खोज

सल्यान, ४ असार । नेपाल कम्युनिस्ट पार्टी (एमाले) ले सल्यानका दशवटै स्थानिय तहमा नयाँ नेतृत्व चयन गरेको छ । निर्धारित समयमै पालिका अधिवेशनहरु सम्पन्न भएको र लगत्तै अब वडाहरुको अधिवेशनमा पार्टी पंक्ती केन्द्रित हुने एमाले सल्यानका अध्यक्ष भिम बहादुर सेनले जानकारी दिए । पालिका अधिवेशनबाट एमाले कपुरकोटको अध्यक्षमा मधुसूदन गिरि, उपाध्यक्षमा इश्वर बुढा, सचिवमा रुपक बुढा तथा उपसचिवमा कुबेर केसी र बेलमती बुढा चयन भएका छन् ।

छत्रेश्वरी गाउँपालिकाको अध्यक्षमा ज्ञान बहादुर खड्का, उपाध्यक्षमा डुम बहादुर खत्री, सचिवमा इश्वरी बस्नेत र उपसचिवमा शेर बहादुर राना, बसन्ता जिसी चयन भएका छन् भने कालिमाटी गाउँपालिकाको अध्यक्षमा केशर बुढा, उपाध्यक्षमा बेल बहादुर चन्द, सचिवमा दिलिप रावत, उपसचिवमा टोप बहादुर कार्की र दिपा वली निर्वाचित भएको एमाले सल्यानले जनाएको छ ।

यस्तै त्रिवेणि गाउँपालिका कमिटीको अध्यक्षमा डिल्ली खड्का, उपाध्यक्षमा हस्त बहादुर रामजा, सचिवमा तेज बहादुर घर्ती तथा उपसचिवमा लुट बहादुर थापा र शारदा सुनार चयन भएका छन भने कुमाख गाउँपालिकाको अध्यक्षमा रेमन्त शर्मा, उपाध्यक्षमा शेर बहादुर चन्द, सचिवमा मित्र प्रसाद शर्मा, उपसचिवमा लक्ष्मणसिंह राठौर र नारायणी खत्री निर्वाचित भएको एमाले सल्यानका उपसचिव गणेशमान सिंहले जानकारी दिए ।

एमाले दार्मा गाउँपालिका कमिटीको अध्यक्षमा दिपक रोकाय, उपाध्यक्षमा यज्ञ बहादुर चन्द, सचिवमा खगेन्द्र केसी, उपसचिवमा टीका बस्नेत थापा र केशव वली तथा सिद्धकुमाख गाउँपालिकाको अध्यक्षमा टोप बहादुर बुढाथोकी, उपाध्यक्षमा देवेन्द्र रोका, सचिवमा भिम बहादुर चलाउने, उपसचिवमा कैलाश चलाउने र मालती कंडेल निर्वाचित भएका छन् ।

यस्तै शारदा नगर कमिटीको अध्यक्षमा महेश देवकोटा, उपाध्यक्षमा राम बहादुर भण्डारी, सचिवमा बिनोद चलाउने, उपसचिवमा ढकलाल रावल र लक्ष्मी बुढाथोकी, बनगाड कुपिण्डे नगरकमिटिको अध्यक्षमा राजन शाह, उपाध्यक्षमा मोतिलाल पुन, सचिवमा धन बहादुर सुनुवार, उपसचिवमा जुक्ती प्रसाद घर्ती र कमला बस्नेत चयन भएका छन् भने बागचौर नगरकमिटी अध्यक्षमा जनक बिक, उपाध्यक्षमा शोभाराम बस्नेत, सचिवमा देव बहादुर डांगी तथा उपसचिवमा शालिजराम बोहरा र गंगा बस्नेत निर्वाचित भएका छन् ।

नागरिकको भरोसाको पार्टी एमालेलाइ अझै मजबुत, चलायमान र सुदृढ गर्नका लागि पार्टी गतिविधिलाइ सक्रिय बनाइएको एमाले सल्यानका उपाध्यक्ष ओज बहादुर बुढाथोकीले जनाए । पार्टीले बिभन्न बिभाग प्रमुखहरु तोकेको र आगामी एक बर्से कार्ययोजना निर्माण गरेको पनि एमाले सल्यानले जनाएको छ ।

जिल्लाको पार्टी स्कुल बिभागमा भिम बहादुर सेन, संगठन विभाग एवम जनवर्गीय संगठन विभाग प्रमुखमा ओज बहादुर बुढाथोकी, वित्त तथा कोष विभाग प्रमुखमा पुष्पा कुमारी बोहरा, प्रचार तथा प्रकाशन विभागमा गणेशमान सिंह, स्थानीय विकास बिभागमा सनसिल्ता वली डिसी, सहकारी तथा गरिबी निवारण विभागमा किशोर हमाललाई जिम्मेवारी तोकिएको छ । जिल्ला कमिटी उपसचिव गणेशमान सिंहका अनुसार हालै सम्पन्न जिल्ला कमिटी पदाधिकारी बैठकले विभागहरुको जिम्मेवारी तोक्दै एक बर्षिय कार्ययिजना पनि तय गरेको हो ।

जस अनुसार यहि असार महिना सम्ममा वडा अधिवेशन गरिसक्ने, साउन र भदौमा जनवर्गीय संगठनहरुको भेला÷ सम्मेलन गर्ने, असोजमा जिल्ला स्तरिय प्रशिक्षण संचालन गर्ने लगायतका कार्ययोजना तय गरिएको छ । अबको केही समयभित्रै जिल्ला कमिटीको दोश्रो बैठक बसेर आवश्यक निर्णय लिने एमाले सल्यानले जनाएको छ ।