खोज

बुटवल, २७ बैशाख । रुपन्देही ईभेन्ट्स ब्यवसायी संघले सामाजिक उत्तरदायित्व अन्तरगत विविध कार्यक्रम अघि बढाएको छ । टेन्ट, लाईट, साउण्ड तथा डेकोरेशन ब्यवसायीहरुलाई संगठित गरि ब्यवसायिक हकहित र सामाजिक उत्तरदायित्व अन्तरगत विहिबार भित्तेपात्रो विमोचन तथा शुभकामना आदानप्रदान कार्यक्रम गरेको छ । कार्यक्रमको रुपन्देही जिल्ला प्रहरी कार्यालयका प्रहरी प्रमुख प्रहरी उपरिक्षक रंजितसिह राठौटले उद्घाटन गर्दै ब्यवसायिक रुपमा एकतावद्घ गरि अघि बढ्नु सकारात्मक भएको बताए । स्वदेशमा नै राम्रो ब्यवस्थापन गर्ने र स्वदेशमा नै युवाहरुलाई स्वरोजगारका अवसर सृजना भएको भन्दै सुरक्षाको विषयमा सधै साथ दिने प्रतिवद्घता जनाए ।

संघका अध्यक्ष रबि कुमार जयसवालले ब्यवसायिक हकहितसंगै सामाजिक उत्तरदायित्व अन्तरगत विविध रचनात्मक कार्यक्रमहरु गर्दै आएको बताए । सिजनल र सेवामुलक ब्यवसायका रुपमा रहेको ईभेन्ट्स पेशालाई ब्यवस्थित गर्दै अघि बढ्न योजनाका साथ संस्थागत पहल अघि बढाएको उपाध्यक्ष मोहम्मद ईसरातले बताए । मुल्यमा एकरुपता ल्याउने देखि सुरक्षाको विषयमा गम्भीर भएर लागेको उनले बताए ।

कार्यक्रममा सिद्धार्थनगर नगरपालिका वडा नं ५ का पुरन प्रसाद श्रेष्ठ, संघका सल्लाहकार चन्दमोहन पटवा, सल्लाहकार रहिस अहमद, सल्लाहकार सुनिल हलुवाई, क्यालेन्डर बिमोचन संयोजक दुर्गेश गुप्ता, संघका सचिव किरण कुमार श्रेष्ठले अव्यवस्थित ब्यवसायीहरुलाई एकतावद्घ गर्न सफल भएको बताए ।

रुपन्देही जिल्लाका ५१ जना ब्यवसायीहरु संघमा आवद्ध रहेका छन । करीब २ सय ब्यवसायीहरु रहेका छन । टेन्ट, लाईट, साउण्ड तथा डेकोरेशन ब्यवसायीहरुको भेलाबाट ६ महिना अघि तदर्थ समिति गठन भएको थियो ।