खोज

बुटवल, २६ चैत । रुपन्देहीमा ब्यबस्थापन विषयमा अग्रणी शैक्षिक संस्था एम्स कलेज बुटवलले आफना विद्यार्थीहरुलाई बङ्गलादेश विश्वविद्यालयसंग सहकार्य गरि अध्ययन अवलोकनमा पठाउने भएको छ । बंगलादेशका चर्चित विश्वविद्यालयहरुमा एम्सले विद्यार्थीहरुलाई अध्ययन अवलोकनमा पठाउने भएको हो ।

छोटोसमयमा आर्थिक छलाङ मारेको बंगलादेशको विकासको गति र ब्यवस्थापनको पाटोमा ज्ञान हुने गरि शैक्षिक सिकाई गर्ने गरि सहकार्य गर्न लागेको कलेज प्रमुख दीपक ढकालले बताए । आगामी दिनमा कलेजका विद्यार्थीहरुलाई अमmै बढी प्रतिस्पर्धी र क्षमतावान बनाउन विदेशी विद्यालयसङ्ग जोड्ने गरि कार्यक्रम अघि बढाएको उनले बताए ।

सोमबार कलेजमा २१ औ शताब्दीमा ब्यवस्थापन विषयको उपयोगिता एवम सान्दर्भिकता विषयमा भएको सेमीनार कार्यक्रम टोरेन्टो विश्वविद्यालय क्यानडा, लुम्बिनी विश्वविद्यालय, नेपालका भिजिटिङ्ग प्रोफेसर एवम इस्ट वेस्ट युनिभर्सिटि ढाका, बङ्ग्गलादेशका प्रोफेसर विजोय प्रसाद बरुवाले आजको समयसापेक्ष शिक्षा दिन जरुरी रहेको बताए । विश्वभर नै ब्यवस्थापनका विद्यार्थीहरुका लागी हरेक क्षेत्रमा प्रसस्त अवसर रहेको भन्दै उनले ब्यवसायिक ज्ञानलाई अझै फराकिलो र ब्यवहारिक बनाउन जरुरी रहेको बताए । नेपालका विद्यार्थीहरुलाई बंगलादेश युनिर्भसिटि लैजान र त्यहाका ब्यबसायिक वातावरणसंग परिचित गराउन आफुले समान्वय गर्ने उनले प्रतिवद्धता जनाए ।

कार्यक्रममा लुम्बिनी विश्वविद्यालयका कार्यकारी निर्देशक उकेशराज भुजु, लुम्बिनी पर्यटन विकास परिषदका कार्यकारी प्रमुख रामु जोशीले पर्यटन, कृषि, ब्यबसाय उद्यमशिलताका लागी ब्यबस्थापन विषयमा खेल्नुपर्ने भूमिकाको बारेमा प्रकाश पारेका थिए ।

कार्यक्रममा स्कलर्स होमका स्कुलका प्राचार्य बाबुराम बन्जाडेले अन्तराष्ट्रियस्तरमा विद्यार्थीहरुलाई ब्यवसायिक गतिविधिमा जोड्नुका साथै उनिहरुलाई सिर्जनशिल र चनाखो हुने वातावरण गराउने आफुहरु सधै कार्यक्रमहरु चलाउने बताए । कार्यक्रममा ६५ जना विद्यार्थीहरु सहित प्राध्यापकहरुको सहभागिता रहेको कलेजका छात्रा एलीजा थापाले बताईन ।