खोज

बुटवल, १४ वैशाख ।

भुतुङ्ग–छापचौर तराई सम्पर्क समाजको आयोजनामा शुभकामना आदान प्रदान कार्यक्रम गरिएको छ । तिलोत्तमामा आयोजना गरिएको कार्यक्रममा नयाँ बर्ष २०८१ को शुभकामना आदान प्रदान कार्यक्रम गरिएको हो । कार्यक्रममा समाजका अध्यक्ष सु.मेजर राजकुमार केसीले समाजले विभिन्न रचनात्मक कार्यक्रम गर्नुपर्नेमा जोड दिदै समाजलाई अझ बढी सक्रिय बनाएर लैजानुपर्नेमा जोड दिएका थिए । उनले सामाजिक क्षेत्रमा समेत समाजलाई सक्रिय बनाएर लैजानुपर्नेमा जोड दिदै सबैको साथ र सहयोगबाट सामाजिक क्षेत्रमा समेत काम गर्न सकिने बताएका थिए ।

कार्यक्रममा सल्लाहकार कुल बहादुर केसीले जन्मस्थान देखि कर्म स्थान सम्म जोडिएको कारण समाज जन्मथलोलाई स्मरण गर्नको लागि विभिन्न गतिविधि आवश्यक भएको बताएका थिए ।

यस्तै नेपाल पत्रकार महासंघ रुपन्देहीका उपाध्यक्ष तथा सल्लाहकार विश्वास ढकालले समाज गठनबाट दुख सुखको सारथी बन्न सकिने बताउँदै कर्मथलोसंगै जन्मस्थानको पनि संरक्षण प्रवद्र्धनमा जोड दिनुपर्ने बताएका थिए ।

कार्यक्रममा बरिष्ठ उपाध्यक्ष मन बहादुर थापा, सचिव नाम बहादुर केसी लगायतले आ आफ्नो भनाई राखेका थिए । कार्यक्रममा नयाँ बर्ष २०८१ को बार्षिक भित्ते पात्रो विमोचन गरिएको थियो । भित्तेपात्रो प्रकाशसनका लागि विश्वास ढकालको संयोजकत्वमा सागर केसी र बुद्धिसागर शर्मा सदस्य रहेको उप समिति गठन गरिएको थियो ।