खोज

बुटवल, २ जेठ । बुटवलमा जारी उजिरसिह वडा कप २०८१ मा वडा नं ३ र १ विजयी भएका छन । बुटवल उपमहानगरपालिकाको आर्थिक सहयोगमा बुटवल क्रिकेट विकास समितिको आयोजनामा जारी प्रतियोगिता अन्तरगत मंगलबार भएको खेलमा वडा नं ३ ले वडा नं ८ लाई १५४ रन तथा वडा नं. १ ले वडा नं. १७ माथि २ रनको जित निकालेको हो ।

नहरपुर माबि स्थित मैदानमा भएको पहिलो खेलमा टस जितेर वडा नं ३ ले निर्धारित १६ ओभरमा ९ बिकेटको नोक्सानीमा सानदार २०१ रनको लक्ष्य खडा गरेको थियो । उसका लागि सुरज सारुले ३५ बलमा १०९ रनको शतकिय पारी खेले । यसैगरी युवराज सुवेदीले १९ बलमा २४ तथा रभिन क्षेत्रीले १४ बलमा २३ रन जोडे । वडा नं ८ का रोजन रेग्मी र इशान गौतमले ३—३ बिकेट लिए । विशाल लक्ष्य पछ्याएको वडा नं ८ भने ६.२ ओभरमा केवल ४७ रनमा समेटियो । वडा नं ८ का बिशाल शाहले १३ बलमा ३३ रनबाहेक अन्य ब्याट्सम्यानले दोहोरो रन जोड्न सकेनन । वडा नं ३ का युवराज सुवेदीले शानदार ६ बिकेट लिए । खेलमा वडा नं ३ का सुरज सारु प्लेयर अफ दी म्याचबाट पुरस्कृत भए ।

यसैगरि दोस्रो खेलमा टस जितेर वडा नं. १७ ले वडा नं. १ लाई ब्याटिङको निम्तो दिएपछि निर्धारित १६ ओभरमा ९८ रनको लक्ष्य खडा गरेको थियो । उसका लागि आर्दश बरुणले १४ बलमा १२, अशोक थापाले २६ बलमा ४६ तथा अजादले १० बलमा १९ रन जोडे । वडा नं. १७ का युवराजले ५, केशवले ३ तथा कुशल २ बिकेट लिए । वडा नं. १७ भने ९७ रनमा समेटियो । वडा नं. १७ का सगुनले ८ बलमा १७, केशवले ११ बलमा १८ र धानवाहले ८ बलमा १६ रन जोडे । कम स्कोरमा रोक्न वडा नं. १ का आशिफले ५, अजयले ३ तथा आरिफले १ बिकेट लिए । खेलमा वडा नं. १ का आरिफ प्लेयर अफ दी म्याचबाट पुरस्कृत भए । बुधबार वडा नं. १८ र १० तथा वडा नं. ११ र १५ बिचमा खेल हुने बुटवल क्रिकेट विकास समितिका अध्यक्ष रोमित बज्राचार्यले बताए ।