खोज

बुटवल, ४ असार । बुटवलमा रात्रीकालीन बजारको अवधारणा अनुसार काम भैरहेको छ । सोही अवधारणालाई मुर्तरूप दिनको लागि बुटवलका विभिन्न ५२ वटा स्थानमा अहिले उच्च क्षमता युक्त सडक बक्ती ‘हाइमास्ट लाइट’ जडान कार्य जारी रहेको छ । बुटवलको अस्पताल लाईन, बसपार्क, तिनकुने, देवीनगर लगायतका स्थानमा बत्ती जडान काम सकिएको छ भने प्राविधिक रूपमा परिक्षण पश्चात नियमित रूपमा बत्ती बल्ने छन् ।

बुटवल उपमहानरापलिकाका उज्यालो बुटवल अभियान लाई लिए बुटवलका ५२ वटा स्थानमा उच्च क्षमताका सडक बत्ती हाइमास्ट लाइट जडानका लागि प्रस्ताव तयार गरी सङ्घीय सरकारमा पठाइएको सोही अनुसार काम भैरहेको रका योजना महाशाखा प्रमुख गौतम रौनियारले बताउँछन् । नेपाल सरकारको सम्पुरक अनुदान ८० लाख, नेपाल सरकारकै ससर्त अनुदान ४० लाख र बुटवल उपमहानरपालिकाको आन्तरिक स्रोत १ करोड १७ लाख १४ हजार ६ सय ८०.१५ रूपैयाँमा बुटवलमा उच्च क्षमताका हाईमास्ट लाईट जडान कार्य जारी रहेको हो ।
उक्त बत्ती जडानको लागि कुल लागत अनुमान २ करोड ३७ लाख १४ हजार ६ सय ४०.१८ रूपैयाँ अनुमान गरिएकोमा नेपाल पावर सोलुसन प्रालिले कुल १ करोड ८१ लख ७२ हजार १ सय ३५.६३ रूपैयाँमा ठेल्ला पाएको थियो ।

वि.सं. २०८० साल माघ १२ गते देखि सुरुवात भएको कार्यक्रम वि.सं. २०८१ जेठ ३१ गते रहेको भएपनि पछिल्लो समयमा म्याद थप गरिए काम भैरहेको छ । प्राविधिकको सर्वेअनुसार कुनै स्थानमा १२ र कुनैमा १६ मिटर अग्ला पोलमा लाईट जडान गरिने छ । आगामी वर्ष जोगिकुटीदेखि चिडियाखोला र धागो कारखाना देखि तिनाउ पुलसम्म जडान गर्ने नगरपालिकाको योजना अनुदसार काम भैरहेको छ ।

बुटवल उपमहानरपालिका प्रमुख खेलराज पाण्डेयले रात्रीकालिन बजार व्यवस्थापन अहिलेको आवश्यकता भएकोले यसको लागि उज्यालो बनाउन र बुटवलको सौन्दर्यकरणको लागि यो अभियान प्रभावकारी रहने विश्वास गरिएको जनाकारी दिए । उनले उज्यालो बुटवल अभियान अन्र्तगत विद्युत प्राधिकरणसँग समेत विद्युत आपुर्तीको लागि सम्झौता समेत भएको जानकारी दिँदै यसबाट सुरक्षाको दृष्टिकोणले समेत बत्ती आवश्यक रहेको बताए । उनले भने–‘यो उज्यालो बुटवल अभियान अन्तर्गतकै अभियान हो, जसबाट धेरैले लाभ लिन सक्नुहुन्छ ।’

बुटवलका भित्री गल्ली र स्थानमा समेत सडक बत्ती व्यवस्थापनको लागि स्थानीय टोल विकाससंस्था मार्फत काम भैरहेको मेयर पाण्डेयको भनाइ रहेको छ । टोल विकास संस्था मार्फत सडक बत्ती व्यवस्थापन संगै चौक, गल्लीमा रहेका घरधनी (घरबेटी) लाई अनिवार्य एउटा बत्ती सडक तर्फ फकाएर बाल्नको लागि अभियान नै सुरुवात गरिने गरी सूचना प्रवाह भएको मेयर पाण्डेको भनाई रहेको छ ।

हाईमास्ट लाइट अग्लो पोलमा चौतर्फी उज्यालो प्रदान गर्ने प्रविधि हो । मुख्य मुख्य चोक एवं ठूला बाटोको संगम क्षेत्रमा राखिने यस लाइट फरक फरक तरिकाले राखिएको हुन्छ । १२ मिटरदेखि १६ मिटर उचाइ भएको पोलले २५ मिटरको दुरीसम्म उज्यालो पुग्दछ ।

यसको फाइदा दुर्घटना न्यूनीकरणका साथै साना व्यवसायीहरू, ठेला व्यवसायी, चिया कफी बेच्नेलाई, पर्यटकीय क्षेत्रको रूपमा तथा सुरक्षाको लागि पनि महत्वपूर्ण हुने उपमहानगरको दाबी छ । मुख्य हाइवे अन्तर्गत बुटवल बेलहिया व्यापारिक मार्गमा रहेका सोलार बत्ती स्ट्रीट लाईट रहेकोले बुटवल हाइवेका चोक चोकमा जडान गरिने उपमहानगरले जनाएको छ । à