खोज

बुटवल, २९ जेठ । पछिल्लोसमय युके अध्ययनमा जाने युवाहरुको चासो बढेको छ । अष्टे«लिया, अमेरिका, जापानसंगै पछिल्लोसमय युके (लण्डन) का विश्वविद्यालयमा अध्ययन जाने युवाहरुको संख्यामा समेत वृद्धि भएको हो । अध्ययनमा जाने पहिलो देशबाट भिसा रोकिदा युके धेरैको रोजाई बनेको छ । वैदेशिक अध्ययनमा जाने विषयमा अभिभावक, विद्यार्थीहरु धेरै सोचबिचार गरेर निर्णय लिनुपर्ने रियल ड्रिम एजुकेशन कन्सल्टेन्सी प्रालिका म्यानेजिङ डाईरेक्टर बसन्त नेपालको सुझाव छ । राम्रो ज्ञान बिना जादा धेरै दुख पाएका उदाहरणहरु रहेको उनि बताउछन । २१ वर्षदेखि युके अध्ययनमा जाने विद्याथीहरुलाई मद्यत गर्दै आएको लामो अनुभवबाट यसमा आउने चुनौतीबारे आफुहरुलाई ज्ञान रहेको उनी बताउछन । ब्याचलर अध्ययनमा जाने विद्यार्थीले कमाएर फि तिर्छु भन्ने मानसिकता हटाउनुपर्ने उनको सुझाव छ । आफनो करियर बनाउन जाने हुदा त्यसमा जोड दिनुपर्ने उनको तर्क छ । ‘अहिले युके अध्ययनमा जान सेप्टेम्बर ईन्टेकको नेपालमा भर्ना शुरु भएको छ ।’—उनले भने । विद्यार्थी र अभिभावकहरुसमेत आफनै ठाउमा सम्पूर्ण जानकारी दिने गरि बुटवलमा मंगलबार युके विश्वविद्यालय सम्बन्धित विज्ञहरुसंग अन्तरक्रिया कार्यक्रम चलाईएको उनले बताए । पढाईको मोड्युल, भर्ना रकम, खर्चका अन्य कुराहरु बुझ्न कार्यक्रम मद्यत मिल्ने उनले बताए ।

कार्यक्रममा युनिर्भसिटि अफ ईष्ट लण्डनका स्टुडेन्ड रिक्युमेन्ट विभाग, नेपालका सल्लाहकार असिम घिमिरेले काठमाडौं बाहिर गरिएको यो कार्यक्रम बिद्यार्थीहरुलाई धेरै उपयोगी हुने बताए । विद्यार्थीहरुको तर्फबाट अध्ययनमा लाग्ने खर्च, विषय छनौट जस्तोकी विजनेश म्यानेजमेन्ट, हस्पिटालिटि तथा पोष्ट ग्रायजुएट विषयमा एमबिएको बारेमा धेरै प्रश्नहरु आएको उनले बताए । अन्य देश र लण्डनमा अध्ययनमा जादा हुने फरकपना बुझाउन समेत मद्यत मिलेको उनले बताए ।

कार्यक्रममा युनिर्भसिटि अफ वरसेस्टरका एकेडेमिक हेड जोहन गार्डनरले उत्कृष्ट ईभेन्ट भएको भन्दै यो बुझाईले उनिहरुमा बैदेशिक अध्ययनमा रहेका नकारात्मक कुराहरु मेटाउन मद्यत मिल्ने बताए । भर्ना प्रक्रियाका बारेमा विश्वविद्यालयका सम्बन्धित सरोकारवालासंग प्रत्यक्ष पार्टनर भएको हुदा पनि सहज रहेको उनले बताईन । विद्यार्थीको आवश्यकता, ईगलिस, प्रि ईन्टरभ्युसंगै अफर लेटर पाउने उनले बताए ।
कार्यक्रममा युनिर्भसिटि अफ वरसेस्टर स्टुडेन्ट रिक्युरिमेन्टका रिजनल म्यानेजर लरेन ज्याक, योर्क सेन्ट जोहन युनिर्भसिटिका बिजनेश डेभलोपमेन्ट म्यानेजर भिक्टोरिया लार्ज, युसिबिका स्टुडेन्ट रिक्युरिमेन्टका एडभाईसर समिता सुब्बाले कम्युटर साईन्स, ब्यवस्थापन, होटल म्यानेजमेन्ट, नर्सिङ विषयको अध्ययनमा विद्यार्थीहरुलाई युकेका विश्वविद्यालयमा राम्रो अवसर रहेको उनले बताए ।