खोज

चन्दौटा(कपिलवस्तु), ३० चैत ।

कपिलवस्तुको शिवराज नगरपालिकामा संयुक्तरुपमा शुभकामना आदानप्रदान कार्यक्रम भएको छ । मेरुदण्डीय पक्षघात समूह नेपाल कपिलवस्तु र शिवराज अपांग सञ्जाल कपिलवस्तुद्वारा शुभकामना आदानप्रदान बिहिबार कार्यक्रम भएको पक्षघात समूहले जनाएको छ ।

शिवराज नगरपालिका वडा नम्बर ५ का वडा अध्यक्ष नेत्रप्रसाद बेल्वासेले फरक क्षमता भएका नागरिकले गरेको कार्यक्रमबारे प्रशंसा गरे । अपांगता भएका व्यक्तिलाई पालिकाले हेर्ने दृष्टिकोणमा कमी रहेको बताउँदै वडाले अपांगताको सवाललाई सम्बोधन गर्ने प्रतिबद्धता समेत जाहेर गरे । आगामी समयमा अपांगमैत्री संरचना निमार्ण पहल गर्ने वडा अध्यक्ष बेल्वासेको भनाई छ ।

मेरुदण्डीय पक्षघात समूह नेपाल कपिलवस्तुका अध्यक्ष खुमराज घिमिरेले हरेक पालिकामा अपांगमैत्री संरचना निमार्ण गर्न आग्रह गरेका छन् । नयाँ बर्ष २०८१ सालको शुभकामना व्यक्त गर्दै सार्वजनिक स्थलहरुमा निमार्ण हुनुपर्ने माग राख्दै जनप्रतिनिधि तथा सार्वजनिक पद धारण गरेका विशेष पहल गर्न आवश्यक रहेको उनले जनाए । करिब ७५ जना स्पाइनल कट इन्जुरीका बिरामी रहेको जिकिर गरे । सरकारले अपांगता भएका परिचयपत्र मात्र नभएर तथ्याङ्क राख्नुपर्ने बताए ।

शिवराज अपांग सञ्जालका पूर्व अध्यक्ष तथा सामाजिक सुरक्षा तथा पञ्जिकरण शाखा प्रमुख दीपक खड्काले सञ्जालको सुरुवाती चरणको संघर्षलाई स्मरण गरे । सामान्यतय नागरिक भन्दा अपांगहरुलाइृ हरेक क्रियाकलाप गर्न सहज नभएको समेत बताए । जनमानसको संख्यालाई मध्यनजर गर्दै जनप्रतिनिधिले प्राथामिकतामा राख्ने गरेको उनकोे दावी छ ।

बिजयनगर गाउँपालिका अपांग सञ्जालका अध्यक्ष दुर्गा प्रसाद काफ्ले आफ्नो हक अधिकारका लागि आफै लाग्न आवश्यक रहेको जनाए । शिवराज अपांग सञ्जालका अध्यक्ष सन्तोष आचार्य, उत्तम चौधरी लगायतले कार्यक्रमलाई सम्बोधन गरेकोे सञ्जालले जनाएको छ ।