खोज

बुटवल, ९ चैत। रूपन्देहीमा केन्द्रीय कार्यालय रहेको ट्रष्ट माइक्रो इन्स्योरेन्स कम्पनीको शुभारम्भ गरिएको छ । रूपन्देहीको तिलोत्तमा २ जानकीनगरमा शुक्रबार एक समारोहका बिचमा लुम्बिनी प्रदेशका निवर्तमान मुख्यमन्त्री तथा प्रदेशसभा सदस्य लिला गिरीले उद्घाटन गरेका थिए । सो अवसरमा बोल्दै प्रदेश सांसद गिरीले आर्थिक समृद्धीका लागि मुलुकमा रोजगारी सिर्जना गर्नुपर्ने उल्लेख गरे । कृषि क्षेत्रलाइ अगाडी बढाउन सकेमा सहजै समृद्धीको सपना पूरा हुने दाबी गरे । गिरीले मुलुक बनाउन राजनीतिक दलको सहि भुमिका नभएको स्वीकार्दै मुलुकमा स्थिरता जरूरी रहेको उल्लेख गरे । युवा पलायन रोक्न देशमै रोजगारी सिर्जना गर्दै अघि बढ्नुपर्ने उनको भनाइ छ । उनले नेपालीहरूलाई बीमाको मुलधारमा ल्याउन जरुरी रहेको भन्दै लगानी सुरक्षितका लागि पनि बीमा अनिर्बाय रहेको उल्लेख गरे । नेपाल बिमा प्राधिकरण संचालक सन्तोष रिजालले मुलुकको अर्थतन्त्रको एक खम्बा बीमा भएको भन्दै अब फास्ट मुभरका रूपमा काम गर्न आग्रह गरे । नेपाल बिमा प्राधिकरण सहनिर्देशक साम्भाराज लामिछानेले राम्रो कामका लागि प्राधिकरण सधै साथमै रहने बताउनुभयो प्राधिकरणका लुम्बिनी प्रमुख पुर्णबहादुर थापाले जनतालाई सरल सेवा सहज र दाबि भुक्तानी सहज बनाएर काम गर्न सुझाव दिएका थिए ।

संस्थाका अध्यक्ष जगत पोखरेलले चुक्तापूँजी ७५ करोड रूपैयाँ रहेको ट्रष्ट माइक्रो इन्स्योरेन्सले निर्जीवन बीमाको काम गर्ने बताए । अध्यक्ष पोखरेलले बीमा कम्पनीलाइ मुलुकै एक नम्बर बनाउने गरि काम हुने दाबी गरे । उनले स्थानीय सरकार र प्रदेश हुँदै संघीय सरकारसँग समन्वय गरेर रूपन्देहीलाई आर्थिक हब बनाउन चाहेको बताए । ‘हामी लुम्बिनी प्रदेशको रूपन्देही बुटवललाई आर्थिक राजधानी बनाउन चाहन्छौँ,कुरा गरेर मात्रै आर्थिक राजधानी हुँदैन त्यसैले हामीले काम गर्न आएका हौँ,हामी स्थानीय नै भएका कारण थप सहज हुने बिश्वास लिएका छौँ ।’ उनले भने ।

कार्यक्रममा परीक्षा नियन्त्रक तथा शिक्षाबिद् दिपेन्द्र ढकाल, साइन डेभलपमेन्ट बंैकका अध्यक्ष थानेश्वर पौडेल, पत्रकार महासंघ रूपन्देहीका अध्यक्ष रामराज पोखरेल, मनोज भट्टराइ लगायतले बोल्दै सेवाग्राहीको मन जितेर काम गर्नुपर्नेमा जोड दिए । शुभारम्भकै दिनामा २ जनाले बिमा लेख खरिद गरेका थिए । निश्चल न्यौपानेको नाममा बाबु नारायण न्यौपानेले कारको बिमा, ईश्वर भण्डारीले घरको बीमा गरेका हुन । यस कम्पनीमा विभिन्न व्यवसायीक व्यक्ति संस्थामा आबद्ध ७१ जना यसका शेयर सदस्य छन् । लघु बीमाले बढिमा ५० लाख सम्मको मात्रै बीमा गर्न पाउँछ ।