खोज

लमही, १२ असार । स्थानीय सरकारले आइतबार र सोमबार गरी आगामी आर्थिक वर्षका लागि बजेट ल्याएका छन् । असार १० गतेभित्र बजेट ल्याउनुपर्ने संवैधानिक व्यवस्था बमोजिम दाङका सबै स्थानीय सरकारले पनि बजेट नीति तथा कार्यक्रम ल्याएका हुन् । दाङका १० स्थानीय सरकारले आगामी आर्थिक वर्षका २०८१/८२ का लागि झण्डै ८ अर्ब ९४ करोड बढीको बजेट ल्याएका छन् । दश स्थानीय सरकारले आठ अर्ब ९४ करोड ३४ लाख ५४ हजार १५८ रूपैंया बराबरको बजेट ल्याएका छन् ।

दाङको लमही नगरपालिकाले आर्थिक बर्ष २०८१/०८२ को लागि जम्मा ८४ करोड ५१ लाख २४ हजारको बजेट अनुमानित बजेट सार्वजनिक गरेको छ । आगामी आर्थिक वर्षका लागि चालुतर्फ ७४ करोड १५ लाख २४ हजार र पूँजिगततर्फ १० करोड ३६ लाख विनियोजन गरेको हो ।
नगरसभामा आर्थिक बाडफाड समितिका सभापती तथा वडा नम्बर ३ का अध्यक्ष मुकेश चौधरीले उक्क्त बराबरको बजेट प्रस्तुत गरेका हुन ।
संघीय सरकारको समानिकरण अनुदान १४ करोड ६ लाख,संघीय राजश्व बाँडफाँड१४ करोड ६ लाख,संघीय सशर्त अनुदान चालुतर्फ २३ करोड ३२ लाख पाँच हजार,पूजिगत तर्फ १० करोड २३ लाख,संघीय सरकार समपुरक अनुदान एक करोड ५० लाख,अनुमान गरिएको छ । यसैगरी प्रदेश सरकारको ११ करोड ९६ लाख,प्रदेशसरकारको समपुरक अनुदान १० लाख पाँचहजार, प्रदेश राजश्व वाँडवाँड सवारी कर १७ करोड ६९ लाख,अँनतरीक श्रोत ८आठ करोड १४ लाख,स्थानीय राजश्व बाँडफाँडबाट ६ करोड लाख दुइ हजार,प्रदेशसरकारको सशर्त अनुदान १० लाख पाँच हजार,अनुमान गरिएको छ ।

त्यसैगरि गढवा दाङको गढवा गाउँपालिकाले आगामी आर्थिक वर्ष २०८१/०८२ का लागि ६७ करोड ३७ लाख २७ हजार बराबरको बजेट सार्वजनिक गरेको छ ।आगमी आर्थिक बर्षको चालु तर्फ ४० करोड ८० लाख ९२ हजार अर्थात् ६०.५७ प्रतिशत र पुँजीगत खर्च २६ करोड ५६ लाख ३५ हजार अर्थात् ३९.४२ प्रतिशत गरी कुल ६७ करोड ३७ लाख २७ हजार रूपैयाँ बराबरको बजेट विनियोजन गरिएको छ ।
राप्ती गाउँपालिकाले आगामी आर्थिक वर्ष २०८१/०८२ का लागि ६८ करोड ५९ लाख ७४ हजार बराबरको बजेट सार्वजनिक गरेको छ । जसमा चालु आर्थिक बर्षको कुल बजेट ६५ करोड ७६ लाख थियो भने अगामी आर्थिक बर्षको बजेट झण्डै ४ प्रतिशतले बढेर ६८ करोड ५९ लाख ७४ हजार बराबरको नयाँ बजेट आएको छ ।

आगमी आर्थिक बर्षको चालु तर्फ ३० करोड ६७ लाख २४ हजार र पुँजीगत ३७ करोड ५ लाख ५० हजार बजेट विनियोजन गरिएको छ ।
जसमा मध्ये अहिले चालु तर्फ ९० लाख ७६ हजारले घटेको छ भने पुँजीगत तर्फ ३ करोड ७९ लाख ५० रहेको छ । राजपुर गाउँपालिकाको दोश्रो गाउँसभाको पाँचौ बैठकबाट आगामी आर्थिक वर्षका नीति तथा कार्यक्रमहरू कार्यान्वयन गर्न रु. ६६ करोड ७९ लाख ५९ हजार ७ सय ७७ रूपैया विनियोजन गरिएको छ ।

तुलसीपुर उपमहानगरपालिकाले आगामी आर्थिक वर्ष २०८१/०८२ का लागि २ अर्ब बढीको बजेट ल्याएको छ । उपमहानगरपालिकाले आगामी आर्थिक वर्षका लागि २ अर्ब ७ करोड ४९ लाख ६८ हजार ३८१ बराबरको बजेट ल्याएको हो । आर्थिक वर्ष २०८०/०८१ का लागि १ अर्ब ८६ करोड ४७ लाख ७९ हजार रूपैयाँको बजेट विनियोजन गरेको तुलसीपुरले आगामी वर्षका लागि २१ करोड एक लाख ८९ हजार ३८१ रूपैंयाले बढी बजेट ल्याएको हो ।

नगर उपप्रमुख स्यानी चौधरीले सोमबार १५ औ नगरसभाको दोस्रो बैठकमा बजेट प्रस्तुत गर्दै आगामी आर्थिक वर्षका लागि चालुतर्फ ६५ प्रतिशत अर्थात् १ अर्ब ३६ करोड १८ लाख ५ हजार १५२ बजेट ल्याएको बताइन । यस्तै पुँजीगततर्फ ३३ दशमलव ४१ प्रतिशत अर्थात ६९ करोड ३१ लाख ६३ हजार १९९ बजेट ल्याएको नगर उपप्रमुख चौधरीले बताइन । नगरले आगामी आर्थिक वर्ष २०८१/२०८२ मा शिक्षालाई प्राथमिकता दिएर बजेट ल्याएको छ । नगरले शिक्षातर्फ कुल बजेटको ३० प्रतिशत अर्थात ६३ करोड ४२ लाख ४९ हजार बजेट ल्याएको छ । नगर उपप्रमुख चौधरीले स्वास्थमा ४ दशमलव ६२ अर्थात ९ करोड ५९ लाख ४० हजार बिनियोजन गरिएको बताइन ।
यस्तै कृषितर्फबाट नगरले २ दशमलव ६४ प्रतिशत अर्थात् ५ करोड ४८ लाख १४ हजार बजेट बिनियोजन गरेको छ । यस्तै पशु शाखातर्फ २ करोड ११ लाख ८४ हजार ५७५ बजेट बिनियोजन गरेको नगर उपप्रमुख चौधरीले बताइन ।

यस्तै घोराही उपमहानगरपालिकाले पनि आर्थिक बर्ष २०८१/८२ को बजेट ल्याइसकेको छ । उपमहानगरपालिकाले आर्थिक वर्ष २०८१÷०८२ का लागि दुई अर्ब ४२ करोड ७७ लाख १८ हजार रूपैयाँ बजेट विनियोजन गरेको छ ।

उत्पादन वृद्धिलाई प्राथमिकता, माछा पकेट क्षेत्र बनाइने

लमही नगरपालिकाको आर्थिक वर्ष २०८१/८२ का लागि ८४ करोड ५१ लाख २४ हजार रूपैयाँबराबरको बजेट सार्वजनिक गरेको छ । अन्य गाउँपालिकाले सोही अनुपात बजेट सार्वजनिक गरेका छन । सबै पालिकाले भौतिक पूर्वाधार भन्दा सामाजिक बिकास केन्द्रित कृषि, शिक्षा, स्वास्थ्यलाई प्राथमिककता दिएका छन ।