खोज

बुटवल, ३१ जेठ । कक्षपति समाज बुटवलको एघारौं साधारण सभा र पाँचौं अधिवेशनबाट महत्व कुमार कक्षपतिको अध्यक्षतामा १३ सदस्यीय नया कार्यसमिति सर्वसम्मत निर्वाचित भएका छन । बुधबार भएको अधिवेसनबाट समाजको वरिष्ठ उपाध्यक्षमा गणेश कुमार कक्षपति, उपाध्यक्षमा जबिन कक्षपति, सचिव रविन्द्र कक्षपति, सहसचिव सुरेशकुमार कक्षपति, कोषाध्यक्षमा दिनेश कक्षपति तथा सदस्यहरुमा राजु कक्षपति, यज्ञेश्वर कक्षपति, कल्पना कक्षपती, पिंकी कक्षपति, निशा कक्षपति, प्रजु पक्षपति र सन्देश कक्षपति निर्वाचित भएका हुन । एक

कार्यक्रममा बिच समाजका अध्यक्ष प्रविणलाल कक्षपतिले नवनिर्वाचित टिमलाई पद हस्तान्तरण गरेका छन । समाजका सुवर्णलाल कक्षापतिले कार्यक्रमको उद्घाटन गदै नेवारी भेषभुषा, खानपिन र भाषालाई प्राथमिकता दिनुपर्ने सुझाव दिए । समाजको सचिव पदमा रहेर लामोसमय योगदान दिएका महत्वकुमार कक्षपतिले नेतृत्व ग्रहण गर्दै एकआपसमा सद्भाव, सामिप्यता र सहभागिताको मन्त्रलाई आत्मसात गर्दै वर्षभरि नै विविध कला, संस्कृति र संस्कार संरक्षणका कार्यक्रमहरु गर्ने बताए ।

यसैबिच नेवारी चाड सिथी नखको अवसरमा कक्षपति समाज बुटवलको कुल पूजा समेत सम्पन्न भएको छ । करीब १० वर्ष अगाडि बुटवल क्षेत्रका वरिपरि छरिएका कक्षपति दाजुभाईहरुलाई एकत्रित गरी समाजको निर्माण भएको निवर्तमान अध्यक्ष डा. निरञ्जनलाल कक्षपतिले स्करण गरे ।

कार्यक्रममा समाजका सचिव दिनेश कक्षपतिले १० वर्षको अवधिमा भएका गतिविधिबारे जानकारी दिएका थिए । समाजमा हाल रुपन्देही, पाल्पा, गुल्मी, कपिलवस्तु, नवलपरासी, चितवन, बाँके, प्युठान जिल्लाका कक्षपति दाजुभाईहरु जम्मा भएर कुल पूजा गरी प्रसाद ग्रहण गरेका थिए ।