लबका मनिटर नर बहादुर सारु, पुर्व अध्यक्ष टंक पराजुली, क्लबका सरजेन्ट आर्म विद्या थापाले क्लबका सदस्यहरु र अन्य विङस क्लबहरुलाई समेटेर लैजानुपर्ने सुझाव दिए । पुर्व अध्यक्ष जबिन कक्षपति सबै सदस्यहरु क्रियाशिल हुदै आवश्यक सहयोग गर्न जरुरी रहेको बताए । यसैगरि क्लबमा नया सदस्यहरु प्रकाश ढकाल, कमल ज्ञवाली, सन्तोष ज्ञवाली, थानेश्वर अर्याललाई स्वागत गरिएका क्लबका सचिव कमल नेपालले बताए ।