खोज

बुटवल, १७ जेठ । रूपन्देही सहित देशका हरेक क्षेत्रमा माग हुने रगतको अभाव थेग्ने थलो बनेको बुटवल । यहाँ गरिने विशेष रक्तदान अभियान यो सफलताको कारण हो । रूपन्देहीमा विभिन्न सामाजिक संघसंस्थाहरूले आफनो स्थापना, ब्यक्ति विशेषको जन्मदिन, शुभविवाह उत्सवमा रक्तदान कार्यक्रम नै राख्ने लहर बढेको छ । बुधबार नेपाल स्वयंसेवी रक्तदान समाज रूपन्देहीकी कोषाध्यक्ष तुल्सा न्यौपाने सिहले आफ्नो जन्मदिनमा रक्तदान कार्यक्रम गरि मनाईन ।

नेपाल रेडक्रस सोसाईटी रक्त संचार सेवा केन्द्र बुटवलमा उनले आफ्नो जन्मदिनलाई सामाजिक कार्य गरि मनाएको बताईन । ‘जन्मदिनमा रक्तदान गरि सानो योगदान दिन पाउदा धेरै खुशी छु,’—उनले भने । ट्राफिक चोकमा भएको वृहत रक्तदान कार्यक्रममा पहिलोपटक सहभागी भएको उनी स्मरण गर्छिन । त्यसपछि उनी निरन्तर रक्तदान गर्दै आएकी छिन । आफ्नो नातेदार, साथीभाईलाई समेटेर कार्यक्रम गर्दा रक्तदानको बारेमा उनीहरू पनि बुझने अवसर पाउने गर्दा दोहोरो फाईदा मिल्ने उनको दाबी छ ।

समाजका जिल्ला अध्यक्ष कृष्ण चौहान क्षेत्रीले यो क्षेत्रमा ‘विशेष रक्तदान’ को कल्चर बिकास भएको बताउछन । ‘रक्तदानको कल्चर विकास गरिदा रगत संकलन प्रभावकारी भएको छ,’—उनले भने । समाजका सदस्य तथा रक्तदाताहरूको जन्मदिनमा रक्तदान र केक काट्दै आएकोमा पछिल्लोसमय धेरै जना विशेष कार्यक्रम नै गरेर मनाउने प्रचलनलाई जोड दिन थालेको उनले बताए । न्यूनतम ७–१० हजार रूपैयामा खर्च हुने गर्छ । शुभकार्यमा गरिने सानो खर्चमा ठूलो खुशीसंगै समाजमा महŒवपुर्ण योगदान पुग्ने उनले बताए । समाजकै पदाधिकारी, सदस्यबाट शुरु भएको अभियान अहिले दाताहरूमा छाएको उनले बताए । दुर्लभ र विभिन्न अभाव हुने समूहका रगत उपलब्धतालाई सहज गराउन कार्यक्रमले मदत मिलेको छ ।

तिलोत्तमा नगरपालिकाका नारायण बरालले जेठ ८ गते आफ्नो जन्मदिनमा वृहत रक्तदान गरे । ब्यवसायी समेत रहेका उनि दुघर्टना परेर खुट्टा गुमाएका उनि नियमित रक्तदान गर्दै आएका छन । तिलोत्तमा योगिकुटी निवासी उनी सामाजिक काममा समेत अग्रसर छन । अपांगता भएपनि समाजमा योगदान दिन सकिन्छ भन्ने उदाहरण दिन उनी सफल भएका छन । कार्यक्रममा ७० युनिट रगत संकलन भएको थियो ।
यतिमात्र होईन यस क्षेत्रका पत्रकार, ब्यवसायी, उद्योगी, सामाजिक ब्यक्तिहरूलाई चौहानले जन्मदिनमा रक्तदान गर्न प्रोत्साहन दिँदै आएका छन ।

यता दुर्लभ रक्तदाता ईश्वरी गौतम र सम्झना नेपालको जोडीले आफनो वैवाहिक वर्षगाठमा रक्तदान गरे । वैशाख १७ गते १९ औं वर्षगाँठ रक्तदान गरि मनाए । परिवारमा छोरी पनि रक्तदान गर्न लागेको उनी बताउँछन । ३—३ महिनामा खेर जाने रगत दान गर्दा बिरामीको ज्यान बचाउन सकिने हँुदा पनि रक्तदानको महव रहेको उनी बताउँछन । समाजमा सरोकारवालाहरू रक्तदानको महŒव बुझाउन टोलटोलमा पुग्न जरुरी रहेको उनको सुझाव छ ।

नेपाल रेडक्रस सोसाईटी, रक्तसंचार सेवा केन्द्रका सदस्य सचिव राधा शर्माले दैनिक ८० देखि ९० युनिट रगत खपत हुदै आएको बताईन । यो हिसाबमा यहाँ मासिक २५०० युनिट रगत आवश्यक हुने र यो मागलाई विभिन्न स्वयंसेवी रक्तदाताहरूको सहयोग भैरहेको उनी बताउँछिन । केन्द्रमा एबि पोजिटिभ र बि पोजिटिभ बढी जसो अभाव देखिने उनी बताउँछिन् ।