खोज

बुटवल, २ जेठ । क्रिमशन अस्पताललाई रुपन्देही जिल्लाकै शिक्षण अस्पतालको रुपमा विकास गर्ने लक्ष्यसहित अघि बढेको अस्पताल ब्यवस्थापन समितिको दाबी गरेका छन । क्रिमशन कलेज अफ टेक्नोलोजीको नाममा २४ वर्षअघि कलेज स्थापना भएको अस्पताल भविष्यमा मेडिकल कलेज बनाउने लक्ष्य रहेको कलेजका प्राचार्य देवि प्रसाद भण्डारीले बताए । ‘हामीले मेडिकल बेस बनाउन सफल भएका छौ ।’— उनले भने । पूर्वाधारसहितको अत्याधुनिक र सुविधासम्पन्न हुदा पनि मेडिकल कलेजको लागि सक्षम रहेको उनले बताए । शुरुवातमा आईटी क्षेत्रमा अध्यापन गराउदै सन २००२ मा बिसिए आईटी, हेल्थ साईन्स हुँदै अस्पतालको अवधारणा अघि बढाएको उनले बताए । हाल हाल बि फार्मेसी, बिएस्सी एमएचडी, बिएस्सी नर्सीङ र एसआईटि अध्यापन हुदै आएको छ । बिस २०६८ सालमा निजि क्षेत्रको लगानीमा सेवा शुभारम्भ गरेर अस्पताल आम नागरिकको स्वस्थ्यको पहुचलाई जोड दिदै आएको छ । नेपालका आठ वटा नर्सिङ कलेजहरु बन्द भएको गुनासो गर्दै यो अवस्थालाई चिर्दै चिकित्सक शिक्षा आयोगको भर्खरमात्र सय बेड अस्पताल संचालन भएमा स्वीकृत दिने निर्णय सकारात्मक भएको उनले बताए । बिएनएस, एम फार्मा अध्यापन गराउने लक्ष्य रहेको उनले बताए ।

स्वास्थ्य क्षेत्रको योगदान दिदै आएका अस्पतालले १३ औ वार्षिकोत्सवको अवसरमा बुधबार पत्रकार सम्मेलन गरि अस्पतालका अध्यक्ष दुर्गा पाण्डेले निक्कै चुनौतीहरु पार गर्दै २३ वर्ष पुरा गरेको बताए । शुरुवातमा आईटिको हबका रुपमा विकास गर्ने सोच अगाडि लिएको टिम अहिले स्वास्थ्य क्षेत्रमै नमुना सेवा दिन सफल भएको उनले दाबी गरे । नेपाल सरकारबाट एमडीको २ सय र डिएमको ५ सय रुपैया न्युनतम शुल्क तोकिएको भएपनि आफुहरु त्यो भन्दा सस्तोमा सेवा दिदै आएको उनले दाबी गरे । हाल २२ जना कन्सल्टेन्ट चिकित्सकहरु, २४ जना जनरल चिकित्सक तथा २२९ जना स्टाफ नर्सहरुबाट सेवा दिदै आएको उनले बताए । निकट भविष्यमा क्यान्सर उपचार अघि बढाउने लक्ष्य रहेको उनले बताए । आमा सुरक्षा कार्यक्रम लागू भएसंगै आईबिएफ सेवा अघि बढाउने उनले बताए । शिक्षण अस्पतालको बनाउने लक्ष्य कोभिड र आर्थिक अवस्थाका कारण केही कठिनाई उत्पन्न भएको उनले बताए ।

कार्यक्रममा अस्पतालका निर्देशक डा शेखर प्रसाद पोखरेलले अन्य अस्पतालभन्दा सुविधासम्पन्न ५० सैयाको बेडसहित पुर्वाधारको अस्पतालका रुपमा फरक ढंगबाट संचालन भएको बताए । बिरामीहरुको सुविधा हुने गरि थप ५० सैया थप अहिले एक सय बेडमा रहेको उनले बताए । अस्पतालमा अत्याधुनिक न्युरो सेवा संचालनमा रहेको उनले बताए । अस्पतालमा नया सेवाका रुपमा ब्रोन्कोस्कोपी, एमआर सेवा सेवा संचालनको तयारीमा रहेको उनले बताए । अस्पतालमा ओपिडितर्फ ६६ हजार जना र ओटीतर्फ २४८० जनालाई सेवा दिन सफल भएको उनले बताए । अस्पतालमा यसै वर्षदेखी सामाजिक सुरक्षा कार्यक्रम लागू भएको उनले बताए । अस्पतालमा निशुल्क डायलोसिस सेवा, एन्जिओ प्लास्टिक र एन्जिओग्राफीमा सरकारबाट दिईने १ लाख रुपैया बराबर छुटको ब्यवस्था रहेको छ । अस्पतालमा ३५० जना कर्मचारीहरु र कलेजमा ७० जना गरि ९५ प्रतिशत स्थानियले रोजगार पाएका छन । अस्पतालबाट एमडी, डिएम गरेका चिकित्सकहरुबाट एक सय रुपैयामा ओपिडी सेवा दिदै आएको छ । यसै गरि अस्पतालको स्थापना दिवसको अवसर पारेर ओपिडि निशुल्क र ल्याबमा ५० प्रतिशत छुटको ब्यवस्था गरिएको उनले बताए ।
अस्पतालका जनसम्पर्क अधिकृत चन्द्रकान्त बश्यालले वार्षिकोत्सवको अवसरमा पत्रकार सम्मेलन, रक्तदान कार्यक्रम तथा निशुल्क परिक्षण तथा परिक्षणमा छुट लगायतका कार्यक्रमहरु गरेर मनाउन लागेको बताए ।