खोज

बुटवल, २५ चैत। बुटवल उपमहानगरपालिकाले सडकमा रहेको छाडा चौपाया ब्यवस्थापन गर्न नया अवधारणा अघि बढाएको छ । सडकका छाडा चौपायाहरू नन्दिनी गौशालामा लगेर अब संरक्षणको जिम्मा प्रत्येक नगरबासीलाई दिने गरि योजना बनाएको हो ।

बुटवल उपमहानगरपालिकाका नगरप्रमुख खेलराज पाण्डेयले यो महाअभियान सफल बनाउन प्रत्येक नगरबासीलाई एउटा गाई संरक्षणको जिम्मा दिने बताए । एउटा गाईको पालनपोषणमा लाग्ने खर्च ब्यक्तिगत रूपमा नगरबासीलाई दिदा सहज हुने उनले बताए । गाईप्रति अपनत्व हुने र संरक्षण अभियान अघि बढ्ने उनले बताए । बजारमा दैनिक दुर्घटनालाई यो अभियानले न्युनिकरणसँगै नन्दिनी गौशाला पर्यटकिय स्थलका रूपमा विकास हुने उनले बताए । ‘छाडा चौपाया ब्यवस्थापनसंगै धार्मिक पर्यटकिय स्थलको रूपमा गौशाला विकास गर्दैछौ ।’—उनले भने । रोयल ग्रुपको पाचौ स्थापना दिवसमा अवसरमा आईतबार गौशालामा सहयोग सामग्री वितरण कार्यक्रममा बोल्दै उनले पछिल्लोसमयम दाताहरू स्वतस्फूर्त रूपमा गौशालामा आएको बताए । ‘देशमा नै आफै गौशाला संचालन गर्ने बुटवल पहिलो पालिका हो ।’—उनले भने । यो स्थानमा गाईको विषयमा बिहान दैनिक ५–६ बजेसम्म प्रवचन दिने, योगध्यान गर्ने कार्यक्रमहरू अघि बढाएर धार्मिक र रमणिय पर्यटकिय स्थलका रूपमा विकास गर्ने लक्ष्य रहेको बताए ।

ढाई वर्षअघि गौशाला निमार्णमा अघि सरेका बुटवलका समाजसेवी सन्तोष पाण्डे ब्यवस्थापनको काम ढिलै भएपनि शुरुवात भएको बताए । ‘मैले ७२ दिन आफै लागेर यो पुर्वाधार निर्माण गरेको हो ।’— उनले भने । सरल, ज्ञानी र मानिसहरूका संगतमा रहने पशु गाईहरू केही मानिसहरू आफनो स्वार्थ पुरा भएपछि सडकमा छोडिदिदा यिनीहरूमा नकारात्मक प्रभाव परेको उनले दुखेसो गरे । ‘बिस्तारै बानी परिवर्तन हुन्छ ।’—उनले भने । यो पवित्र काममा सबैको साथ जरुरी रहने उनले बताए । गौशालामा सुमधुर ध्वानीसहितको भजन लगाउने र चौपायालाई दैनिक सेवा गर्ने ब्यवस्था गरिएको उनले बताए ।

कार्यक्रममा ग्रुपका अध्यक्ष बोनिन पियाले ससाना सहयोग जुटाएर आफुहरू सामाजिक क्षेत्रमा सहयोग गर्दै आएको बताए । यसवर्ष रक्तदान वितरण, हिलपार्कमा डष्टबिन बितरण तथा गौशालामा सहयोग हस्तान्तरण गरिएको उनले बताए ।

कार्यक्रममा बुटवल उपमहानगरपालिका वडा नं ३ का वडाअध्यक्ष विष्णु ढकाल, उपमहानगरपालिकाका प्रशासन प्रमुख हरिप्रसाद आचार्य, स्वस्थ्य महाशाखा युवराज पाण्डे, पशु शाखा प्रमुख झविन्द्र बन्जाडे, वरिष्ठ ईन्जिनियर सुमन श्रेष्ठ, शाखा अधिकृत दामोदर ज्ञवालीले बुटवलबाट सन्देश दिने गरि छाडाचौपाया ब्यवस्थापनको नया काम अघि बढेको बताए ।

कार्यक्रममा ग्रुपका कोषाध्यक्ष उमाशंकर मालपानीले नगरबासीको अपनत्व हुने गरि हरेक विकासका योजनालाई अघि बढाउदा सफल हुने बताए ।