खोज

बुटवल, १७ असार । भनिन्छ ‘‘पहिरनले मानिसको व्यक्तित्व झल्काउँछ’’, मानिसको पोशाकले पहिचान समेत दिन्छ । सोही पहिरन संग सम्बन्धीत बुटिक व्यवसाय आफैमा नयाँ चुनौतिको व्यवसाय हो । भिन्न विवाह, समारोह, चार्ड पर्व वा विशेष अवसरमा लगाईने डिजाईनयुक्त विभिन्न प्रकृतिका पोशाक बुटीककोरूपमा रहेका हुन्छन् ।

रूपन्देही जिल्लामा बुटीक व्यवसायको सुरुवात गर्ने व्यक्तिको पहिलो नाममा आउँछ प सीमाशर्मा पाण्डे । भारतको जन्म भएपनि उनी नेपालमा बुटीक व्यवसायमा राम्रो स्थान जमाउन सफल भएकी छिन् । वि.सं. २०७२ सालमा औपचारिक रूपमा फार्म नै दर्ता गरेर काम अगाडी बढाएकी उनले विवाहपछि नेपालमा आएपछि अनौपचारिक रूपमा भने बुटिक क्षेत्रलाई अगाडी बढाएकी थिईन ।

रूपन्देहीको तिलोत्तमा नगरपालिका वडा नम्बर ५ मणिग्रामामा उनको सीमसन फेसन डिजाईनिङ्ग इन्सीच्यिुट सञ्चालनमा रहेको छ । बुटीक व्यवसायलाई व्यवसायीकता दिन पर्छ भन्ने मान्यताले अगाडी बढेको उनको यो व्यवसायबाट ४० जना भन्दा बढिले तालिम लिएरव्यवसायीक बुटीक नै स्थापना गरिसकेका छन् ।

“हामी यो क्षेत्रमा बुटिक सम्बन्धी काम गर्ने पहिलो हो भन्दा पनि हुन्छ । यहाँबाट सिकेर धेरैले आफै बुटिक खोल्नुभएको छ । हामी अहिले बुटिक व्यवसायमा खासगरी विद्यार्थीहरूले अडरलिएरआउनुहुन्छ । सोही अनुसारसामान बनाएर विक्रि गर्दै आएका छौं,” उनी भन्छिन् ।
व्यवसायिक तालिम तथा व्यवसायिक तालिम परिषद् (सिटीईभीटी) बाट मान्यता प्राप्त गरी उनले तालिम सञ्चालन गर्दै आएकी हुन । पाण्डे केही सयम पहिला दायित्व रतिलोत्तमा नगरपालिकाको आयोजनामा भएको उत्कृष्ट महिला उद्यमीको रूपमा दोस्रो स्थान समेत प्राप्त गर्न सफल भएकी उद्यमी हुन ।

सिमाले विभिन्न निकायले प्रदान गर्ने बुटिक सम्बन्धी तालिम समेत प्रदान गर्दै आएकी छिन्, नयाँ आउने उद्यमशिलता प्रवद्र्धन समेत गर्दै आएकी छिन् । पछिल्लो समयमा स्वदेशमा भविष्य नदेखेरविदेश जाने युवा पुस्ताको लागि स्वदेशमा नै उद्यमशिलतामा जोड दिनको लागि तालिम प्रदान गर्दै आएकी हुन । उनको प्रतिष्ठानले छोटो समयको तालिमदेखि एड्भान्स लेभलको तालिम समेत चलाउँदै आएको छ । जसमा एक बर्षको कोर्ष देखि १०–१५ दिनको डल कुसन बनाउने तालिम समेत दिँदै आएको छ ।

अहिलेसम्म तालिम दिएकाहरू मध्येबाट ४० जना भन्दा बढि उद्यमीहरूले व्यवसायिक बुटिक सञ्चालन गरेका छन् । जसबाट एउटा बुटिक सेन्टरमा २, ४ जना गरी १ सय २० भन्दा बढिले रोजगारी पाएका छन् । उनले प्रशिक्षण उत्पादनमा विशेष जोड दिएकी छिन्, आफू जस्तै उद्यमी बनाउनको लागि अभियानै चलाएको सिमाको भनाइ छ । प्रशिक्षक, कामदार गरेर हाम्रो फार्मममा ५ जनाले रोजगारी नियमित रूपमा समेत पाएका छन् । वि.सं. २०७२ सालमा १ लाख ५० हजारलागत बाट सुरुवात भएको यो हाम्रो फार्म अहिले २५ लाख लगानी भएको छ । उनी भन्छिन्–‘ डिप्लोमा लेभल, बेसिक लेभल, एड्भान्स लेभलका विभिन्न डिजाईनका कोर्ष चलाउँदै आएका छौं ।’’

महिनामा १ लाख ७० हजाररूपैयाँ आम्दानी हुँदै आएकोमा खर्च कटाएर६६ हजाररूपैयाँ आम्दानी गर्दै आएका उनको भनाई छ । उनि थप्छीन–‘ म यो मानेमा खुसी छु की मैले तालिम चलाएका महिलाहरू यहि बुटवल, मणिग्राम, भैरहवा, दाङ लगायतका स्थानमा आफै बुटीक खोल्न सफल हुनुभएको छ ।’ आफूले दिएको तालिम बाट उद्यमशिलता तर्फ मोडीदै गएको देखेपछि अन्य युवा पुस्ताको लागि समेत प्रेरणा हुने उनको तर्क छ ।