खोज

बुटवल, २० वैशाख ।

नेपाल गणतान्त्रिक यातायात व्यवसायी संगठन लुम्बिनी प्रदेशको दोस्रो भेला तथा अधिवेशन बुधवार बुटवलमा सम्पन्न भएको छ ।

उद्घाटन कार्यक्रममा बोल्दै नेकपा माओवादी केन्द्रका केन्द्रीय सदस्य तथा संगठनका ईन्चार्ज टेक बहादुर बस्नेतले लोकतान्त्रिक गणतन्त्र स्थापनाका लागि यातायात व्यवसाय क्षेत्रले महत्वपूर्ण भूमिका खेलेको भएता पनि संघीयता स्थापना भएपछि भने व्यवसायीहरुमा थप कानुनी जटिलताहरु थपिदै गएको बताउँदै त्यस्ता जटिलताहरुको समाधान गर्नका लागि व्यावसायिक संस्थामा आवद्ध भएकाहरुलाई एकतावद्ध र एकढिक्का बनाई संगठितरुपमा सरकार र सरोकारवाला निकायसँग सङ्घर्ष र सहकार्य गर्न आवश्यक रहेको बताए ।

पछिल्लो समय संगठन भित्रका अन्तरविरोधहरुलाई मिलाउँदै अहिले भएका २ महासंगलाई एउटै बनाउने अभियानमा लागेको भन्दै यसका लागि सबै व्यवसायीहरुले हातेमालो गर्नुपर्नेमा जोड दिए । यातायात व्यावसायीहरुले दिने सेवा सुविधालाई परिस्कृत बनाउँदै लैजानु पर्ने बताउँदै भाडादरमा एकरुपता ल्याउन वैज्ञानिक भाडादर निर्धारण गर्नुपर्नेमा जोड दिदै ब्यावसायिक कानुनी झमेलाहरुलाई हटाउँदै अब यातायात व्यवसायी मैत्री कानुन बनाउन सरकारलाई दबाब दिनुपर्ने बताए । समयले सम्झौता नगर्ने भएकाले समयमै हरेक गतिविधि टुङ्गाएर बजारमा सकरात्मक प्रभाव छोड्न र व्यवसायीहरुलाई कामप्रति उर्जा दिन संगठनले पहल गर्नुपर्ने बताए ।

संगठनका केन्द्रीय अध्यक्ष ज्ञानेन्द्र श्रेष्ठले व्यावसायिक हक हितका लागि संगठनको आवश्यकता हुने गरेको भन्दै श्रमजीवी वर्गको उत्थानका लागि सदैव संगठन अग्रस्थानमा रहेको बताए ।

कार्यक्रममा नेकपा माओवादी केन्द्रका रुपन्देही संयोजक नारायण जिसी, डा.डोलनाथ खनाल, खेमनारायण पराजुली, सरोज कुमार खनाल, संस्थाका अध्यक्ष अध्यक्ष जितेन्द्र खत्री, रामलाल खनाल लगायतले बोल्दै व्यासायिक हक हितका काम गर्दा एक्लैको प्रयास सम्भव नहुने हुँदा विचारमा एकता हुँदै संगठनमा आवद्ध भई हरेक व्यवसायीको मुद्दालाई साझा मद्दद्धा बनाई हक अधिकारको लागि आवाज उठाउनु पर्नेमा जोड दिएका थिए ।

नेपाल गणतान्त्रिक यातायात व्यबसायी संगठन लुम्बिनीको अधिवेशनको बन्द सत्रले अध्यक्षमा पुनः जितेन्द्र खत्रीलाई चयन गरेको छ भने १९ सदस्यीय प्रदेश कार्यसमिति निर्माण गरेको छ ।

जसको उपाध्यक्ष चन्द्रमान श्रेष्ठ, रवि प्रसाद कर्माचार्य, सचिव रामलाल खनाल, कोषाध्यक्ष कमल श्रेष्ठ, सदस्यहरुमा भोजराज पन्थी, सुनिल नेपाली, मन बहादुर कामी, केशवराज घिमिरे, विनोद गौतम, दिप प्रकाश गौतम, टंकनाथ बस्याल, शिवशंकर थारु, राम कृष्ण पाण्डे, विष्णु प्रसाद पोख्रेल, सुनिल गौतम, विष्णु अर्याल, सफल बुढा मगर र कन्यौया राज थारु रहेका छन् । साथै १२ जिल्लालाई चलायमान बनाउन जिल्ला संयोजकको जिम्मेवारी समेत दिएको छ ।