खोज

२४ चैत,बुटवल । पश्चिम नेपाल बस ब्यबसायी प्रालिको दोश्रो अधिबेशनबाट निर्वाचित संचालक समितिको वैठकले दधिराम खरेललाई अध्यक्ष निर्वाचित गरेको छ । खरेल यसअघि समिति हुँदा ३ पटक र प्रालिमा गएपछि दोस्रोपटक अध्यक्ष चुनिएका हुन् ।

दुई प्यानलबीच भएको चुनावमा खरेलको प्यानलले पदम गाहा नेतृत्वको प्यानलका सबै उम्मेदवारलाई पराजित गरेको थियो । एमाले र माओवादी निकट व्यवसायीसंगै खरेलले कांग्रेस निकट व्यवसायीलाई विभाजित गराई एक समूहलाई सामेल गराएर परिणाम आफ्नो पोल्टामा पारेका थिए ।

सञ्चालक समितिको वैठकले प्रालिको प्रबन्ध संचालकमा रामचन्द्र भुसाल र कोषाध्यक्षमा मोहन  पिएसलाई सर्वसम्मत चयन गरेको छ ।

यस्तै समितिको दुर्घटना न्यूनिकरण तथा सवारी ब्यबस्थापन प्रमुखमा नारायण प्रसाद घिमिरे, ब्यबसायी संरक्षण कोष प्रमुखमा गोपाल बहादुर पौडेल, कल्याणकारी बिभाग प्रमुखमा जिवनकुमार बन्जाडे, क्यु बिभाग प्रमुखमा चेतनारायण बेलबासेलाई चयन गरिएको प्रबन्ध सञ्चालक रामचन्द्र भुसालले बताए ।

हालै सम्पन्न अधिवेशनबाट सञ्चालकहरुमा रामचन्द्र भुसाल, रामचन्द्र खड्का, जितेन्द्र खत्री, नारायण प्रसाद भण्डारी,नारायण प्रसाद घिमिरे, गोपाल बहादुर पौडेल,चेत नारायण बेल्वासे, सुरेन्द्र श्रेष्ठ ,मोहन पिएस र जीवन कुमार बन्जाडे निर्वाचित भएका थिए ।

सञ्चालक समितिको वैठकले प्रबन्ध संचालकमा रामचन्द्र भुसाल र कोषाध्यक्षमा मोहन  पिएसलाई सर्वसम्मत चयन गरेको छ ।

यस्तै समितिको दुर्घटना न्यूनिकरण तथा सवारी ब्यबस्थापन प्रमुखमा नारायण प्रसाद घिमिरे, ब्यबसायी संरक्षण कोष प्रमुखमा गोपाल बहादुर पौडेल, कल्याणकारी बिभाग प्रमुखमा जिवनकुमार बन्जाडे, क्यु बिभाग प्रमुखमा चेतनारायण बेलबासेलाई चयन गरिएको प्रबन्ध सञ्चालक रामचन्द्र भुसालले बताए । यसैबीच नयां सञ्चालक समितिको सपथग्रहण तथा पदस्थापन कार्यक्रम सम्पन्न भएको छ ।

कार्यक्रममा  बोल्दै बुटवल उपमहानगरपालिका प्रमुख खेलराज पाण्डेले यातायात क्षेत्रका समस्या समाधान गर्न आवश्यक रहेको बताए । कार्यक्रममा प्रालिका अध्यक्ष दधिराम खरेलले यातायात ब्यबसायीहरुको हकहित संरक्षणका साथै सामाजिक बिकासमा तिनै तहका सरकारसँग सहकार्य गरेर जाने बताए ।

कार्यक्रममा बुटवल उपमहानगरपालिका वडा नम्बर ४ का अध्यक्ष तथा प्रालिका सल्लाहकार नरिश्वर शर्मा पौडेल, रुपन्देही उद्योग संघका अध्यक्ष दिलिप सापकोटा,बुटवल यातायात प्रालिका प्रबन्ध संचालक दिपक श्रेष्ठ, निर्वाचन समितिका संयोजक रामराज पोखरेल, सदस्य दिनेश पाण्डे, अर्का सदस्य तुलसीराम बन्जाडे, बुटवल अटो एसोसिएसनका अध्यष तुल्सीराम न्यौपाने लगाएतले यातायात ब्यबसाय क्षेत्रका समस्या र समाधानका उपायहरुबारे चर्चा गरेका थिए ।