© 2026
१५ माघ २०८२, बिहीबार
१५ माघ २०८२, बिहीबार
बुटवल, २९ जेठ । राप्रपाबाट निर्वाचित लुम्बिनी प्रदेश सभा सदस्य जानकीप्रसाद यादवको निलम्बन फुकुवा भएको छ ।
अख्तियार दुरुपयोग अनुसन्धान आयोगले वन पैदावारको हानी नोक्सानी गरी भ्रष्टाचार गरेको शीर्षकमा विशेष अदालतमा मुद्दा दायर गरेपछि प्रदेश सभाले यादवलाई गत फागुन ११ गते मुद्दाको अन्तिम किनारा नलागे सम्मको लागि निलम्बन गरेको थियो । सो मुद्दामा यादवले सफाइ पाएपछि प्रदेश सभाले यादवको निलम्बन फुकुवा गरेको हो । विशेष अदालतले जेठ ९ गते यादवलाई सफाइ दिएको थियो ।
मुद्दाको फैसला भएको र यादवले सफाइ पाएको बारेमा प्रदेश सभामा पत्र प्राप्त भएपछि निलम्बन फुकुवा गरिएको सभामुख घर्ती मगरले जानकारी दिए । यादव राष्ट्रिय प्रजातन्त्र पार्टीबाट कपिलवस्तु क्षेत्र नम्बर ३ को ‘ख’बाट प्रदेशसभा सदस्यमा निर्वाचित भएका थिए । प्रदेश सभामा राप्रपाका ४ जना सांसद छन् ।
© 2026
All rights reserved.
Design & Developed By:
