खोज

बुटवल, २८ बैशाख । शारिरिक ब्यायाम र सुगठनका खेलाडीहरुलाई लक्षित गरि मणिग्राममा जिम सेन्टर शुभारम्भ गरिएको छ । लामोसमयदेखी शारीरिक सुगठनमा लागेका युवा बिबेक पाण्डेले मणिग्राम ४ नम्बरमा द वेलनेस जिमको शुभारम्भ गरेका छन । लुम्बिनी ईन्जिनियरिङ कलेजबाट पढाई सकेर पाण्डे अहिले ईन्जिनियरिङ पेशमा समेत आवद्ध छन ।

कार्यक्रमको तिलोत्तमा नगरपालिकाका नगरप्रमुख रामकृष्ण खाडले उद्घाटन गर्दै शारिरिक रुपमा स्वस्थ्य रहेमात्र मानसिक स्वस्थ्य हु्ने तर्क दिदै जिवनशैली सुधार्न समेत ब्यायामशाला उपयोगी हुने बताए । समाजमा विभिन्न उमेर समुहका ब्यक्तिहरुलाई स्वस्थ्य रहनमात्र नभई ब्यवसायिक खेलाडी उत्पादनमा समेत नीजि ब्यायामशालाको योगदान रहदै आएको उनले बताए ।

कार्यक्रममा ब्यायामशालाका संरक्षक मुक्ति प्रसाद पाण्डेले सबै उमेर समुहलाई स्वस्थ्य राख्न ब्यायामको महत्व हुने भन्दै ब्यायामशाला शुभारम्भ गरेको बताए । नाम अनुसार नै प्रतिष्ठित कम्पनीका सामग्रीहरु राखिएको उनले बताए । करीब ७० लाख रुपैया लागतमा संचालनमा ब्यायामशाला शुभारम्म गरिएको उनले बताए । रोग लाग्न भन्दा अघि नै सचेत हुन जरुरी रहेको भन्दै ब्यायामशाला खेलाडी उत्पादनमा समेत सहयोग मिल्ने बताए ।

कार्यक्रममा रुपन्देही जिल्ला प्रशासन कार्यालयका प्रजिअ गणेश अर्यालले फिटनेश समाजलाई सुन्दर बनाउने पेशाका रुपमा रहेको बताए । यो आनीबानी र रुचिको विषयका रुपमा ब्यायामशालालाई जोड्ने गरि अभियान चलाउन जरुरी रहेको उनले बताए ।

कार्यक्रममा देवदह भुलुहीस्थित कामधेनु गौशालाका संरक्षक गोब्रती महाराज सोमराजले मानव जिवन स्वास्थ्य राख्नु सबैभन्दा चुनौती देखिएको भन्दै स्वस्थ्य रहन नियमित ब्यायाम जरुरी रहेको बताए । आहारबिहारकै कारण मानिसहरुमा मोटोपना लगायतका समस्या र यसबाट सबै रोगहरु उत्पन्न भैरहेको उनले बताए ।

कार्यक्रममा नवलपरासी जिल्लाका अदालतका न्यायाधिश ईश्वरी भण्डारी, नेता दधिराम न्यौपाने, निर्मला शर्मा, पुर्वनगरप्रमुख हिरा क्षेत्री, नेका नगरसभापति हरिलाल पाण्डे, राममणी क्याम्म्पसका क्याम्पस प्रमुख तारा पराजुली, पुर्व क्याम्पस प्रमुख मोहनराज शर्मा, तिलोत्तमा चेम्बर अफ कमर्शका अध्यक्ष नेत्र प्रसाद बेल्बासे, साहित्यकार मुरारी पराजुलीले ब्यायामको महत्वबारे प्रकाश पारेका थिए ।