© २०२३
२१ मंसिर २०८२, आइतबार
२१ मंसिर २०८२, आइतबार
सुर्खेत, ७ असार ।
बजेटप्रति असन्तुष्टि जनाउँदै आएको प्रमुख प्रतिपक्षी दल नेपाली कांग्रेसले कर्णाली प्रदेशसभा बैठक बहिष्कार गरेको छ । कर्णाली सरकारले ल्याएको बजेट सन्तुलन नभएको जनाउँदै कांग्रेसले बुधवारदेखि संसद अवरुद्ध गर्दै आएको छ । काँग्रेसले बिहीबार पनि प्रदेशसभा बैठक बहिष्कार गरेको छ ।
अर्थमन्त्री महेन्द्र केसीले ल्याएको बजेटमा कांग्रेसले असन्तुष्टि पोख्दै आएको छ । बिहीबार सभामुख नन्दा गुरुङले प्रदेशसभा बैठकको कारबाही प्रारम्भ नगर्दै कांग्रेस सांसदहरू बाहिरिएका थिए । अर्थमन्त्रीले प्रस्तुत गरेको बजेट विभेदकारी रहेको काँग्रेस सांसद जानकी सिंहले बताइन् । बजेट नसच्याएसम्म सदन अवरुद्ध गरिने उनले बताइन् ।
कांग्रेसले बहिष्कार गरेपछि सभामुख गुरुङले प्रदेशसभा बैठक असार १२ गतेसम्मका लागि स्थगित गरिन् । सरकारको बजेटप्रति कांग्रेस मात्र नभई सत्तापक्षका सांसदहरूले पनि असहमति जनाएका छन् । यता राप्रपाका सांसद सन्तोषी शाहीले पनि ससंसद अवरुद्धमा आफ्नो पनि एक्एवद्धता रहेको जनाईन् । अर्थमन्त्रीले बजेट नसच्याएसम्म सदन अवरुद्ध गर्ने शाहीले जनाइन् ।
© २०२३
सर्वाधिकार सुरक्षित
Design & Developed By:
