खोज

बुटवल, ३ बैशाख । बुटवलमा सम्पन्न हाफ म्याराथनको उपाधि नेपाली सेनाका राजन रोकायाले चुमेको छन । ३१ औं मदन भण्डारी स्मृती दिवसको अवसर पारेर आयोजित दोस्रो मदन भण्डारी कप खुल्ला हाफ म्याराथन तथा रोड रेस प्रतियोगिताको रोकायले १ घण्टा ०९ मिनेट २४ सेकेण्डमा दुरी पार गर्दै उपाधि हात पारेका हुन । उपाधिसंगै रोकायले नगद १ लाख रुपैया, कप, मेडल, प्रमाणपत्रबाट पुरस्कृत भए । नेपाली सेनाकै नरेन्द्र सिह रावतले १ घण्टा १० मिनेट १४ सेकेण्डमा दुरी पार गरेर उपविजेता बन्दै नगद ७५ हजार, कप, मेडल, प्रमाणपत्रबाट पुरस्कृत भए । नेपाली सेनाकै रामजी बस्नेत १ घण्टा १० मिनेट ३० सेकेण्डमा दुरी पार गरेर तृतिय हुदै नगद ५० हजार, जुम्लाका दुर्गा बहादुर बुढा १ घण्टा १० मिनेट ४४ सेकेण्डमा दुरी पार गरेर चौथौ हुदै ३० हजार रुपैयाबाट पुरस्कृत भए । नेपाली सेनाका श्रीकस राई पाचौ स्थान हासिल गर्दै नगद २० हजार, एपीएफका किरण सिह बोगटी छैटौ बन्दै नगद १० हजार रुपैयाबाट पुरस्कृत भए ।

यसैगरि कलेजस्तरीय १० किलोमिटर छात्र दौडमा सप्तरीका अजित कुमार यादवले ३२ मिनेट २३।०२ सेकेण्ड मा दुरी पार गर्दै उपाधि हात पारे । उपाधिसंगै उनले ३५ हजार रुपैया, कप, मेडलबाट पुरस्कृत भए । नेपाली प्रहरीका जगेन्द्र अहिरले ३२ मिनेट २३।०८ सेकेण्डमा दुरी पार गर्दै दोस्रो स्थान हासिल गरेर नगद २५ हजार रुपैया, बझाङका करण रावलले ३२ मिनेट ४८।२० सेकेण्डमा दुरी पार गरेर तृतिय हुदै नगद १५ हजार रुपैयाबाट पुरस्कृत भए । अछामका कमल राज तिमिल्सिना चौथो हुदै नगद १० हजार, कास्कीका दिनेश बोगटी पाचौ हुदै नगद ७ हजार तथा मिङमार तामाङ छैटौ हुदै नगद ५ हजार रुपैयाबाट पुरस्कार भए ।

यसैगरि १० किलोमिटर महिला खुलाको उपाधि एपिएफका पुष्पा भण्डारीले हात पारेकी छिन । उनले ३८ मिनेट १०।०७ सेकेण्डमा दुरी पार गर्दै उपाधिसंगै नगद ३५ हजार रुपैया, कप, मेडलबाट पुरस्कृत भए । एपीएफकी आज्ञा रावतले ३८ मिनेट ३२।०७ सेकेण्डमा दुरी पार गरेर दोस्रो बन्दै नगद २५ हजार रुपैया, नेपाली सेनाकी सिर्जना पाण्डे ३९ मिनेट ३१।२० सेकेण्डमा दुरी पार गरेर तृतिय हुदै नगद १५ हजार रुपैयाबाट पुरस्कृत भईन ।
नेपाली सेनाकी सुमित्रा चौधरी चौथो हुदै नगद १० हजार, मनिका कुमाल पाचौ हुदै नगद ७ हजार तथा अनिसा चौधरी छैटौ हुदै नगद ५ हजार रुपैयाबाट पुरस्कार भईन ।

यसैगरि विद्यालय छात्रमा जनज्योती माबि सुर्खेतका अजय बिक प्रथम हुदै नगद २० हजार रुपैया, कप, मेडलबाट पुरस्कृत भए । सयपत्री माबि कंचनपुरका बिक्रम कार्की दोस्रो हुदै नगद १५ हजार, भैरव माबि जुम्लाका शेर बहादुर अधिकारी तृतिय हुदै नगद १२ हजार, हसनापुर माबि रुपन्देहीका उमेश बरही चौथो बन्दै नगद १० हजार, जनज्योती माबि सुर्खेतका बिकास बिक पाचौ स्थान हासिल गर्दै नगद ७ हजार र बालविकास माबि तनहुका अमृत बिक छैटौ स्थान हासिल गर्दै नगद ५ हजार रुपैयाबाट पुरस्कृत भए ।

छात्रा ३ किलोमिटर दौडमा सुर्खेतकी बिमला कार्की प्रथम हुदै नगद १५ हजार, कप, मेडलबाट पुरस्कृत भईन । यसैगरि काठमाण्डौकी आइसमा आचार्य दोस्रो हुदै नगद १० हजार, सुर्खेतका लक्ष्मी शाही तृतिय हुदै नगद ७ हजार, रुपन्देहीकी कुसुम ठगुन्ना चौथो हुदै ५ हजार, सल्यानकी समिक्षा शाही पाचौ स्थान हासिल गर्दै नगद ३ हजार रुपैयाबाट पुरस्कृत भए ।

एक समारोहका बिच प्रतिनिधि सभा सदस्य पुर्ब मन्त्री छबिलाल बिश्वकर्मा, प्रदेश खेलकुद परिषद लुम्बिनीका सदस्य सचिव जयप्रकाश भट्टराई, बुटवल उपमहानगरपालिकाका उपप्रमुख साबित्री देवी अर्याल, तिलोत्तमा नगरपालिकाका नगरप्रमुख रामकृष्ण खाड, ओलम्पियन बैकुण्ठ मानन्धर, एकेडेमीका अध्यक्ष ध्रुव आचार्य, प्रतियोगिता संयोजक तथा एकेडेमीका एथ्लेटिक्स विभाग प्रमुख मोहन बहादुर घले, एकेडेमीका सदस्य सचिव बिनोद आचार्यले पुुरस्कार वितरण गरेका छन ।