खोज

बर्दघाट, १३ जेठ । पर्वत जिल्लामा जन्म भई पश्चिम नवलपरासीमा बसोबास गर्दै आएका पर्वतेलीहरुको साझा संस्था पर्वत–नवलपरासी सम्पर्क समाजको प्रथम अधिवेसनबाट नयाँ नेतृत्व चयन भएको छ । समाजको बर्दघाटमा सम्पन्न प्रथम अधिवेशनले भरत बहादुर पौडेल क्षेत्रीको अध्यक्षतामा १३ सदस्यीय कार्यसमिति सर्वसम्मत निर्वाचित गरेको हो ।

समितिको उपाध्यक्षमा ताराबहादुर पाण्डे, महासचिवमा मोहन सापकोटा, कोषाध्यक्षमा लक्ष्मी अधिकारी, सचिवमा पदम बहादुर क्षेत्री निर्वाचित भएका छन् । यसैगरि सदस्यहरुमा युवराज भुसाल, गीता पुरी, यमप्रसाद गुरुङ, दुर्गा कुमारी न्यौपाने, बिमला न्यौपाने, कृष्ण कुमारी तिवारी,कृष्णप्रसाद भुसाल, शिवकुमारी भट्टराई रहेको निर्वाचन समितिका संयोजक एवं वरिष्ठ अधिवक्ता सुदर्शन पन्तले जानकारी दिए ।

बर्दघाट नगरपालिकाका सामाजिक विकास समिति संयोजक एवं वडा नं.१६ का वडा अध्यक्ष भीमकाजी गुरुङले अधिवेसनको उद्घाटन गर्दै सम्पर्क समाजले सास्कृतिक र सामाजिक विकासमा पुलको काम गर्ने बताए । पर्वतका रहनसहजलाई तराईमा पस्केर संस्कृति पहिचान र जर्गेना गरि नया पुस्तामा पुस्तान्तरण गर्न सफल भएको उनले बताए । नवलपरासीलाई कर्मथलो बनाएका पर्वतेलीहरु संस्थागत हुनु राम्रो पक्ष रहेको भन्दै समाजलाई सबैको साझा संस्थाको रुपमा अघि बढाउन आग्रह गरे । उनले नवलपरासीमा बस्दै आएका सबै पर्वतेलीहरुलाई एकिकृत गर्दै एक अर्काको सुख दुःखमा सहभागि हुँदै उदाहरणीय कार्य गर्न पनि जोड दिए ।

समाजका संस्थापक अध्यक्ष टेकबहादुर आरसीले उदेश्य अनुसार संस्थालाई अघि बढाउन आफुहरु सफल भएको बताए । नवनिर्वाचित अध्यक्ष क्षेत्रीले पर्वत जिल्लामा जन्म भई विभिन्न पेशा, व्यावसाय तथा अध्ययनको शिलशिलामा नवलपरासी जिल्लामा बस्दै आएका सबै पर्वतेलीहरुलाई संगठीत गर्दै उनीहरुको हकहित एवं सामाजिक कार्यमा अग्रसर हुँदै अघि बढ्ने प्रतिबद्धता व्यक्त गरे । कार्यक्रममा समाजका संस्थापक सदस्यहरुलाई सम्मान गरिएको थियो । उक्त अवसरमा संस्थापक सदस्य सोवित पुन, पत्रकार रामु भुसाल लगायतले शुभकामना व्यक्त गरेका थिए ।