खोज

तिलोत्तमा, २ जेठ ।

वडास्तरीय महिला सञ्जाल तिलोत्तमा–३ को आयोजनामा ७ दिने उदघोषण तालिम बुधबार समापन भएको छ । तिलोत्तमा नगरपालिका वडा नम्बर ३ को आर्थिक सहयोगमा भएको तालिममा विभिन्न टोल विकास संस्थामा आवद्ध महिलाहरु सहसभागी थिए ।

तालिम समापनका अवसरमा बोल्दै तिलोत्तमा–३ का वडाअध्यक्ष कल्याण पौडेलले उदघोषण तालिमले महिलाहरुले व्यक्तित्व र नेतृत्व विकासमा समेत योगदान पुग्ने भन्दै तालिममा सिकेका कुरालाई व्यवहारमा उपयोगमा ल्याउन आग्रह गरे ।

उदघोषण तालिम महिलाहरुको क्षमता विकासका लागि उपयोगी भएको वडास्तरीय महिला सञ्जालकी अध्यक्ष इन्द्रा जिसीले बताइन् ।

कार्यक्रममा टोलविकासको तर्फबाट शुभ बिहानी टोल विकासका अध्यक्ष रामप्रसाद पौडेल र गौतम बुद्ध टोल विकास संस्थाका अध्यक्ष राजु पौडेल, प्रशिक्षार्थीको तर्फबाट रत्ना पौडेल, भगवती अर्याल, शारदा पाठक, शारदा सापकोटा, प्रतिभा ज्ञवाली लगायतले मन्तव्य व्यक्त गरेका थिए ।

त्यस्तै संजालकी उपाध्यक्ष पार्वती पौडेल, सचिव गीता पौडेलले पनि आफ्नो धारणा राखेकी थिइन् । कार्यक्रमका अवसरमा सरिता बस्यालले स्वागत गीत प्रस्तुत गरेकी थिइन् । तालिममा संचारक्रमी खेमराज रेग्मीले सहजीकरण गरेका थिए ।

समापन कार्यक्रममा वडा नम्बर ३ का वडा सदस्य नारायण बहादुर क्षेत्री, त्यसैगरी १२ वटा टोल विकास संस्थाका पदाधिकारीहरु सहभागी थिए ।