खोज

बुटवल, १४ जेठ । रुपन्देहीमा बढ्दो सडक दुर्घटना न्युनिकरणसंगै समुदायमा हेपाटाईटिस ‘बि’ बारे सचेतना जगाउने उदेश्यका साथ एक दिने अभिमुखिकरण तथा स्वास्थ्य शिविर सम्पनन भएको छ । सामाजिक क्षेत्रमा अग्रसर रोट्रयाक्ट क्लव अफ सेन्ट्रल बुटवलको आयोजनामा नेशनल मल्टीस्पेसिलीटी क्लिनिक, ग्रिन सिटी भेहिकल तथा जिल्ला ट्राफिक कार्यालय बुटवलको सहयोगमा वृहत ट्राफिक सचेतना तथा हेपाटाईटिस ‘बि’ परिक्षण कार्यक्रम सम्पन्न भएको हो ।

कार्यक्रमको राजमार्ग सुरक्षा तथा ट्राफिक ब्यवस्थापन कार्यालय बुटवलका प्रमुख प्रहरी नायव उपरीक्षक होम बहादुर थापाले उद्घाटन गर्दै सवारी दुर्घटना न्युनिकरण सबै नागरिको जिम्मेवारी भएको बताए । सेवामुलक क्षेत्रलाई रहेका नागरिक वर्गलाई सहभागी बनाएर उत्कृष्ट काम गर्न सफल भएको भन्दै यस्ता कार्यक्रमलाई निरन्तरता दिनुपर्ने सुझाव दिए ।
कार्यक्रममा तिलोत्तमा नगरपालिकाका वडा नं ३ का वडाअध्यक्ष कल्याण पौडेलले समुदायमा सचेतना जगाउने काममा स्थानिय सरकार सधै हातोमालो गर्न तयार रहेको बताए ।

नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलका प्रहरी निरिक्षक शोभा पाण्डेको सडक दुर्घटना, यसका कारण र समाधानका उपायबारे प्रशिक्षण दिदै सामान्य कुराहरुमा ध्यान दिन सके ठुलो क्षतिबाट बच्न सकिने बताईन ।

क्लव अध्यक्ष ज्ञान प्रसाद बस्यालले सामाजिक उत्तरदायित्वमा युवाहरुको भुमिका महत्वपूर्ण हुने भन्दै यस क्षेत्रमा बढ्दो सवारी दुर्घटनालाई न्युनिकरण र मानव स्वास्थ्यको विषयमा संस्थागत रुपमा आफुहरुले अभियान चलाउदै आएको बताए । समुदायमा स्वास्थ्य परिक्षण, महिला चालक सम्मानसहित सडक दुर्घटना न्युनिकरणका अभियान आजको आवश्यकता महसुस गरि कार्यक्रम गरिएको उनले बताए ।
कार्यक्रममा १५० जना बढिको हेपाटाइटिस बि को जाँच गरिएकोमा एक जनामा पोजिटिभ देखिएको कार्यक्रम संयोजक अर्जुन भण्डारीले बताए । कार्यक्रममा महिला ई—रिक्सा चालकहरुलाई सम्मान समेत गरिएको क्लवका सचिव चन्द्र के.सीले बताए ।