खोज

कल्पना कुुँवर, नवलपुुर ।

देशकै सबै भन्दा ठुलो कागज कारखानाका रुपमा स्थापित पूुर्बी नवलपरासीको गैंडाकोटमा रहेको भृकुटी कागज कारखाना बन्द भएको ११ बर्ष भन्दा बढि भए पनि त्यहाँ कार्यरत स्थायी कर्मचारीले अहिलेसम्म तलब नपाउँदा थप पीडित बन्दै गएका छन् ।

भृकुटी कागज कारखानामा कार्यरत झण्डै ३४२ कर्मचारीले शुरुका चार बर्ष देखिको तलब नपाए पछि उनीहरुले अब निर्णायक आन्दोलनमा जानुको बिकल्प नरहेको भन्दै कारखाना व्यवस्थापनलाई अल्टिमेटम दिएको भृकुटी समस्या समाधान सयुक्त सर्घष समितिका संयोजक दर्शन सापकोटाले बताए ।

सो कारखानामा कार्यरत कर्मचारीले झण्डै २० करोड बढि तलब नपाएका र पटक पटक कारखाना ब्यबस्थापन संग वार्ता गरि सो रकम बितरण गर्ने पाँच पटक सहमति भए पनि कारखाना व्यवस्थापनले सहमति उल्लंघन गर्दै आएको संयोजक सापकोटाले बताए ।

भृकुटीमा कार्यरत मजदुर र संचालकबिच २०६९ पुष २ गते, २०७० साउन २ गते र २०७१ बैशाख २६ गते, २०७४ र २०७६ मा गरि पाँच पटक सम्म वार्ता गरि पाँचै पटक सम्झौता भए पनि कार्यान्बयन गर्न संचालक तयार नदेखिए पछि अब निर्णयक आन्दोलन मात्रै बिकल्प रहेको र अबको आन्दोलनले मात्रै व्यवस्थापनको घुँडा टेकाउने गरि आन्दोलन सफल बनाउने संयोजक सापकोटाको भनाई छ ।

पटक पटकको धर्ना ,अनशन, आन्दोलन पछि गत २०७६ मा चार बुंदे लिखित सहमति भए पनि सहमति कार्यान्वयन गर्न संचालकले गैर जिम्मेवारीपन देखाईरहेको संर्घष समितिका पुर्ब संयोजक रामु शर्माले बताए । पछिल्लो सहमति अनुसार एक महिना भित्र बैकको ब्याज र आधा महिना बराबरको तलब दिने र चार महिना भित्र बाँकी सबै तलब दिने सहमति भए पनि सो समेत अहिलेसम्म कार्यन्वयन नभएको भन्दै आन्दोलन सर्घष समितिले संचालकलाई श्रम ऐन अनुसार कारबाहीको दायरामा ल्याउने र मालिकको घर घेरा हाल्ने ,अनशन बस्ने लगायतका चरणबद्ध आन्दोलन अबको बिकल्प रहेको संर्घष समितिले जनाएको छ ।

भृकुटीमा कार्यरत कर्मचारीहरुले ११ बर्ष देखि तलब नपाउँदा उनिहरुको दैनिकी जिवन थप कष्टकर बन्दै गएको छ भने संचालकको गम्भीर लापरबाहीका कारण थप आन्दोलनमा होमिनु पर्ने उनीहरुले गुनासो गरे ।

कारखाना बन्द भएको झण्डै ११ बर्ष बित्न लाग्दा समेत संचालकले कारखाना पुरै बन्द छ भने कारखानाका मेशिनहरु पुरै बिग्रेर नष्ट भैसकेका छन् तर पनि कारखानाका मजदुरहरुको रोजीरोटी नै गुमेको छ भने अबको बिकल्प भनेको भृकुटीमा कार्यरत मजदुरहरु कडा र अन्तिम संर्घषमा उत्रनु भन्दा अरु बिकल्प नरहेको संयोजक सापकोटाले बताए ।