खोज

सुर्खेत, १५ चैत । नेकपा (एमाले) जिल्ला कमिटि हुम्लाले लोपोन्मुख वन चौरीलाई प्रतिक मान्दै लोगो सार्वजनिक गरेको छ । दशौ जिल्ला अधिवेशनको अवसर पारेर हुम्लामा मात्र भेटिने उक्त वनचौरीको लोगो सार्वजनिक गरेको हो । लोपोन्मुख वनचौरीको संरक्षण गर्नुपर्ने सन्देश दिनका लागि लोगो बनाइएको पार्टीका कर्णाली प्रदेश कमिटि सदस्य नवराज महताराले जानकारी दिए । ‘यस वन चौरीको बासस्थान मासिदै गएको अवस्था छ, यो वनचौरी हुम्लाको लिमि उपत्यकामा मात्र पाइन्छ’ महतराले भने, ‘पार्टीबाट पनि नयाँ खालको काम गर्नुपर्छ भनेर यसतर्फ लागेका हौ ।’

लोपोन्मुख जंगली जनावरको सूचिमा रहेको वन चौरीको संरक्षणमा जोड दिन सम्बन्धित निकायको ध्यान केन्द्रीत होस भन्दै एमाले हुम्लाले आफ्नो दशौं जिल्ला अधिवशेनको लोगोको प्रतिक बनाएको अधिवेशन आयोजक किमिटका संयोजक डबल रावतले जानकारी दिए ।
पार्टी कार्यालयमा आयोजित जिल्ला अधिवेशनको लोगो सार्वजनिक कार्यक्रमलाई संवोधन गर्दै संयोजक रावतले नेपालकै शिर्ष सदरमुकाम सिमकोट र लोपउन्मुख वन चौरीलाई समेटेर अधिवेशनको लोगो तयार पारिएको बताए ।

पार्टी जिल्लाको निर्वतमान पदाधिकारीहरुको बैठकले पार्टीका कर्णाली प्रदेश कमिटि सदस्य नवराज महतारा, कर्णाली काठमाडौं सम्पर्क कमिटिका उपसचिव बिरजन महातारा र देवीलाल रावलले परिकल्पना गरेर उक्त लोगो बनाएका थिए । दशौं जिल्ला अधिवेशनका लागि तयार पारिएको लोगोमा सदरमुकाम सिमकोटको सुन्दर दृश्य, लोपोन्मुख हुम्लामा पाइने चौरी, सुन्दर हिमाल र उदाउँदो सूर्य चिन्ह अंकित रहेको छ ।