खोज

अर्घाखाँची, ११ बैशाख । अर्घाखाँचीको भूमिकास्थान नगरपालिका–३ रातामाटाकी वसन्ता मल्ल आइतबार दिउँसो खरानी सोहोर्दै थिईन् । शनिबार लागेको आगलागीबाट घरसहित अन्नपात, लत्ताकपडा खरानी बनाएपछि गहभरी आँशु झार्दै भनिन्, “भएको घरबास खरानी भयो, अब बस्ने गास र बासको टुङ्गो छैन, खै के गर्ने हो ? कहाँ बस्ने, कहाँ खाने ?”

शनिबार दिउँसो वनमा लागेको आगो गाउँबस्तीमा सल्किँदा उनीसहित धेरैको १३ परिवारको घर तथा २६ गोठ जलेर खरानी भएको थियो । “घरमा रहेका अन्न, कपडा, लालपुर्जा, नागरिकता, गरगहना सबै खरानी भए, अहिले त खाने ठाउँपनि छैन”, धारापानीका रेशम परियारले भने । आगलागीले घर नष्ट भएको छ, घरमा भएको केही पनि बचाउन सकिएन । “ज्यान जोगियो त्यसैमा चित्त बुझाउनुपर्ने भयो, अरू सबै नष्ट भयो”, परियारले भने ।

मल्ल र परिवार मात्र होइन धारापानीमा शनिबार भएको भीषण आगलागीका कारण १३ घर परिवार अहिले खुला आकाशमा बस्न बाध्य छन् ।
आगलागीबाट भूमिकास्थान नगरपालिका धारापानीको रातामाटा, जाबुनडाँडा, बाजाखर्क, फलाम खिल्जी लगायतका गाउँका १३ घर र १० घरगोठ जलेर नष्टभएको जिल्ला प्रहरी कार्यालय अर्घाखाँचीका सूचना अधिकारी दीपेन्द्र रावलले जानकारी दिए । जंगलमा लागेको आगोबस्तीमा पसेको हो, अझै वनमापूर्णरूपमाआगो निभेको छैन ।

प्रमुख जिल्लाअधिकारी सूर्यबहादुर खत्री, रेडक्रस अर्घाखाँचीलगाएतका संस्थाले घटनास्थलमै गएर आगलागीकाकारणबास गुमाएका परिवारलाई खाद्यान्न सामग्रीप्रदान गरेकाछन् । आगलागीले घर गुमाएका रातामाटाका १६ घरपरिवारलाई जिल्ला प्रशासनको पहलमा उद्योग वाणिज्य सङ्घले खाद्य सामग्री राहत उपलब्ध गराएको छ ।

भीषण आगलागीले गाउँनै सखाप भएको छ । जिल्लाका विभिन्न स्थानमा शनिबार लागेको आगलागीमा ४३ घर गोठ जलेर नष्ट भएका छन् । हिजो भूमिकास्थान नगरपालिका, शीतगङ्गा नगरपालिका र पाणिनि गाउँपालिकामा भएको डढेलोले २० घर, २३ गोठ, ११ बाख्रा र छ भैँसी जलेर नष्ट भएका हुन् । सबै पालिकामा दमकल नहुँदा र आगो नियन्त्रणका सामग्री प्रयाप्त नहुँदा आगोलागीका घटना बढिरहेको जल्ला प्रशासन कार्यालयका प्रशासकीय अधिकृत नुमलाल पन्थीले बताए ।

सुरक्षाकर्मीसंग पनि पर्याप्त अग्निनियन्त्रक साधन छैनन् । शनिवार दिउँसो देखि रातभरसम्म लागेको आगोले ठूलो क्षति पु¥याएको छ । नेपाली सेना, सशस्त्र, प्रहरी, वन कार्यालयका कर्मचारी, जनप्रतिनिधि र स्थानीयले विहानपख मात्रै वन र गाउँको आगो नियन्त्रणमा लिएका थिए ।
रातामाटामा ५० लाखभन्दा बढीको धनमाल, अन्नपात, सरसामान जलेर नष्ट भएको प्रहरीले जनाएको छ । जिल्लाका छ वटा स्थानीयतहमध्ये सन्धिखर्क नगरपालिकामा मात्र दमकल छ । अन्यपालिकाहरूमा दमकल नभएपछि ट्याक्टरमा पानीको ट्याङ्कर भएपनि तयारी अवस्थामा राख्ने निर्णय भएको थियो ।