खोज

नेपालगञ्ज, १७ जेठ ।

विद्युत अनियमितताको समस्या समाधान गर्न नेपालगञ्जमा एक संयन्त्र गठन गरिएको छ । दिनहुँ उकालो लाग्दै गरेको तापक्रम, त्यसमाथि लो भोल्टेज र विना जानकारी लोडसेडिङको समस्या नेपागञ्जबासीले झेल्दै आएकाले संयन्त्र गठन गरिएको हो । नेपालगञ्ज उद्योग वाणिज्य संघले विहीबार आयोजना गरेको नेपालगञ्जको अनियमित विद्युतको समस्या र समाधान विषयक अन्तत्र्रिmयापछि संघका अध्यक्ष टंकबहादुर धामीको संयोजकत्वमा संयन्त्र गठन गरिएको संघका महासचिव भीमबहादुर रानाभाटले जानकारी दिए ।

संयन्त्रमा नेपाल उद्योग वाणिज्य महासंघका केन्द्रीय सदस्य अब्दुल वाहिद मन्सुरी, नागरिक समाज बाँकेका तर्फबाट कृष्ण प्रसाद श्रेष्ठ, नेपालगञ्ज उद्योग वाणिज्य संघका पूर्व अध्यक्ष नन्दलाल बैश्य, उपभोक्ता हित संरक्षण मञ्चका बसन्त गौतम, प्रमुख राजनैतिक दलका प्रतिनीधि, नेपाल वार एशेसिएसनका प्रतिनीधि, नेपाल पत्रकार महासँघ बाँकेका अध्यक्ष एवं प्रतिनिधिलाई सदस्य राखिएको छ । सदस्य सचिवको जिम्मेवारी संघका महासचिव भिमबहादुर रानाभाटलाई दिइएको छ । अत्यधिक गर्मी बढिरहेको नेपालगञ्जमा विद्युत झ्याप्प झ्याप्प गईरहने र भोल्टेजको समस्या पनि रहेकाले समाधानमा संयन्त्रले सघाउ पु¥याउने महासचिव रानाभाटले बताए । अन्तत्र्रिmयामा लुम्विनी प्रदेशका कृषिमन्त्री भण्डारीलाल अहिर, निवर्तमान मन्त्री एवं प्रदेश सांसद कृष्णा केसी नमुनाले प्रदेशबाट हुन सक्ने सबै सहयोग गर्न तयार रहेकोले तत्काल विद्युतको समस्या समाधान गर्न जोड दिए ।

नेपालगञ्ज उपमहानगरपालिकाका उपमेयर कमरुद्धिन राई, बाँकेका प्रमुख जिल्ला अधिकारी खगेन्द्र प्रसाद रिजाल, नेकपा एमाले बाँकेका अध्यक्ष निरक गुरुङ, नेपालगञ्ज उद्योग वाणिज्य संघका केन्द्रीय सदस्य अब्दुल वाहिद मन्सुरी, निवर्तमान केन्द्रीय सदस्य कृष्ण प्रसाद श्रेष्ठ, संघका पूर्व अध्यक्ष नन्दलाल वैश्यलगायतले ४३ डिग्रीको तापक्रममा विद्युत अनियमित हुँदा नेपालगञ्जवासीले ठूलो समस्या भोग्नु परिरहेको बताउँदै काट्नै पर्ने भए मात्रै विद्युत काट्न र अन्य अवस्थामा विद्युत सुचारु गर्न आग्रह गरे ।

विद्युत कार्यालय नेपालगञ्जका प्रमुख जगन्नाथ लामिछानेले नेपालगञ्जमा विद्युत आपूर्ति कम तर विद्युत खपत प्रत्येक बर्ष बढ्दै गएकाले समस्या आएको बताए । टनकपुर हुँदै सुदुरपश्चिमबाट नेपालगञ्ज सम्म आई पुग्दा लो भेल्टेजका कारणले विद्युत अनियमित भइरहेको बताउँदै प्रमुख लामिछानेले तार छिन्ने र पड्किने क्रम पनि बढेको जानकारी दिए । उनले विद्युत अनियमित हुन नदिन आफूले सक्दो काम गरिरहेको बताए ।