खोज

बुटवल, १० चैत ।

क्षेत्री समाज नेपाल लुम्बिनी प्रदेशको अध्यक्षमा पृथ्वी फौदार चयन भएका छन् । समाजको साधारणसभा तथा दोश्रो अधिबेशनबाट फौजदार अध्यक्ष चुनिएका हुन् ।

जसको वरिष्ठ उपाध्यक्षमा प्रेम बानियाँ, महिला उपाध्यक्षमा शान्ता अर्याल क्षेत्री, उपाध्यक्षमा भरत प्रताव क्षेत्री, सचिवमा अर्जुन कुँवर, कोषाध्यक्षमा पदम प्रताव जिसी, सह सचिवमा कृष्ण थापा निर्वाचित भएका छन् । त्यसैगरी सदस्यहरुमा लक्ष्मी बस्नेत, मिना जिसी, तेजराम भण्डारी, चन्द्रबहादुर केसी, धर्म बहादुर कुँवर, बाबुराम महत, शान्ता भण्डारी, दिपा भण्डारी डाँगी, वसन्त गोदार, शिला कार्की, हरिजंग रायमाझी, राम बहादुर पोख्रेल, अमर बहादुर पराजुली, सन्त बहादुर खत्री, हेम राज पोख्रेल, सन्तबहादुर बर्मा, प्रतिभा कार्की, पितम केसी र पार्वती भण्डारी रहेका छन् ।

त्यसैगरी लेखा समिति संंयोजकमा नारायण बहादुर रायमाझी निर्बाचित भएका छन् । समाजको विधान अनुसार प्रदेशका १२ जिल्लाका अध्यक्षहरु पदेन सदस्य र १० जना मनोनीत गरी ६५ जना सम्मको प्रदेश समिति बनाउन सकिने प्रावधान छ ।

सम्मेलन उदघाटन सत्रमा अध्यक्ष भक्तबहादुर कार्कीले समाजले गरेका गतिविधिबारे प्रकाश पारेका थिए भने वरिष्ठ उपाध्यक्ष मेयर सिंह कुँवर, सह सचिब अर्जुन कुँवरले समाजले लिएका लक्ष्य र उद्देश्यबारे जानकारी गराएका थिए ।

अधिवेशनको उदघाटन समाजका केन्द्रीय अध्यक्ष प्रा.डा. दिल बहादुर क्षेत्रीले गरेका थिए । कार्यक्रममा वरिष्ठ न्यायाधीश तेजबहादुर कार्की, लुम्बिनी प्रदेशका मुख्य न्यायाधिबक्ता डा. बुद्ध बहादुर बस्नेत, केन्द्रीय उपाध्यक्ष बिष्णु बहादुर कार्की, केन्द्रीय उपाध्यक्ष कृष्ण बहादुर थापा, महासचिव केश बहादुर केसी, केन्द्रीय सदस्य अनित अधिकारी, लेखा संयोजक शंकर केसी, रुपन्देहीका अध्यक्ष गुप्त बहादुर केसी, सिद्धार्थनगरका नगर अध्यक्ष मिलन बस्नेत लगायतले शुभकामना मन्तव्य व्यक्त गरेका थिए । साधारणसभाले अध्यक्ष, सचिव र कोषाध्यक्षको प्रतिवेदन पारित गरेको छ ।