खोज

दाङ, २२ बैशाख ।

प्रदेशका आवधिक योजनामा महिला सभासदहरुलाई खवर नगर्ने गरेको एक कार्यक्रममा महिला सभासदले बताएका छन् ।

सञ्चारिका समुह लुम्बिनी प्रदेशको आयोजना र युएनडिपीको सहकार्यमा शुक्रबार दाङको भालुवाङमा भएको लुम्बिनी प्रदेशको दोस्रो पन्चवर्षीय योजनामा लैङ्गिक समानता र सामाजिक समाबेशीकरणका सवालमा लुम्बिनी प्रदेश सभाका सदस्यहरु बिच अन्तक्र्रिया कार्यक्रममा सहभागी भएका महिला सभासदले बजेटको योजना तर्जुमा गर्दा कुनैपनि समितिमा नबोलाउने गरेको बताए ।

प्रदेश मामिला समिति सभापति दिलकुमारी बुढाले दलित महिलाको लागि कसरी बजेट बिनियोजन र योजना तर्जुमा हुन्छन् भन्ने बारेमा जानकारी नहुने बताइन् । लेखा समिति सभापति माया पुनले सरकारमा भएका नभएका सबै दलका महिलालाई हरेक कुरामा पछाडी पारिएको बताइन् । उनले महिला सभासदले आफ्नो भूमिका खोज्नुपर्ने बताइन् ।

प्रदेश मामिला कानुन समितिका पूर्व सभापति दामा शर्माले कानुन निर्माणका कुरामा गम्भीर हुन आग्रह गरिन् । एकताबद्ध भएर अगाडि बढ्न र सबै महिला सभासदले एउटै बोली लिएर जानुपर्ने बताइन् । पूर्व कृषि मन्त्री आरती पौडेलले उत्पादन, प्रविधिको प्रयोगमा सहकारीले राम्रो काम गरेको स्मरण गरिन् ।

आफ्नो कार्यकालमा महिलालाई धेरै भन्दा धेरै कृषिमा सहभागिता गराउन सफल भएको बताइन् । महिला सभासद योजना तर्जुमाका कार्यक्रममा चनाखो हुनुपर्ने बताइन् । पूर्व स्वास्थ्य मन्त्री एवम् वर्तमान सभासद इन्द्रजित चौधरीले आफू स्वास्थ्य मन्त्री भएका समयमा थुप्रै महिलामैत्री कार्यक्रम गरेको बताए ।

ग्रामीण स्वास्थ्य सेवा अन्तर्गत हातमा बोक्ने अल्ट्रासाउन्ड मेसिनले गर्भवती र सुत्केरी महिलालाई घरमै पुगेर स्वास्थ्य सेवा दिने कार्यक्रम निरन्तर रहेको बताए । स्वास्थ्य सस्थामा ढिला आउने कारण मातृ मृत्यु दर बढेको बताए । नेपाली काङ्ग्रेसका सचेतक निमा गिरीले पिजन हाउसमा राखिएका योजना सभासदले पढ्छ्न होला भन्ने लागेको बताइन् । कहाँ के छ र कसरी काम हुन्छ भन्नेकुरामा सभासद चनाखो हुनुपर्ने बताइन् ।

बाकेबाट निर्वाचित सभासद मिना श्रेष्ठले आफुलाइ योजना तर्जुमाका काम कही कसैले नबोलाउने गरेको बताइन् । बाँकेकै सभासद सुशिला नेपालीबादीले योजना पेस गर्दा कहाँ कसरी जाने भन्ने विषयमा केही थाहा नभएको बताइन् ।

सीमान्तकृत, दलितका विषयमा योजना पेस गरेको तर कुनै पनि कार्यक्रम पर्न नसकेको बताइन् । कार्यक्रममा बर्दियाबाट प्रतिनिधित्व गर्ने सभासद कृष्णा कुस्मा थारु, पाल्पाका इन्द्रकुमारी गहतराज लगायतले आफ्नो धारणा राखेका थिए ।