खोज

लमही, ३० बैशाख । व्यस्त जीवनशैली, बिलासी चाहानाका कारण पछिल्लो समयमा मानिसहरूमा मोटोपन बढ्न थालेको छ । बृद्धदेखि बालबालिकाहरूमा यो समस्या हुन थालेको छ । मोटोपनसँगै मानिसहरूमा दीर्घ रोग समेत बढेको पाइन्छ । अब लमहीमा भने यसको समस्या हल गर्न खुल्ला शारिरिक ब्यामशला निर्माण भइ संचालनमा आएको छ । लमही बजारसगै सटेको अजमरी सामुदायिक वनको जैविक पार्कसगै सटेको करिब ५ बिगाह क्षेत्रफलमा ब्यामशला निर्माण सम्पन्न भए लगत्तै बृद्धदेखि बालबालिकामा ब्यायामशालाको क्रेज बढेको छ । लमही निवासी ७० बर्षिय माया बस्नेत बिहान ५ बजेदेखि आधा घण्टा ब्यायाम गर्ने गरेको बताइन् । उनी एक महिनादेखि नियमित ब्यायाम गर्दा मदुमय र प्रेसर समेत नर्मल भएको बताइन् । उनीजस्तै अधिकांश ब्यायाम गर्नेहरू केहि न केही समस्या तनावमा रहेको भएपनि ब्यामवाट समाधान भएको बताउछन ।

जैबिक पार्क भित्र खुल्ला जिम सेन्टर शुभारम्भ गरिएको छ । विभिन्न पेसामा आबद्ध भएकाहरु अन्य ब्यायाम गर्ने समय नहुनेहरूका लागि सो ब्यामशाला बरदान साबित भएको राजनीतिककर्मी डिल कुमार श्रेष्ठले बताए । सो ब्यायामशाला १ महिना अगाडिदेखि प्रयोगमा आए पनि शनिवार लमहीका नगर प्रमुख जोगताज चौधरीले औपचारिक उद्घाटन गरेका छन । नगरप्रमुख चौधरीले ब्यायामशालाको उद्घाटन गर्दै शारीरिक रूपमा स्वस्थ्य रहेमात्र मानसिक स्वस्थ्य हुने तर्क दिँदै जीवनशैली सुधार्न समेत ब्यायामशाला उपयोगी हुने बताए ।

समाजमा विभिन्न उमेर समूहका ब्यक्तिहरूलाई स्वस्थ रहनमात्र नभई ब्यवसायिक खेलाडी उत्पादनमा समेत ब्यायामशालाको योगदान रहँदै आएको उनले बताए । सथै चौधरीले लमही बजारमा ठूलो जनघनत्व भएको क्षेत्रमा भएकोले हाल जिमखानाका भएका सामग्री प्राप्त नहुने बताउँदै बढाउन नगरपालिकाले थप बजेट ब्यबस्थापन गर्ने बताए । त्यसैगरि लमही नगरपालिकाका उपमेयर लक्ष्मी योगीले सबै उमेर समूहलाई स्वस्थ राख्न ब्यायामको महŒव हुने भन्दै ब्यायामशाला शुभारम्भ गरेकोमा सामुदायिक वनका पदाधिकारीहरूको प्रशंसा व्यक्त गरिन । करिब ३४ लाख ८८ हजार ५ सय ५३ रूपैयाँ लागतमा संचालनमा ब्यायामशाला शुभारम्म गरिएको सामुदायिक वनका अध्यक्ष पवन रिजालले बताए ।

जसमा शहरी शासकीय पूर्वाधार आयोजनावाट रु. १० लाख, लमही नगरपालिकाको आन्तरिक स्रोतबाट रु. २३ लाख ८ हजर ७ सय ३ र सामुदायिक वनको २ लाख २५ हजारको लागतमा सो ब्यायामशाला निर्माण भएको अजमरी सामुदायिक वनका अध्यक्ष रिजालले बताए । जस मध्ये २० लाखको जिमका सामाग्री मात्र रहेका छन । रोग लाग्न भन्दा अघि नै सचेत हुन जरुरी रहेको भन्दै ब्यायामशाला संचालनमा ल्याएको रिजाल बताउँछन् । उनले फिटनेश समाजलाई सुन्दर बनाउन निःशुल्क ब्यायामशालाको ब्यबस्था गरेको बताए ।कार्यक्रममा मानव जिवन स्वस्थ राख्नु सबैभन्दा चुनौती देखिएको भन्दै स्वस्थ रहन नियमित ब्यायाम जरुरी रहेको उक्त ब्यायामशालाले पूरा गर्ने ब्यायाममा सहभागीहरूले बताए ।