खोज

चन्द्रौटा (कपिलवस्तु), २२ असार ।

जिल्ला ट्राफिक प्रहरी कार्यालय कपिलवस्तुले २९ हजार बढी सवारी कारवाही गरी २ करोड बढी राजस्व संकलन गरेको छ । चालु आर्थिक बर्ष २०८०÷०८१ मा ट्राफिक नियम उलङ्घन गरी सञ्चालनमा रहेको २९ हजार ८ सय ६ सवारी साधनलाई कारवाही गरेको जनाएको छ । प्रहरीले कारवाही गरेका सवारीसाधनबाट २ करोड १४ लाख ७३ हजार राजस्व संकलन गरेको हो ।

जिल्ला ट्राफिक प्रहरीले गत आर्थिक बर्ष २०७९÷०८० मा २५ हजार ८५२ सवारी कारवाही गरे वापत १ करोड ७७ लाख ११ हजार राजस्व संकलन गरेको थियो । जस अनुसार ३ हजार ९ सय ५७ सवारी कारवाही र ३७ लाख ६२ हजार राजस्व बढी संकलन बृद्धि भएको तथ्याङ्क छ । सवारी कारवाही भएका मध्ये सबैभन्दा बढी ट्रक रहेका छन् । ट्रक मात्र १६ हजार ६ सय ४८ वटा कारवाहीमा परेका छन् । भने दोस्रोमा जीप, कार र भ्यान ६ हजार १ सय ५ वटा कारवाहीमा परेका छन् ।

त्यसैगरीे मोटरसाईकल ४ हजार ५ सय ५५ वटा कारवाहीमा परेका, बस १ हजार ४ सय ३० वटा रहेका छन् । भने ट्रेक्टर ५ सय ९१ र अटोरिक्सा २ सय ७७ वटा गरि कूल २९ हजार ८ सय ६ सवारी साधन कारवाहीमा परेकोे प्रहरी निरीक्षक अनिश भण्डारीले बताए । दिनप्रतिदिन सवारी साधनको चाप बढ्दै गएकोले ट्राफिक नियम उलंघन बढी भएको हँुदा विगतभन्दा अहिले राजस्व बढेको छ ।

ट्राफिक प्रहरीले चालकका लागि चेतनामूलक अभियान सञ्चालन गर्दै आएको छ । अभियानमा कपिलवस्तुका विभिन्न स्थानमा गरी २ हजार ३० वटा कार्यक्रम गरिएको उनले बताए । निरीक्षक भण्डारीले भने ः “जरिवाना मात्रै गर्दैनौँ, चालकबाट नियम उलङ्घन नहोस् भनेर चेतनामूलक अभियानसमेत सञ्चालन गर्दै आएका छौँ ।” सवारी साधनका अ–आफ्ना समिति तथा नीति नियम रहेकाले सवारीले नियम उलङ्घन गरे उनीहरुले दोहोरो जरिवाना तिर्नुपर्ने व्यवस्था रहेको छ ।

ट्राफिक नियम उलङ्घन गरी सार्वजनिक यातायातमा सिट भन्दा बढी यात्रु बोक्नु, कागजात नवीकरण नगरेको, हेल्मेट प्रयोग नगरेको, ओभरलोड र मापदण्ड विपरीत कार्य गरेको सवारीलाई कारबाही गरि राजस्व संकलन गरिएको निरीक्षक भण्डारीले जानकारी दिए । प्रहरीका अनुसार अ.व. २०८०÷०८१ मा १ सय ७० सडक दुर्घटना भएकोमा ७० जनाको मृत्युु भएको छ । भने १ सय ५५ जना गम्भिर घाइते भएको जिल्ला ट्राफिक प्रहरी कार्यालय कपिलवस्तु गोरुसिङ्गेले जनाएको छ ।